John 18:8 - ASII LAKDAP Bible (BSI)

⁸ “Riita, ngi raq namshiq ma chongkang she. Ngi ahata apaiq. Namshiq ka ngi rit wa awahan jiika, ara i sengi thun arka wiita ahin na mitiijin wan liina,” nguta apaiq raq bom ka tsangshiq ma chong kuq nongto.

Hawa Naga Bible 2001

⁸ Yesu rueq, “Ngaz rvtauk ngoz tueq jungx kuq phaungx shex, ngaz thuiyx vphuinx ngoz ruiux kuex vruex hez kuex m-woz wvnc kueq,” ngoz tueq.

Muklom

⁸ Jesu aa thawel batta, “Nga raa eshi miq tha ta nim ma ubat sey taphang. Nim aa nga bi inn jo, ning ri takat inn.”

John 18:8 Referencias Cruzadas

ISAIA 53:6

Nashiq tarü ka skuse amo arki ikha siwankai, nashiq loweatek maiqmii lampu rit siwankai. Shatmaq Tatiwe raq nashiq mo ka apaiq ma tiiho wanto, nashiq tarü raq kra mo ka howan chang wa.

Matthew 26:56

Shatmaq ümchaü arthun hongtha rai wantaq arka, Asii bomtsi na shammibi raq ngi miitu awaiq thü bomtsi kra riikhaqli tiikupi miitu she hongtha wanto.” Kiijiishe ajaqshisetiim raq Jesuq ka miimbaiq thü raütiishe, pongpin riipin she pintrangto.

John 10:28

Krai mren, ngi raq tsangshiq ma pattup pat-sa rilung kuq tiikang. Krai mren, tsangshiq ka tsai mak she miraq. Tsangshiq ka i wokhong wa jurmin khotwa lot mak she.

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 13:36

“Tatiwe ümniika ümba na wawan wa?” nguta Simon Petar raq Jesuq ma waito. “Ngi ümbano wawan tiikang, kiijaq ümchaü ümniika wawan lot maü. Shatmaq, jai miishetiq i jai miphan wanlot haü,” nguta Jesuq raq Petar bom ka treto.

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.

John 18:7

Kiijiishe, Jesuq raq jangshi ri hali, “Riita, namshiq ka ju rit wa awa hanjiq ngu kai?” nguta hali tsangshiq ma bom ka wai nongto. “Najareth hiqti we Jesuq rittiikai,” nguta hali tsangshiq raq apaiq bom ka tre nongto.

John 18:9

Apaiq raq ara bomtaq arka, apaiq raq kongkhuji maq, Awe ma, “I We lei, ümniiraq ngi ma i sengi ümchuwa kuq laü, kiiwa ngi raq ashi min tiimomiq mang maq khup wong kuq kang,” nguta bom khamkuqtaq kra tiiku wan miitu she hongtha wanto.

1 Corinthians 10:13

Namshiq raq ümchuwa phanrap maitai akhing lea wan tlan kriika, nanok wiitarü ma saü wan tlo sii. Shatmaq Shiikeawe raq apaiq kiqkham ka riikhaqli maq thü wan tlo. Kiimaq apaiq raq namshiq ma namshiq raq nin wan lot man chang maitai ka tiisaü wan mak miraq. Ümra akhing niiwa namshiq ma maitai saü tlaq, kra akhing na, apaiq raq namshiq ma anin wan ningkun mikuq. Kiimaq krai mren, kra maitai wa mong wa dong wan chang lamlu kiimin atiichhi mirkuq.

2 Corinthians 12:9

Shatmaq, apaiq raq akha ngutli treto, “Ngi raq ümnaq kaphap tiikang kriili ümniima mihong rai. Ara jamkhano chongtiikang ngukla, ümtiikiiwa ümniika ningkun ajom sitlaü, kiitiikaq ümkhum na i ningkun ka ajong riiwan tlo.” Krai mren, ngi ka i ningkun ajom maq siwan riiwe ka, tiishomra tiikang. Jesuq Khristo ningkun maq, ngi ara tiikhup wongke kra sap wanro tiikang.

Ephesians 5:25

Awesetiim lei, nam-nyungtiim ka Khristo raq phungtu jamkho lungwii tlaq, raüta apaiq miisaq min kuq tlii raüta tsaitaq kiikhiisii hali, namshiq awesetiim riimin nam-nyungtiim ka lungwii ronglaq.

1 Peter 5:7

Ümchapa hekiilai ümchuwa sitlaq kra apaiq ma phong kuqlaq. Jamkhano ngukla apaiq raq ümnaq shiikum pantlo.