JEREMIA 9:12 - ASII LAKDAP Bible (BSI)

¹² Ngi raq waikang, “Tatiwe, riita armung arka jamlairo rumnyangkhi kumtsaiphii ma jakita? Krai mren arlam maq maiq jumin khum mak she? Ara takti taksu maiqse ka juwa? Ümniiraq jumo ara mra pintaq ara chongkuqlaü apaiq raq nanok ma chongkuqlotli chang?”

Hawa Naga Bible 2001

¹² Ngaz rueq, “Yehowa lex, yvnc vghaq kuex kumtsvy tvnx ikhoc shanx wvnc vtueq, yvmx ngoz tueq lac ukhaq muinz lvy khuemx wuez muq rvkaz tvnx? Vruex lvmz hunghtaungx laz tuiuz tvkoc wvtharc jix waz kuex ukhaq lac? Ukhaq muex lac kvruex lvmz mnoz rueq jungx kuq lot vtueq, kvruex waz rueq vganc jix miq muex jungx kuq lvp shuex haz?” ngoz tueq wiz tauk.

JEREMIA 9:12 Referencias Cruzadas

Tvtsvmc 107:34

Apaiq raq hiqpo hiqwin ramsea binjan thung ka shumhiq thung ma tiijabaiqto kra mung na siti raq abi klo wan khana.

Tvtsvmc 107:43

Juwa taksu maiqse kriiti raq arthun mishiwealaq; kiimaq Tati tiipitmakphan lungwii kra mitak laq.

ISAIA 42:23

Namshiq weshi ra raq mimi ara mitaihan shea? Ümchaü armiishe tsan tiitsi lantea mitaihan shea?

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

JEREMIA 23:16

Tati Ningkun Ajongwe raq Jerusalemti ma ngutlo, “Shammibi raq jamlai wa chongtlaq kra naqtai rongkiq. Tsangshiq raq namshiq mongjii ka arot ranphan bom chongkuq raüta tiinyamtlo. Tsangshiq raq namshiq ma chongtlaq kriika tsangshiq tsan mong maq adong. Ngi raq achongkuqha bom riimak.

JEREMIA 23:22

Tsangshiq raq ngi tiima tsantsii apaü lata athüha kra asap ngu raüka, tsangshiq raq isenginok ma itsütsa bomtsi ka chiiriim raüta tra miho kuq wan chang wa. Raüta tsangshiq raq ashut rilung singa tlaq kra aklai mirwan wa. Kiimaq tsangshiq raq abi ashut jaqsham wan tlaq thun kra athaq she arbaiq chang wa.

JEREMIA 23:28

Ümriiti shammiwe riiwa rawama lam lamli mataq, kriiwe riika, miinan rawa mali tiina nguta ngochang. Shatmaq ümriiti shammiwe riiwa ibomchong kra taitaq, apaiq raq kra bomtsi ka tsapkapkap maq nanok ma chiiriim raüta trahoke ratlo. Tsamchhii kriika bunwong wong rai triingea chang asi sha?

JEREMIA 9:20

Ngi raq ngukang, “Tatiwe bom tai ronglaq, jechakre lei, lantea apaiq bomtsi tiitsang taironglaq. Lantea namsetiim jechaksere ma maajo shi shrinkuq ronglaq, kiimaq namkongtitiim ma maajo shi shrinkuq ronglaq.

EJEKIEL 14:23

Kiijiishetiq namshiq raq misap wan han, Ngi raq ümtinkhan kha phokuq wan kang kriika kha asi ningkhan dea tsasha wan kang nguta misap wan han.” Arka, Tati Rakaü Hiqwe raq toqtan tiikang.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Hosea 4:10

Namshiq raq Tatiwe baiqthü lan kha, ümchu phaqsiq han min, nam wok phe mak. Kiimaq namshiq raq, saü ase shiimanketi sumla noq wan lan. Shatmaq laihü nyungre miili ja wan lan, kra kha maiq ka puwan man,” nguta Tatiwe raq nguto.

Yoel 1:11

Wakshamseati lei, tiirai ronglaq, Spiqtsiro shamti lei, aho asii trang ronglaq. Bunwong rü nai jaili rü thentaq kra miitu, wak wa tü atsam wiita thentaq kra miitu, hoqtrang ronglaq.

JEPHANIA 3:6

Tatiwe raq ngutlo, “Ngi raq pong mung thun tiithum baiq kang. Tsangshiq chela thun runbaiq kang she. Tsangshiq peruk thun nai kongmong chong thun, tiibun baiq kang she. Chela thun ka hiqmiq changkhü she; Chiiheawea lam thun ka shaqmiishe. Maiq ka jumin ahü she.

Matthew 24:15

“Daniel shammi we raq, ‘Riiqkhiq Ashe Sumla Ka Shomjam Na Miraq,’ nguta chongthütaq bomtsi kra kupi wan ka namshiq riishe michhi han. Kriika Shomjam mong na Asii khok kiijaq chap raü michhi han.” (Aphat wanti raq ara liichum arka samhea maq tak rong laq!)

TRI CHONGKE 32:29

Tsangshiq ka re raq jamkhano tang wantaq kra takmak; tsangshiq ka jamkho miq wantaq kra tak mak.

Revelation 1:3

Kechu jonghea, jurwa ara lakdap ara phat tlaq. Kiimaq kechu jonghea, jurwa ara shammi bom chong, ara lakdap na ara tai tlaq. Raüta ara lakdap na waiqtaq bomtsi kra lang tlaq! Jamkhano ngukla arthun mra ara pin wan ma akhing ka ajeli she.