JEREMIA 9:10 - ASII LAKDAP Bible (BSI)

¹⁰ Ngi raq ngukang, “Ngi raq pum thun miitu majo mihoqha kiimaq nyamse rümchang nyiimlung rii miitu mihoqha, jamkhano ngukla kriithun ka wiitashe shinkito, kiimaq kriithun lam maq maiq jumin khummak she. Nyamse kong trang ka ahü she; wushi thun nai rumnyamse thun wiitashe pinwanto.”

Hawa Naga Bible 2001

¹⁰ Ngaz rueq, “Kuz vkanx htenc tvkoc ngaz yonzyex taungx nyvmx saz remc juing tvkoc khoar taungx, yvmx khoc lac ngoz ruiux lec kvruex kuex httuiz rawk wvnc tueq, washiz muinz kvmaq lvy khuemx muq. Suiux vmanx kung tvruingc muinz tay muq shex; wushawx htenc nuiyc ngvmx saz svl vwvl htenc muinz yuz wvnc wuez vtuex,” ngoz tueq jungx tueq.

JEREMIA 9:10 Referencias Cruzadas

ISAIA 41:15

Ngi raq ümniika tsam nichang thaikaü anye ahai ikha mitiijakang, awi thun anye kiimaq sihea miraq. Ümniiraq pum thun ka nishishi mithubaiqhaü, laüta mitiithen baiqhaü. Kin thun ka bun raüta botkhulai ma mijaki.

ISAIA 49:19

“Nammung ka tiithenbaiqto, raüta hiqmiq changkhü ma tiijabaiqto, shatmaq ümchaü hiq ka aranse miishe mijaki, kiijaq siwati maiq ka pahea jang wantlo. Kiimaq ümnaq tiithenbaiqti thun ka ümchaü luhea niishe mijobaiq.

JEREMIA 12:10

Pong mungti hokhambi pahea wa raüta ispiq ro ka tiithen baiqto; tsangshiq raq iwak thun ji maq nibaiqto; tsangshiq raq imung tsomhea ka rumnyangkhi kumtsaiphii ma tiijabaiqto.

JEREMIA 12:11

Tsangshiq raq armung ka rumnyangkhi kumtsaiphii ma tiijabaiqto; kriika imakki na hiqmiq changkhü ma tiijabaiqto. Armung tlotli ka kumtsaiphii ma jakito, kiimaq jurmin shamsiq mak she.

JEREMIA 12:4

Ümtincho na saüli wa namung ka shinriiqriiq miraq? kiimaq wak ram aweatek wa sangphii ka shinriiqriiq mijungsiq? Rum nyamsekong nai wushikong thun ka atsai riiwanto, nashiqnok raq ajiq klowan kha maq, tsangshiq raq, ‘Nashiq raq jamlai wa klotiikai ka Shiikeawe raq chhimak,’” nguta ngo kha maq.

JEREMIA 14:6

Rum na kumtoq kong thun hiqlam thaq na chaptlo, raüta atsi tsü heawa phottlo miikakoi kong pheraitlaq ikha; tsang mak maq jam min chhi mak she, jamkhano ngukla tsangshiq ka amang raq tsaitlo.

JEREMIA 2:15

Tsangshiq raq apaiq ka hangsikong raq tiihaitlaq ikha ahok aho tiihaitlo; tsangshiq raq amung ka kumtsaiphii mung miishe tiijabaiqto, kiimaq achela thun ka botkhulai rai shotbaiqto, laimiq hiqmiq changkhü miishe tiijabaiqto.

JEREMIA 2:6

Tsangshiq raq ngi bro riimak, ngi raq tsangshiq ka Ejip mung wa chhii wan kang, lata tsangshiq ka rumnyangkhi binjü maq shea wan kang: bintang jüngi nai kumtsaiphii phong lam maq, shinriiqriiq kiimaq maiqhai asi bin lam maq, kiijaq maiq jumin silot mak, kiimaq maiq jumin khumki mak lam maq.

JEREMIA 23:10

Armung ka Tatiwe wokhong na simakti maiqse riili ma-tlo; tsangshiq ka abi rilung sitlo, kiimaq tsangshiq arang ka ajiq jaqsham na langtlo. Tatiwe manson asi kha maq armung ka hoqsiqtlo, kiimaq nyamse rümchang nyiimlung ram ka shinriiqriiq shinkito.

JEREMIA 50:3

“Shekhu nü wa maiq mung ashi Bebilon khatkai saükito. Raüta kra chela ka botkhulai rai mishotbaiq. Raüta kumtsaiphii ma mitiijabaiq. Maiqse nai nyamse thun wiita mipin wan. Kiijaq maiq jumin simak she miraq.”

