JEREMIA 8:6 - ASII LAKDAP Bible (BSI)

⁶ Ngi raq namshiq bom ka aheawiq ni tiitsii lata tiitsang taikang. Shatmaq namshiq raq tingting bomtsi ka chongman. Namshiq phong wa maiq weshi ra dongdii min shutkang dea nguta maiqmii ngarai tiidii man. Namshiq phong wa maiq weshi ra raq dongdii min, ‘Ngi raq jamlai wa shutkang?’ nguta wai man dea. Maiq loweatek ka kumrang kaü rekhat na jutlaq ikha maiqmii lam phan jutrang tlan.

Hawa Naga Bible 2001

⁶ Ngaz rueq vhvlx waq tay tvtsuingc tauk, yuq muinz mnoz rueq vlvmz jungx muq. Nuimshiq wawc vshiz raung muinz mnoz layx bac yauk shuimc ningkhvnc nuex thuinbac wuez yaq rvmuq; nuimhez wawc vshiz raung rueq muinz, ‘Ngaz rueq vyaq yvmx lac shuimx gay tauk nguinx?’ ngoz tueq wiz jix vguez. Miq pumz tek vtueq ralx lungc nuex kaz wvnc yaq mvre ikhoc piq lvmx nuex kaz wvnc wuez vtuinx.

JEREMIA 8:6 Referencias Cruzadas

YOBA 10:2

Shiikeawe lei, ngi ka naq tiishut kiq. Ngi ma chong laq! Ngi shut phit ka jamlai wa?

YOBA 34:31

Job lei, ümniiraq ümngarai ka Shiikeawe man na tiidii laüshea? kiimaq ngarai tangnong mang she nguta kiqkham kuq laüshea?

YOBA 34:32

Ümniiraq Shiikeawe ma ümshut ümphit kra tiichhi kuq laq nguta chonglaü shea? kiimaq abi klomang she nguta kiqri laü shea?

Tvtsvmc 14:2

Tatiwe raq ramungtan maq mangjong maiqse kra liitlo raüta maiqshaq weshi ra asi shea ahü wa, ashi ra raq apaiq shomnoqti asi shea nguta liitlo.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

ISAIA 57:17

Ngi ka tsangshiq ma itsankhiq riikang. Tsangshiq ngarai tangwan kha na kiimaq tsangshiq sükhatsii thü wan kha na khiq kang. Kra ningkhan Ngi raq tsangshiq ma mo tiihokang lata tiishaübaiq kang. Shatmaq tsangshiq ka nilannok. Krai mren tsangshiq raq lungwiitlaq kriili klo wanruq riito.

ISAIA 59:16

Apaiq ka awang raütli sitlo, jamkhano ngukla maiqse liipan na ji maq nishishi tiichamchaotlaq kra khrumketi maiq ahü. Kra ningkhan she apaiq raq apaiq ningkun kriishe milang. Raüta tsangshiq ka mitiichhiikuq kiimaq rekhat ka mitang wan.

JEREMIA 23:25

Ngi raq shammibi imang shaphaq raüta arot akiq bomchongti, ngi raq chongkuq mang taü miinin chongkuqto nguta bom chongketi, kiimaq ngi raq tsangshiq ma tsütsa ka rawa ma maq tiichhikuq mang wiimin tiichhi kuqto nguta chongtibi thun ka wiita asap-ha siisaq.

JEREMIA 3:5

Ümniika ngi ma pattup ka khiq maü mirhaü. Ümniika ngi rai tsankhiq bisi miili ka simaü mirhaü’ nguta ngutlaü. Israil lei, ümniiriika kiikha ngulaü. Shatmaq ümniiraq abi ngarai jaqsham ka ümchuwa ümniiraq atang tang klo wan laü.”

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

EJEKIEL 18:28

Apaiq raq jamlai wa shamtlaq kra ajiq nguta sap wantlo. Raüta apaiq raq ngarai jaqsham thun kra thaqbaiqtlo. Krai mren, apaiq ka tengteng tsaimak miraq, shatmaq atra she misi wan.

