John 2:24 - ASII LAKDAP Bible (BSI)

²⁴ Shatmaq, Jesuq riika tsangshiq ma kam mak riito. Jamkhano ngukla, apaiq riika tsangshiq tsantsii ka kunli asap.

Hawa Naga Bible 2001

²⁴ Yuq muinz Yesu rueq miq lotlaz thuinz kuex tuiuz yaq ningkhvnc nuex tsuingshiq muex kvmx muq.

Muklom

²⁴ Etharin Jesu aa piq ni piq tha ning jaknáng kot moq angta, chammatakoi piq aa thaji tha usam eq ta.

John 2:24 Referencias Cruzadas

1 HOKHVMX 8:39

tsangshiq achujaü ka tre kuq laq. Ümniiraq ramungtan na ümjam mong maq, tsangshiq achujaü ka trekuq laq. Tsangshiq mra ka diikuq laq. Laüta tsangshiq ka khrum kuq laq. Maiqse tiima tsantsii khonti ka ümniili. Maiqse loweatek ma apaiq raq klotlaq kra phan phan thamsong kuqlaq.

1 KAÜWA WERAÜ 28:9

Kiimaq apaiq raq Solomon ma chongto, “Ise lei, ngi raq ümniima ümwe Shiikeawe ka saplaq nguta aming kuq tiikang. Laüta apaiq kli tsan nai mongjii wiita kuq lata shiililii wan laq, kiimaq khoqriiq shishiiq tiima tsantsii maq shiililaq. Apaiq raq nashiq tiima tsantsii kunli asap. Kiimaq nashiq raq jamlai wa lungwii tiikai kriimin asap. Krai mren ümniika awokhong na wahaüla, apaiq raq ümniika mitao. Shatmaq ümniika awokhong wa ahin na juho raüla, apaiq raq ümniika pattup miitu she mimiimbaiq.

1 KAÜWA WERAÜ 29:17

Ngi raq asapha ümniiriika maiqse angu kunli tsantsii ka maitai tlaü, kiimaq jurwa tsantsii khangriri hea riimtlaq kriiti rai ka chochi khiq sitlaü. Tsantsii khangriri hea maq kiimaq tingting tsantsii maq, ngi raq arthun ara khoqriiq shishiiq maq ümniima kiinong kuq tiikang. Kiimaq ngi raq chhi wan kang she, ümsenginok ümchaü arjaq thungtii wantaqti raq khoqriiq shishiiq maq ümniima honglu thun ka kuq wanto.

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

Matthew 9:4

Kiijiishe Jesuq raq tsangshiq tsan na jamlai wa tiima tlaq kra thohe raütiishe, “Namshiq tsan mong na akha abi ashut ka jaram wa tiima tlan?

Mark 2:8

Jesuq raq tsangshiq tsan na jamlai wa tiima tlaq, kra taksaqli she riito. Krai mren, Jesuq raq tsangshiq ma akha waito, “Namtsan mong na akhiika jam nguto tiima tlan?

John 1:42

Raütiishe, apaiq raq aphu Simon ka, Jesuq phaniishe shea wanto. Jesuq raq Simon Petar phanü na lii raüta, “Ümniika Johan se Simon. Shatmaq, ümchaü ara miiphat she, ümmang ka Sephas she miraq.” (Sephas nai Petar ngutlaq kra liichum ka “longkaü” nguta ngo she riito.)

John 16:30

Ümchaü ka, naishiq riimin sap wan kai she. Ümniiriika maiqse tsan mong na tiima tsantsii ümchuwa sitlaq, kriika wiita akhon haü siisaq. Maiqse raq ümniima awai aso wan ngo min rarai mak. Phanrap ka ümniiraq asap haü siisaq. Ara chhi wan laitiishe naishiq raq ümniika Shiikeawe pha wa aki haü dea ngutiishe kamwan tiikai.”

John 21:17

Kiimahali, tiithong tsam she, Jesuq raq Petar ma hali bom ka wai nongto, “Johan se Simon, riita, ümniiraq ngi ka ngohea shaqshaq dea sha lungwii tlaü?” Kiijiishe, Petar ka atsan biwa liishe riito. Ara jamkhano atsan bita ngukla, Jesuq raq apaiq ma bom ka, tiithong tsam she, “Ümniiraq ngi ka lungwii tlaü dea sha?” nguta waito. Kriikha maq, apaiq raq hali tre nongto, “Tatiwe, ümniiriiri phanrap asap haü. Ngi raq ümniika lungwii tiikang ngutiimin, ümniiraq asap haü!” Kiijiishe, Jesuq raq apaiq ma chongto, “Ikhla, i skuse kong ka samhea rüm laq.

John 4:16

“Walaq, ümwese ka sheawakiq. Laüta, ana jangki nongkiq,” nguta Jesuq raq apaiq ma chongkuqto.

John 5:42

Ara jamkhano chongtiikang ngukla, ngi raq namshiq hon atsii ka wiita asapha. Kiimaq namtsan na Shiikeawe ma lungwii tsii rüm man kriimin asap ha.

John 6:15

Jesuq raq kra mungmaiqse hon atsii ka atak wishe riito. Tsangshiq raq apaiq ka ningkun maq lap raüta, tsangshiq hokham we ma tiija wan danto. Apaiq raq kra tho ka heraüta, hiqlam nü nü kiina apaiq honhonse she wawanto.

John 6:64

Ngi raq atinkhan chongke wan jai min, namshiq phong wa maiq wiijamti raq ngi ma kam man.” (Jesuq raq apaiq ma kam makti ka juju wa, kiimaq apaiq shaphaqti ka juwa miraq, kra thun ka apha miiphü asap.)

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

Acts 15:8

Kiimaq, maiqse loweatek tiima tsantsii kra khonti we Shiikeawe raq, tsangshiq kiimin apaiq puk na nyap wan miitu kilü ka dikuq wanto she. Raüta, nashiq ma jamkho kuqtaq kiikhiisii hali, tsangshiq miimin Asii Wenyi ka kuqto.

TRI CHONGKE 31:21

Kiimaq tsangshiq khuthaq na phiiptsi chang pahea chamchao misaü. Shatmaq ara shi nge arka shinge wan ruq li miraq. Kiimaq ara ashi arka tsangshiq tiishut wan saqse miishe mija wan. Ümchaü dongdii min, Ngi raq tsangshiq ma mung ashi mikuqha nguta kiq kham kuqkang mung kiijaq mishea wanha shaq niimin, tsangshiq tsan mong na jamlai wa tiimatlaq kra Ngi raq asapha.”

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”