John 1:9 - ASII LAKDAP Bible (BSI)

⁹ Ara chongtiikai rawüli ahata tengteng rawüli. Ara rawüli arka mangjong hiq na kiraüta, maiqphan angu tarü khu thaq na liliim tlo.

Hawa Naga Bible 2001

⁹ Kvruex raungwuic kuex mungkawx vyuq httuiuc kaz vtueq miq ruip rawx htauk nuex tvwuic yaq raungwuic muik shauk rvtueq.

Muklom

⁹ Thaji miqtang ma alit kot rangma, asing alit sha mingkang náng thupha.

John 1:9 Referencias Cruzadas

ISAIA 49:6

Tatiwe raq ngi ma nguto, “Ngi raq ümniima jaqsham jonghea tiisham chang asi, Ijaqshi se lei. Ümniiraq Israilnok aso tiichongtaq ka, atiijonglu wan lam lam li ka riimak; shatmaq Ngi raq ümniika maiqphan thun ma walüli ashi ma mitiijaha; krai mren mangjong maiqse kunli mitiichhii wanlaq.”

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

Matthew 6:23

Shatmaq ümkhum na walü ka ranyaq miishe jakitaq jiika, ümkhum na ranyaq jonghea she!”

Luke 11:36

Riita, ara chongtiikai akha, ümkhum ka wiipumtam na, walü li ka liliim tlaq jiika, ashok ano thun niimin ranyaq mak miraq. Kra ngu haü jiika, wiipumtam na walüli wa li she miraq. Kriika lemtem ashi ka ümkhum thaq na achhai anyii liliim tlaq ikha miraq.”

John 1:4

Apaiq ka rilung rangchong. Kiimaq ara rilung raüchong arka mangjong maiqse ma rawüli.

John 1:7

Apaiq ka mangjong maiqse ma, rawüli tsütsa kra chongke kai kito. Kriika maiqse angu wiita raq, apaiq raq chongkuq tlaq rawüli tsütsa kra tai raüta, mikam wan laq nguta kito.

John 12:46

Ngi ara mangjong hiq na kikang arka, maiqse ma rawü tli kekai nguta kikang. Krai mren, jurwa ngi ma kam tlaq, kriiti ka ranyaq nyang na simak she miraq.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 15:1

“Ngi ahata chiisan spiqraü chong. Kiimaq i We kata spiqro chhintsiiti we.

John 6:32

Kiijiishe Jesuq raq tsangshiq ma chongto, “Ngi raq chongtiikang arka tengteng: Mosheq raq namshiq dungtaq winsii kriika ramung- tan winsii riimak.

John 7:12

Maiq muklung riinyiim rai tlaq liipan na, Jesuq miitu bom riiwaisoti maiq ka pahea riito. “Apaiq ka maiqshaq,” nguta maiq wiijam raq nguto. Kiimahali, “Riimak. Apaiq raq maiq tiishontlo,” nguta maiq wiijamti raq hali khiito.

1 John 1:8

Kiimaq nashiq raq, nashiq khum na ngarai ahü, nguta ngu hai jiika, nashiq raq maiqmii trotphaq li she mija ki. Kiimaq nashiq mongjii na tengman tlaq bomtsi ka ahü ngushat miraq.

1 John 2:8

Namshiq raq man na tai lan aming ka achu li jiimin, ümchaü ngi raq waiq nong tiikang arka, aming anye she hali. Jamkhano arka aming anye ngukla, Shiikeawe aming tri raü tu ka, Khristo khum niishe kupi wanto. Kiimaq namshiq rilung niimin she ku wanto. Ara jamkhano chongtiikai ngukla ranyaq ka thum rai wan tlo she. Kiimaq riikhaqli rawiili ka arshe liliim wanto she.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.