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

JEREMIA 8:18

Ngi chapatsi ara phum chang tsiq ka ahü; Itsan imong bunlaklak atsi.

AJONJÜ 1:16

“Ngi ka arkha na hoqjü tiikang, imakphai sawa raq makhü jaqhü. Ngi ma tsaido jidoketi jumin ahü, ngi ma ningkun shoqketi jumin ahü. Rewe raq ngi ka longto she, raüta tangto. Isenginok jaq na jammin ahü siipe.

AJONJÜ 2:11

Aho makphai raq bok raüta, imak wiita miiwanto. Itsan imongjii bunlak bun wanto, iphan imaq then wan kha na, rokngoq riingoq jonjü wan kang. Nosere nai pünyangtibi, chela lam na haü wanto.

AJONJÜ 5:18

Jamkhano ngukla Jajon chela ka apaiq laqlaq li she, maiq min ahü she. Kiimaq chela rüm mong maq, miikakoi kong li she ngam rit phaq khumtlo.

EJEKIEL 14:15

“Riimakla, Ngi raq rum nyamse kong tiiwa lata maiq thun kra mitiijiip baiqha. Lata lsrail mung ka wanhiq lam na maiq khumkai maimak, chiq ashe ma haisi chang jonghea mitiijabaiqha. Maiq ka jumin wanhiq khumki lot mak miraq.

EJEKIEL 27:2

“Maiqse lei, Tajar chela miitu maajo shi shilaq.

EJEKIEL 29:11

Kra chela thun lam maq maiq ka jumin khummak she miraq. Kiimaq rum ngam thun min haisiq mak she miraq Wiiroqblai na saüli kra chela thun na maiq jumin simak miraq.

EJEKIEL 33:28

Ngi raq mung ka hiqmiq changkhü ma mitiijabaiqha. Kiimaq tsangshiq raq ningkun jonghea hotiikai nguta ümtinkhan wa shiikong wantaq thun ka wiita athum she mirki. Kiimaq Israil mung wa pum thun ka rum nyamse ngamthaiq pahea sikha maq maiq khumkai maimak she miraq.

EJEKIEL 6:6

Israil mung na chela thun sitlaq kra tlotli mitiithenbaiq. Krai mren, tsangshiq berong-wacha thun nai tsangshiq phra sumla thun kriimin wiita bunlak buncha she mitiibunbaiq. Kiimaq tsangshiq homseng berong-wacha thun kriimin tiihihut mitiibunbaiq. Kiimaq tsangshiq raq jamlai phan wa haihuntaq thun kra wiita amoshe mirki.

Hosea 4:3

Arningkhan armung na rarin misaü. Raüta phanrap wiita ashin mirki. Raüta wiitsitsü phan wiita atsai miraq. Ngamsaü ngiqse wiita hutjok, kiimaq peshap wushi wiita, kiimaq sammok tra jü wa ngiq min wiita mitsai,” nguta Tatiwe raq nguto.

Yoel 1:13

Ramwebi lei, wunthaü riinaü khea sam lanta hoqtrang ronglaq, namshiq berongwacha na jaqshamti ramwebi lei, hoqtrang ronglaq! Warong ra Shomjam mong na Shiikeawe kolibi lei rawa minru! makphai khüshang hoq lanta, mra tiidii wan achujaü ronglaq! Ümchaü sanha, namshiq Shiikeawe jam na, wongrai honglu nai spiq tai honglu ke chang min ahüshe.

Yoel 1:19

Tatiwe lei, ngi ümman na hoqsii tiikang, nyamse rüm chang sang rü ahüshe. Pechong wiirü min ahü she. Wa maq wiita chaq baiqto.

AMO LUIK DVP (AMOS) 5:1

Riita, ija, Israilnok lei, ümchaü san ngi raq namshiq ma mahoshi ashi shikuq pha. Namshiq raq ara samhea tiitsang tairong laq:

AMO LUIK DVP (AMOS) 5:16

Namshiq atinkhan ngarai tang kha na, ümchaü san Ajong Thaq Na Ajong Pinthum Tatiwe raq ngutlo, “Chela mong na lam jong thun wiita na, maaho manyi aho asii tranglishe miraq, Tsangshiq raq maaho miitu jaqsham seati nai ajon ajü atsinti heakitlo maa tiihoma.

Mikha 2:4

Kra ümningthoi akhing saü wan raüjaq. Nanok raq ümrilung chamchao kra chong raüta, ümnaq slailii shi akha mishi nge, Nashiq thumkai she! Tatiwe raq nahiq nara nyea wanto she. Raüta najaqtinok ma likuqbaiqto she Naishiq ka maiq shumwi lishe”

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki