John 13:5 - ASII LAKDAP Bible (BSI)

⁵ Raüta, apaiq raq winpin jong ashi na kham ka thiito. Raüta, kham maq ajaqshisetiim hok ka, weshishi maq hekuqto. Raüta, achhü na aminsam hantatke chang khea kiimaq, tsangshiq hokphi kra tiiwe tatkuq wan wan raüta, tsangshiq wiita tiikham heikuqto.

Hawa Naga Bible 2001

⁵ Kvruex yimaq panx yungx nuex yuix htawc vtueq sangac bix yaz kuex hoal kuq ruiux, vkhez wawc phajet kvmaq tuit kuq tueq.

Muklom

⁵ Chik tho jung tashey eq jiphantey tang jaa tha khol chey ta etho qhing wang khatnup losa they jaa tha rot kota.

John 13:5 Referencias Cruzadas

RAPHA HIQWA LAK 18:4

Namtsam hokphi hechang kham lamkuq wapha. Namtsam ka ara pechong tong na heashi niitiitsak ngali rong liishaq.

RAPHA HIQWA LAK 19:2

Raüta akha nguto, “Shiilang wenai lei, ngi ka namnai shiikumpanti. Mangchan lanta ijam na düwa rongkiq. Lanta namnai hok ka heronglaq kiimaq ümchaü rawa ka ajapli ronglaq. Anap ranap chu maq tiido lanta namnai ka wa wan ronglaq.” Shatmaq tsangnai raq treto, “Wamai, nainai ka ara chela tsingblai arjiili rawa ka mijap hai.”

RAPHA HIQWA LAK 43:24

Kra jaqshise raq tsangtsam siphu ka jam niishe shea wanto. Raüta apaiq raq tsangshiq ma tsangshiq hok he chang kham ka lam kuq wato. Raüta tsangshiq kumtoq kong kriishe dungto.

2 HOKHVMX 3:11

Kiijiishe Hokhamwe Jehoshaphat raq waito, “Riita arjaq shammiwe weshi ra min ahüsha nashiq raq apaiq lümaq Tatiwe rai bom riiwaiso miitu?” Kiijiishe Hokhamwe Joram sengi phentubi phong wa ajong weshi raq treto, “Shaphat se Elisha ka arjaq asi. Apaiq ka Elija khiiq witiwe.”

Tvtsvmc 51:2

Ikhum wa abi thun ka hebaiqlaq kiimaq ngi ka ngarai mong wa tiisiirai helaq!

DUNGWVNC 29:4

“Kiimaq Aron nai asetiim ka Ngi asi Tombutiip kilamchong kiina shea wanlaq. Kiimaq tsangshiq ma khum tiisii mrochhi khum tiisii he ronglaq nguta chonglaq.

ISAIA 1:16

Ümkhum ka kongkhu tiisii helaq. Ümniiraq atinkhan abi ashut kiimung wan tlaü imakki na tiichhi rai tlaq ara kongkhu thaqbaiq tlolaq. Ngutiikang, ashut jaqsham tlaü thun ara thaqbaiqtlo laq.

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

LEWI 14:8

Raüta kriiwe raq akhea kriishe mihe. Raüta akhu ka loktam asi mirbaiq. Kiimaq ajü she mihe. Kra lot jai shetiq apaiq khum ka asii she miraq. Pii mak she. Kiimaq apaiq ka piitiip mong na nyap wa nong mimai she. Shatmaq apaiq ka apaiq tombutiip mong niika nyap wa raamak. Tiipphai na apaiq ka ramiishi sichang.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

Luke 7:38

Apaiq ka Jesuq jai na chapto. Raüta, amakphai ka rajun wa ikha hoqsiqto. Amakphai sa raq, Jesuq hokphi ka jobai she riito. Apaiq raq, Jesuq hokphi kra akhudap maq tiiwe tatkuqto. Raüta, anü maq shupto. Kiimaq homseng tai maq, Jesuq hokphi ka jut kuqto.

Luke 7:44

Kra, ngu raütiishe, apaiq ka kra jechak nyung phanü na lii raüta, Simon nangnga nguto, “Riita, ümniiraq arnyung ara chhi tlaü sha? Ngi ka ümjam na wakang. Shatmaq, ümniiraq i hok he ma kham min tsümkuq maü dea. Shatmaq, arnyung raq i hok ka amakphai maq heraüta, akhudap maq tiiwe tatkuqto.