EJEKIEL 22:30

Ngi raq maiq weshi ra raq khetuk tiisiiq wantaq kra tiiheati rit tiikang. Khetuk tlin kitaq ba thun kiijaq chap raüta, mung ka itsankhiq walü raq tiithen baiq wan chang wa tiikhup wongkuq raüjaq ahea riichang nguta liisiq tiikang. Shatmaq Ngi raq maiq weshi ra min hum mang.

DANIEL 9:11

Israilnok tlotli raq ümniiraq akuq haü aming wiita jinto. Raüta ümniiraq achong kuq haü ümbomtsi ka taimak tlea wanto. Naishiq ka ümman na shut wan kai dea. Kriikha na ümdise Mosheq lümaq akuq haü, tri raütu na waiq laü kra phan phan she dea naishiq khuthaq na ümmanson ka niwanto.

Mikha 7:2

Maiqshaq weshi min ahüshe mungkang hiq na, Shiikeawe tsanwa maiq ahüshe. Maiq angu tarü matsaü tsasekong siisaq. Weshi raq weshi tseabaiq wan kriili she rittlo.

JEPHANIA 3:7

Ngi raq arthun klowan kang arka, isenginok raq ngi ma mishreng wan sham, nguta tiima wan kang. Kiimaq tsangshiq ma nithak lata, tsii chongkuq tiikang kra mitai sham, nguta tiima wankang. Ngi raq tsangshiq ma shrinkuq wan kang ka, ümtiikiimin laqbaiq mak miraq ahiq, nguta tiima wan kang. Shatmaq tsangshiq ka jaqlo liipan niilishe, man na sitaq kra thaq na, naolaqhea jabi wan wan khoti riito.

HAGAI 1:5

Namshiq ma achu shiiman ahü kra chhiman shea?

HAGAI 1:7

Namshiq raq samhea riiwea rong liina? Namrilung na, asho awo ahü; awon awu ahü jaki tlaq arka jaro?

MALAKI 3:16

Kiijiishe Tatiwe ma tiihai shat maq siti liipan na bom ka riichongto. Kiimaq Tatiwe riimin tsangshiq bom ka taito. Kiimaq tsangshiq raq jamlai wa chongtaq kra trekuqto. Raüta Tatiwe raq apaiq ma haisong tsantsii thüti, kiimaq apaiq shrengti miitu lakdam ashi na akha waiqthüto.

2 Peter 3:9

Tatiwe ka apaiq raq jamlai wa mikloha nguta kiqkhamtaq, kra sham wan miitu ka tiihit mrot ka riimak. Nanok maiq wiijamti raq tiima wan ka, apaiq ka atiihit rai riitlo nguta tiima tlo. Shatmaq Tatiwe raq namshiq ka tsankhun maq khe wan tlo. Jamkhano ngukla, apaiq raq ngarai maiqse ka weshi ra dongdii min tiitsai baiq romak. Shatmaq ngarai maiqse wiitarü raq tsangshiq ngarai ka tiidii raüta tiichhii wan tlo haü jaq nguta, tsangshiq ma atsan tiitsi kha maq kherat tlo.

Revelation 9:20

Atinkhan sawa tha wa raq tiichamchao jai min, mangjong hiq na maiq ümchuwa tiichongtaq, kra raq tsangshiq jaq maq ahai sumla phra shomnoq ka thaq mak phanli shatshat riito. Tsangshiq raq thatsang ka thaqmak dea riito. Maiqse jaq maq aklo chaq sumla, kampho sumla, koti ngam maq ahai sumla, longkaü maq ahai sumla, kiimaq pe maq ahai sumla, mak ahü, ni ahü, khumtsü mak, tsitsü ahü phra sumla shomnoq ka thaqmak phanli shatshat riito.