John 2:23 - ASII LAKDAP Bible (BSI)

²³ Jesuq raq Tiichhii Wan Poi liipan bala, Jerusalem maq awang chang jaqsham ka pahea shamto. Kra chhi raüta, maiq pahea raq apaiq ma kam wanto.

Hawa Naga Bible 2001

²³ Tvlvy Wvnc Moalx baunglaung Yerusalem ghaq nuex vpiq rueq tvkhic wvnc tueq vwangc juing yauk shuimc htenc kuex miq paunghvlc rueq khiz vtueq vpiq muex kvmluimx wvnc wuez tueq.

Muklom

²³ Piq Jerusalem na Ulit kut aa kan rangham na angta tho, piq aa patja jaksom takhita tha siin eq daqhan miqtang aa piq miing sho hanta.

John 2:23 Referencias Cruzadas

Luke 8:13

Tsamlai longrong hiawia na arokti ka ara. Maiq ümriiti riiwa Shiikeawe bomtsi ka tai raüta, chochikhiq maq lang tlo. Shatmaq, tsangshiq tsan na arang ka atsaü maq cham mak dea. Tsangshiq kam- tsantsii ka jaqlose miitu li sitlo. Krai mren, maitai chamchao akhing saü tlaq ranaiq na, tsangshiq kamtsantsii ka achhan riiwan tlo. Kriiti ka tsamlai longrong hiawia na arokti maq shiiton tlo.

John 11:45

Meriq rai riihumkai nokmaiqse pahea aki rai kriiraq, Jesuq raq jamlai wa awang chang jaqshamtaq kra chhito. Raüta, tsangshiq riimin apaiq miishe kamto.

John 2:11

Jesuq raq ara apha shaqshaq awang chang jaqsham arka, Gelili wang na Kana hiqshong maq shamkuqto. Kra wangchang jaqsham kuqtaq kra lümaq, apaiq khushü jong kra, maiqse angu ma tiichhi kuqto. Kiimaq kra chhi raüta, ajaqshisetiim riimin, apaiq miishe kamwanto.

John 2:13

Kra bala ka Tiichhii Wan Poi ho nini she riito. Kriikha maq, Jesuq ka Jerusalem na kihoto.

John 3:2

Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

John 4:45

Apaiq ka Gelili hiq na saü wan kiita, kiiwa nokmaiqse raq Jesuq ka ahea wiq maq tao wanto. Tsangshiq raq apaiq tao wantaq kriika tsangshiq Tiichhii Wan Poi lomkai Jerusalem na kitaq kra akhing na, Jesuq raq phanrap jaqsham wantaq kra tsangshiq raq chhito. Kriikha maq, Jesuq ka Gelili na saü wan kiita, tsangshiq raq apaiq ka aheawiq maq taoto.

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

John 6:14

Jesuq raq kra wangchang jaqshamke kra chhi raüta, mungnyung mungse raq, “Arwe arka Asii Bomtsi na jai maq shammi weshi mangjong hiq na mikilii nguta chongtlaq we kriidea saükito sham!” nguta tsangshiq liipan na bom ka riichongto.

John 6:2

Apaiq raq maiq atsiti tiiheake wan awang chang jaqsham wantaq kra thun ka chhiwi raüta, maiq phong ka khunyaq khukhi akong ada riishe apaiq jai ka phan wanto.

John 7:31

Shatmaq, mungmaiqse phong wa maiq pahea raq apaiq ma kam wanto. Kiimaq tsangshiq raq, “Ümtiikiiwa Khristo saüki jiiq, kra akhing na ümchaü arwe raq awang chang jaqsham wantaq arthaq na achat raüta, akao lin she sha misham wan nya?” nguta tsangshiq liipan na riibomto.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

1 John 3:23

Shiikeawe raq nashiq ma, Ase Jesuq Khristo ma kam raa tlo nguta, aming kuq tlo. Laita nashiq nai nashiq liipan na, riilung riiwii maq siraa tlo nguta aming kuq tlo. Arka Khristo raq nashiq ma aming kuqtaq irsii li.