John 13:10

Kiijiishe, “Jurwa ajü ahewi she, kriiti khum ka asii she. Akhum lotli henong ka ra mak she. Ahokphi kli she he chang. Namshiq tarü ka asii siisaq she. Shatmaq, weshi kiitiina siimak,” nguta Jesuq raq Petar ma chongto.

John 13:6

Raüta apaiq ka Simon Petar tho niishe saüto. Kiijiishe, “Tatiwe, ümniiraq i hokphi ka jamkho mihehaü?” nguta Simon raq apaiq ka tiiwinto.

John 13:8

Kiijiishe, “Ümniiraq i hokphi heke ka maimak dongdii. Arka ümra ranaiq jiimin maimak!” nguta Petar raq, jaqkhaü jinaü raütiishe Jesuq ka tiiwinto. Kiijiishe, “Ngi raq ümhok phi ka hekuq mang riiha jiila, ümniika i jaqshise nguta tiingo lot maü mirhaü,” nguta Jesuq raq apaiq bom ka treto.

John 19:34

Shatmiitiina, phenlanok phong wa kongti weshi raq, apiq maq Jesuq siimpii na shukto. Kra shuk ri li she, piq mi kriimaq tiijai nai kham ka ajia lili she dongto.

Acts 22:16

Riita, ija, ümchaü min, jaram she wa mikhesiq haü? Tiido liina. Chaplaq. Laüta kham ka lam laq. Kiimaq apaiq jaq wa achu jaü laq. Laüta, ümngarai thun ka tiihe tlo liishe,’ nguta Paul raq tsangshiq ma bom ka chongkuqto.

1 Corinthians 6:11

Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.

Ephesians 5:26

Apaiq raq ara, apaiq miisaq kuq raüta phungtu ka Shiikeawe ma apkuqto. Apaiq raq tsangshiq khum ka kham maq tiisii hetse kuqlot raütiishe, Shiikeawe ma kiinong kuqto.

1 Timothy 5:10

Kiimaq manti-nyungre mang raüpot na wea wan damli chang ka, nokwe man na shamhea kaiwa jaqshamti riichang. Asetiim ka ahea wiq maq dunghiq raüta tiijongluti riichang. Ajamkun ka wandü jam ashi riichang. Phungmaiqse miitu jaqsham ahea shamke wanti riichang. Kiimaq chamchao litkot maiqse khrumketi riichang. Raüta maiqmii rilung ka nokwe ma ahea jaqsham keti riichang.

Hebrews 10:22

Krai mren, ümchaü sanha, nashiq ka Shiikeawe wokhong niishe nyap tlo rong i. Tiima tsantsii siirairai maq, kiimaq kamtsantsii pharangrang maq, tsantsii ka ashe ashi wiita tiijai maq tiisii he laita, kiimaq nashiq khum ka asii kham maq jühe laitiishe, Shiikeawe wokhong na warong pha.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.

1 John 5:6

Jesuq Khristo ka Shiikeawe Se dea nguta, hakhi keti ramkham kok ka, apaiq raq kham lamtaq kra ashi. Kiimaq apaiq tiijai raüta kra ramkham kok anai. Apaiq ka khamlam wantaq kra lamlam li ka riimak. Shatmaq, Apaiq miisaq min tanto. Raüta tsaito. Raüta atiijai raütaq kra maq pumsongkham kra nei wanto. Jesuq ka Shiikeawe Se dea. Arka tengteng dea nguta Asii Wenyi riishe hali hakhi kuqtlo. Asii Wenyi riishe chongtlaq kriika tengteng she. Jamkhano ngukla, Asii Wenyi riika rotmak phan.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.

PHOWEBI 19:21

Krai mren, apaiq raq tsangtsam ka ajam niishe shea wanto. Raüta tsangshiq kumtoq kaünai kiimiimin atsam tiiphaqto. Kiimaq awanwetiim riimin hok ajaq ka he raüta, dung she phaq siqto.

1 SAMUEL 25:41

Kra tai raüta, Abigail ka hiq na bumtlii raüta akha treto, “Ngi arka apaiq jaqshise ashi. Apaiq jaqshisetiim hok heke miitu khekham sitiikang.”