John 17:8 - ASII LAKDAP Bible (BSI)

⁸ Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.

Hawa Naga Bible 2001

⁸ Ngaz muex kuq phux bomjungc kuex ngaz rueq jungx kuq koq tueq tsuingshiq rueq muinz lvp wvnc tueq shuex, ngaz kuex mnoz kox wawc vkaz rvkhauk laz rvtueq lvmx kuex tsuingshiq rueq tuiuz yaq, mnoz rueq ngaz tvkaz phux lvmx kvmac muinz tsuingshiq kvmx wuez yaq.

Muklom

⁸ Chamtan likwit tang nang aa ngama kota phu tha nga ning ma ko táng, ning aa ukap sey ta, etho nga baching kowang ta asing usam sey ta etho nang aa nga takat taphu ta han sey ta.”

John 17:8 Referencias Cruzadas

TAKSU LAK 1:23

Ngi raq tsii chong tsat-son tiikang ara tairong laq; Ngi raq ümniima tsii chongkuq tiikang ara tailaq. Ngi raq ümniima itsan mong wa tiima tsantsii kra michong kuqha.

TAKSU LAK 1:3

Taksu bomtsi ka maiqse ma, nyan phaqchi shrinketi, kechu rilung lam shrinketi, tri raütu tingting maq shamketi, maiqse liipan na tingting tri lam tiichhiketi.

TAKSU LAK 2:1

Ise lei, ngi raq jamlai wa shrinkuq tiikang, kra saptsin laq. Ngi raq jamlai jaqsham wa chong tiikang, kra ümtiikiimin naq laqkiq.

TAKSU LAK 4:10

Ise lei, ümwe bomchong tailaq, Laüta tiitsidada maq ibomtsi ka langlaq. Raüla ümrilung alu miraq.

TAKSU LAK 8:10

Kampho la na idanhon ara lang ronglaq; Chiisan chaq la na nyan phaqchi lang ronglaq.

Matthew 13:11

Kiijiishe Jesuq raq treto, “Ramungtan sap wan anyan phaqchi apaü raüta athü kra namshiq miika kuqto she. Shatmaq tsangshiq miika tiichhikuq mak dea.

John 12:49

Ara chongtiikang arka tengteng: Ara jamkhano chongtiikang ngukla, ngi raq ümchuwa bom chongkuq tiikang arka, i tsiitsii maq achong kuq ha riimak. Ngi tiikaiti we, i We raq, arka chongke ra tlo nguta aming kuq tlaq, kriili chongkuq tiikang.

John 14:10

Philip, riita, ümniiriika ngi ka i We rai, i We ka ngi rai pumshi hanshi maq sitiikai ngutiika kam maü shiita? Ngi raq namshiq ma bom chongkuq tiikang arka, ngi raq, i tsiitsii maq achong kuq ha ka riimak. I We ka i khum na si raüta, apaiq tsiitsii maq jaqsham tlo.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

John 16:27

Ara jamkhano chongtiikang ngukla, Awe apaiq raq namshiq ka kai lungwii tlo. Apaiq raq namshiq lungwii tlaq arka, namshiq raq ngi lungwii tlan kha maq lungwii tlo. Kiimaq, ngi ka Shiikeawe pha wa akiha dea nguta kam tlan kra kha maq, apaiq raq namshiq ka lungwii tlo.

John 16:30

Ümchaü ka, naishiq riimin sap wan kai she. Ümniiriika maiqse tsan mong na tiima tsantsii ümchuwa sitlaq, kriika wiita akhon haü siisaq. Maiqse raq ümniima awai aso wan ngo min rarai mak. Phanrap ka ümniiraq asap haü siisaq. Ara chhi wan laitiishe naishiq raq ümniika Shiikeawe pha wa aki haü dea ngutiishe kamwan tiikai.”

John 17:14

Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak.

John 17:18

Ümniiraq ngi ka jamkho mangjong hiq na tiikilaü, kiikhiisii hali, ngi raq tsangshiq kiimin mangjong hiq na tiiki tiikang.

John 17:21

Ngi raq, tsangshiq tarü ka weshi ikha, kiqshi tsiimshi miidea mishong nga laq nguta, achu jaü tiikang. I We lei! Tsangshiq ka nanai puk na mishang laq. Ümniika i pum na, kiimaq ngi ka ümpum na. Tsangshiq ka pumshi ikha mija wan laq. Krai mren, mangjong maiqse raq, ngi ka ümniiriidea tiiki laü nguta mikam wan.

John 17:23

Ngi ka tsangshiq rai pumshi. Kiimaq ümniika ngi rai pumshi. Krai mren, tsangshiq ka weshi ikhli she misi laq. Ara chhi raütiishe, mangjong maiqse raq, ngi ka ümniiriidea tiikilaü, kiimaq ümniiraq tsangshiq ka ngi jamkho lungwii tlaü, kiikhiisii lungwii tlaü ngutiishe misap wan.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

John 3:17

Ara jamkhano chongtiikang ngukla, Shiikeawe raq Ase ka phiija maiqse kra shra kai miitu atiiki ka riimak. Shatmaq, tsangshiq kra daake kai tiikito.”

John 3:33

Shatmaq, jurwa apaiq hakhi ma kamtlaq, kriiti riika, Shiikeawe bomtsi chongkuq tlaq kriika tengto dea nguta hakhi kuq wantlo.

John 6:68

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.

John 8:42

Kiijiishe, Jesuq raq tsangshiq bom ka treto, “Riita ngohea dea, Shiikeawe kiidea namshiq ma Awejong ngu raüka, namshiq raq ngi ka milungwii han wa. Ara jamkhano chongtiikang ngukla, ngi ahata Shiikeawe pha wa akiha. Lata, ümchaü namshiq rai sitiikang. Ngi ka i tsiitsii maq asaükiha ka riimak. Ngi ka apaiq raq atiiki.

1 Corinthians 11:23

Ara jamkhano chongtiikang ngukla, ngi raq Tatiwe jaqtho ka lap kang she. Krai mren, ngi raq namshiq ma tlang kuq kang she. Tati Jesuq ka apaiq shaphaq baiq wantaq akhing ra wa, winsii ashi ka ajaq na shamto.

1 Corinthians 15:1

Riita ümchaü min phunainotiim lei, ngi raq namshiq ma bliiq tiitaike nong rotiikang. Ngi raq namshiq ma Tsütsa Ahea chongkuq kang kra, namshiq raq lang lan she. Kriithaq na, namshiq kamasham rang ka pharangrang miishe cham tlo.

TRI CHONGKE 18:18

Ngi raq tsangshiq phana ümnaq kiikha shammiwe ashi tsangshiq phong kiiwa tsea lata mitiikiha. Apaiq raq jamlai chongke chang wa kra ngi raq apaiq ma michongkuqha. Kiimaq Ngi raq apaiq ma aming kuqkang kra wiita apaiq raq mungmaiqse ma michongkuq.

1 Thessalonians 2:13

Kiimahali, naishiq raq wranaiqshe Shiikeawe ma kechutum tiikai arka, alam ashi dea asi. Arka, man na naishiq raq namshiq ma, Tsütsa Ahea chongke wa saü wan kai akhing na, namshiq raq Tsütsa Ahea ka, maiqse bomtsi nguta riimak, shatmaq, Shiikeawe bomtsi nguta tai lanta, lang wan lan. Kriika tengto dea. Jamkhano ngukla, namshiq apaiq ma kam tlantibi rilung na, Shiikeawe bomtsi raq, ümchaü min jaqsham wan ruq li.

1 Thessalonians 4:1

Riita, chongtiikai krai mren, phunainotiim lei, namshiq raq Shiikeawe tiichochi chang rilung kli she si ronglaq. Arka namshiq raq naishiq rilung wa, jaqtho lap wan lan she. Riita, ümchaü sanha, namshiq ma nohotin trantsii chongkuq tiikai krai mren, namshiq ka ümchaü sitlan kra thaq niimin achat lantiishe, asii arai maq si ronglaq.

1 John 4:14

Shiikeawe raq Ase ka phiijawa tiichhiikai miitu mangjong hiq na tiikito nguta asap i. Kriika nashiq maiqmii mak maq chhi wan kai she. Krai mren, nanok miimin chongkuq tiikai.

Revelation 1:1

Ara lakdap arka Jesuq Khristo raq atiichhikuq mra thun pin wan bomtsi awaiq raüpot. Shiikeawe raq, Jesuq ma ara riisham bomchong ara tiichhikuqto. Arka asenginok ma jaqlo miili mra thun ka pin wan chang dongdii sitlaq kra michongkuq laq nguta tiichhikuqto. Khristo raq arthun ara ajaqshi se Johan phana rase ashi tiiki raüta tiichong kito.