John 17:9 - ASII LAKDAP Bible (BSI)

⁹ “Ngi raq tsangshiq miitu achu jaü tiikang. Ngi raq mangjong maiqse miitu ka achu jaü mang. Shatmaq, ümniiraq ngi ma ümchuwa kuq laü, tsangshiq miituli achu jaükuq tiikang. Tsangshiq ka ümsengi.

Hawa Naga Bible 2001

⁹ “Tsuingshiq tvkoc ngaz rueq vjux thoz vshaungx. Mungkawx miqsaz tvkoc thoz vshaungx rvmuq, mnoz rueq ngaz muex kuq phux hez tvkoc dvyx thoz vshaungx, yvmx khoc lac ngoz ruiux lec tsuingshiq kuex mnoz rueq guimz yaq hez rvtueq.

Muklom

⁹ “Nga ning rangma romtam chu ang, mingkang rangma romtam chu mong, etharin nang aa ngama kota phu, ning rangma chen romtam chu ang, chammatakoi ning raa ba rang.

John 17:9 Referencias Cruzadas

Luke 22:32

Shatmaq, ümkam tsantsii kra chhan mak chang miitu, ngi raq ümniimiitu achu jaü kang she. Kiimaq, ümtiikiiwa ümniika, ngi phana hali mijang wan nong haü, kiitiikaq ümniiraq ümphu ümnobi thun tsaiji kra mido kuq haü.”

Luke 23:34

Kiijiishe, Jesuq raq, “I We le, tsangshiq ngarai ka adii riikuq laq! Tsangshiq raq jamlai wa klo tlaq kra sapmak,” nguta nguto. Tsangshiq raq langlii raüta, apaiq khea ka tsangshiq liipan na riipheato.

Luke 8:34

Kiijiishe waqkong rümtibi raq, waqkong thamchum mong na thap wan ka chhito. Kra chhi raütiishe, tsangshiq ka taülaü khiq chela kiina ju raüta, kra tsütsa ka nokwe ma tiitai chongkuqto. Kiimaq hiqshong thun na chongkuq wanto.

John 14:16

Kiimaq, ngi raq, i We ma namshiq Khrumti weshi tiikilaq nguta michong ha. Krai mren, apaiq raq, namshiq khrumti weshi she mitiiki. Apaiq ka pattup pat-sa namshiq rai adam she misi wan.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 17:20

“Ngi raq achu jaü tiikang arka, tsangshiq miitu lamlamse li ka riimak. Shatmaq, tsangshiq raq traho bom chongkuq tlaq kra tsütsa tai raüta, ngi ma ümchuwa kamwan tlaq, kriiti miitu min, achu jaükuq tiikang.

John 17:6

“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she.

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

John 6:39

Kiimaq ngi tiikaiti we raq tiima tlaq ka, apaiq raq ngi ma maiqse ümchuwa kuq wantaq, kiiwa ngi raq ashi min tiimo baiq mang maq, phangthum ranaiq na, ngi raq tsangshiq tarü ma, tsitsü rilung mikuq ha dongdii nguta riichopisiqtlo.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

1 John 5:19

Ara mangjong hiq arka Abi Thawe jaqkhon mong niili sitlo. Li jiimin, nashiq raq asap i, nashiq ka Shiikeawe rii she nguta sitiikai.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 20:15

Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.