John 1:10 - ASII LAKDAP Bible (BSI)

¹⁰ Bomtsi ka mangjong hiq na sito. Kiimaq, Shiikeawe raq apaiq lümaq, ara mangjong hiq ara phansang wanto. Shatmaq, kra taü maq dongdii min, mangjong maiqse raq, apaiq ka juwa kra sapmak.

Hawa Naga Bible 2001

¹⁰ Bomjungc kuex mungkawx nuex httax yaq, Tishox rueq mungkawx kuex bomjungc maq tvdung sung tueq, yuq muinz mungkawx rueq bomjungc kuex tuiuz wuez muq.

Muklom

¹⁰ Raaq tha iri mingkang ro angta etho piq tungkang o mingkang hunta jo tho, mingkang miqtang aa piq tha sing moq angta.

John 1:10 Referencias Cruzadas

RAPHA HIQWA LAK 16:13

Kiijiishe Hagar raq apaiq nai apaiq she riibomto, “Riita ngi raq Shiikeawe rai ngohea shaq shaq dea sha riihum kang? Kra taü maq ngi ka kra chongke ma atrali shea sitiikang?” Kra ningkhan apaiq raq Tatiwe apaiq rai riibomti ka “Shiikeawe ka Maiq Chhitiwe,” nguta nguto.

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

RAPHA HIQWA LAK 18:33

Apaiq ka Abraham rai riibom lot raüta. Tatiwe ka awashe riiwanto. Kiimaq Abraham min ajam niishe jang wanto.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

John 1:11

Apaiq ka maiqmii mung na kito. Shatmaq, maiqmii mungti raq, apaiq ka tao mak dea riito.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 1:3

Shiikeawe raq ra nai hiq ka apaiq lümaq siisaq phansang wanto. Shiikeawe raq apaiq tlea raüta, jam lai phan min phansang mak dea.

John 1:5

Ara rawüli arka ranyaq nyang mong na siti maiqse ma liliim shatli liliim tlo. Ara rawüli arka ranyaq watlaq kra raq, nyam wan lot mak phan.

John 17:25

I We lei! Ümniika tingting! Mangjong maiqse raq ümniika juwa sap mak. Shatmaq, ngi riika asap ha. Kiimaq artiim riimin, ngi ka ümniiriidea mangjong hiq na tiiki laü nguta asap.

John 5:17

Shatmaq, Jesuq raq tsangshiq bom ka treto, “I We raq maiqse ka wranaiqshe khrum kuqtlo. Krai mren, ngi riimin wranaiq she maiqse ka khrum kuq tiikang.”

Acts 14:17

Li jiimin, Shiikeawe raq apaiq ka asi dea nguta sap wan miitu she, athuk atsom jaqsham pahea sham raüta, tsangshiq ma tiichhikuq wantlo. Apaiq raq namshiq ma rajun akhing khaqkhaq na tiijun kuqtlo. Raüta, namshiq ma tü atsam ka rahiq jipi akhing khaqkhaq na tiidong man kuqtlo. Apaiq raq namshiq ka, aphe arong maq, wok phetaktak maq si miitu tii-adung chamtraq kuqphaq siq tlo. Krai mren, namshiq ka wok phetaktak hea maq chojong chise shongnga lanta sitlan,” ngutiishe tsangshiq ma traho kuqto.

1 Corinthians 1:21

Jamkhano ngukla, Shiikeawe nyan phaqchi maq maiqse raq apaiq ka tsangshiq maiqmii phaqchi ümkhiiriitii min sap lot mak tiijabaiqto! Kra rii na, Shiikeawe raq naishiq raq trahotiikai “angi” tsütsa nguta shipoqtlaq kra lümaq kam wantlaqti ka tiichhiike miitu thapthi wanto.

1 Corinthians 2:8

Ara mangjong hiq langtibi hokhambi thun raq, ara phaqchi arka jurmin sap wan lot mak riito. Tsangshiq raq ara sapshat ngu raü jiika, achhai anyii Tatiwe ka pumsongkham na tübaiq mak mirwa.

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

Colossians 1:16

Shiikeawe raq Khristo lümaq ramungtan na ümchuwa sitlaq kiimaq ara mangjong hiq na ümchuwa diim tlaq kra tiiqto. Kiimaq maiqse raq mak maq chhi tiikai phan kiimaq mak maq chhilot mai phan ümchuwa sitlaq thun wiitarü ka tiiqto. Ramungtan na siti nai mangjong hiq na siti winji hokhambi, winji tuwebi, kiimaq winji welabi ka Shiikeawe raq, Khristo lümaq siisaq phan sangto. Shiikeawe raq ara ra nai hiq thun ara apaiq lümaq siisaq tiiqto. Kiimaq apaiq miitu nguta tiiqto.

Hebrews 11:3

Ara ra nai hiq sitlaq arka, Shiikeawe raq, apaiq kiq tiidea raüta, apaiq bomtsi lümaq dea phansangto nguta, nashiq raq kamtsantsii maq sap tiikai. Krai mren, ümchaü mak maq jamlai phan wa chhi tiikai arka, Shiikeawe jaq maq, mak maq chhi mai phan lümaq phansangto, nguta sap tiikai.

1 John 3:1

Liimanta, Awe raq nashiq ka pinthum lungwiito! Apaiq raq nashiq lungwiitaq kra pinthum jonghea kha maq, nashiq ka Shiikeawe setiim she nguta ngutlo. Kra ngutlaq arka tengto dea na, nashiq ka asetiim she dea sitiikai. Arkha miitiina, phiijawa raq nashiq sap mak. Tsangshiq raq Shiikeawe ka sap mak kha maq, nashiq min sap mak.