John 13:4 - ASII LAKDAP Bible (BSI)

⁴ Kriikha miishe, apaiq ka dungsea chang chamrii tho wa tiido raüta, adü wa akhea thum ka chhutto. Raüta thüto. Raüta, han tatke chang khea ashi ka, achhü na minsaq samto.

Hawa Naga Bible 2001

⁴ Kvkhoc rvtueq vpiq kuex humpanx wawc kvtenc jvp vtueq, vpiq svmhung hungyungx kuex puk gay ruiux phajet lvmz vtueq vkhez nuex shuit tueq.

Muklom

⁴ Req Phaksat kam tho shat eq rangkho samkhong tha chokchak ta, etho khatnup losa tha som eq ukhing tha khak ta.

John 13:4 Referencias Cruzadas

2 HOKHVMX 3:11

Kiijiishe Hokhamwe Jehoshaphat raq waito, “Riita arjaq shammiwe weshi ra min ahüsha nashiq raq apaiq lümaq Tatiwe rai bom riiwaiso miitu?” Kiijiishe Hokhamwe Joram sengi phentubi phong wa ajong weshi raq treto, “Shaphat se Elisha ka arjaq asi. Apaiq ka Elija khiiq witiwe.”

Luke 12:37

Kopan jonghea miraq, ajaqshisetiim phong wa ümriiti wa tsangtijong we ka jangki tlaq akhing na, apaiq ka asam, kiimaq tiijeshat miloho! Ngi chongpha. Apaiq raq asamtong ka chhut raüta, tsangshiq ka atiinga miraq. Raüta, apaiq raq tsangshiq ma aheawiq maq tü adung thun kra mitiiphaqsiq.

Luke 17:7

“Bom shiiton ngu i, namshiq phong wa weshi ra raq, maiqmii jaqshise ashi mirüm han. Riita, apaiq ka wak jaqsham rü maq, riimak la, sku rüm rü maq, jam na misaü wa ngu i. Jam niishe saü raü jiila, ümniiraq apaiq ka tü atsam ka phaqsiq tlo laq, ngutiisha mithaü haü?

Luke 17:8

Riimak. Kiikhiika thaümaü! Kra la na, ümniiraq apaiq ka akha mithaü haü, ‘Ngi ma dung ka tsoq laq. Laüta, ngi dungsea bala, i tho na nga laüta khelaq. Ngi sea lot jai shetiq, ümniiraq dung ka silaq!’

Luke 22:27

Riita, juwa ajong? Chamrii na nga tlaqti we kriisha ajong, sha apaiq ma lairap tiiphaq sia wanti we kriiwa ajong? Riikhaqli, chamrii na ngatlaqti we kriidea ajong. Shatmaq, ngi ka namshiq shiililii wanti jaqshise ma ja lata sitiikang.

John 13:12

Jesuq raq tsangshiq hokphi kra hekuq lot raütiishe, akhea thum ka sam nongto. Raüta, chamrii tho niishe hali apaiq ngachang niishe nga nongto. Raüta, “Ümchaü ngi raq namshiq ma jamlai jaqsham wa tiichhi kuqkang, kra saptlan sha?” nguta tsangshiq ma waito.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

1 John 3:11

Namshiq raq, man na Phung na shang wan pha ji na tsütsa ahea tai lan ihata. Kriika nashiq ka riilung riiwii miishe sichang nguta tai lan ihata.