JEREMIA 8:5 - ASII LAKDAP Bible (BSI)

⁵ Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

Hawa Naga Bible 2001

⁵ Kvkhoc rvtueq ngvy miqsaz htenc lex, nuimshiq kuex yek waung muit maq, ngaz kox wawc yvmx ngoz tueq lac mkaq muinz kvroz wvnc wuez vtuinx? Mnoz kuex m-yac yuimx htenc muex thuinz rvnx vtueq ngvy kox nuex yek waungc tvkoc tvlvlc vshuiux.

JEREMIA 8:5 Referencias Cruzadas

TAKSU LAK 4:13

Ümniiraq jamlai wa shrin laü, kra tsan na tiitsang shat riilaq. Phaqchi sap wan laü kriika ümrilung. Aheawiq maq saiqsam laq.

ISAIA 1:20

Shatmaq ümniiraq ikiq khiiruq la khiihaüla, ümniima atsai lam kli she misi. Arka Ngi Tati raq ngutiikang.”

ISAIA 30:10

Tsangshiq raq shammibi nang nga kaiqshak ngaronglaq nguta chongtlo. Tsangshiq raq akha ngutlo, “Namshiq raq naishiq miika jamlai wa riikhaqli kriika chongke maimak. Naishiq raq jamlai wa tairo tiikai kra chong ronglaq. Nashiq ka ajiq lam kriimin aheasii ngusaq laitli siphai.

ISAIA 44:20

Arka wabun mesea lam niishe supwatlo. Apaiq hon atsii ngila sang sikha maq, apaiq ka lamjiq na tiishon sheahoto. Atsii ka jai na tiijang wan lot mak she. Apaiq khutsai na apaiq raq ajaq ma shamtlaq sumla phra ka tisho riimak dongdii nguta akhutsai na nyap mak dongdii she.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 2:32

Junrii nyung ashi raq laktum longseng maq ashaü kra milaqbaiq shea? Riimakla junrii nyung ajunwa akhing na ariihun miirii ka milaqbaiqlot shea? Shatmaq isenginok raq Ngi ka rahiq pahea awealot mai chang khan laqbaiqto.

JEREMIA 3:5

Ümniika ngi ma pattup ka khiq maü mirhaü. Ümniika ngi rai tsankhiq bisi miili ka simaü mirhaü’ nguta ngutlaü. Israil lei, ümniiriika kiikha ngulaü. Shatmaq ümniiraq abi ngarai jaqsham ka ümchuwa ümniiraq atang tang klo wan laü.”

JEREMIA 5:27

Wushi tiiminti raq boriiphong ka wushi lap raüta tiimatlaq ikha, tsangshiq raq tsangshiq jam thun ka maiqtsiiq tek raüta tiima phongtlo. Kra ningkhan tsangshiq ningkun ka aheng kiimaq chiithe sitlo.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

JEREMIA 5:6

Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

JEREMIA 6:17

Kiijiishe Tatiwe raq rawa kintsongtibi shongto. Kriika honlam boli tsütlaq kra tai miitu. Shatmaq tsangshiq raq nguto, “Naishiq raq kriika taimai.”

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

DANIEL 9:11

Israilnok tlotli raq ümniiraq akuq haü aming wiita jinto. Raüta ümniiraq achong kuq haü ümbomtsi ka taimak tlea wanto. Naishiq ka ümman na shut wan kai dea. Kriikha na ümdise Mosheq lümaq akuq haü, tri raütu na waiq laü kra phan phan she dea naishiq khuthaq na ümmanson ka niwanto.

Hosea 11:5

Tatiwe raq ngutlo, “Tsangshiq iwokhong na jangwan romak she lankito. Kra ningkhan ümchaü sanha, Ejip mung na hali di ma jakai mijangho nong. Kiimaq Asiria mung raq tsangshiq mijam shawan.

Hosea 11:7

Isenginok iwokhong wa dongho roli hongla wanto. Krai mren maiqtijong howanto. Raüta maiqdikong ma jawanto. Chamchao tsi maq hoqphaq wanto. Shatmaq ngi raq tsangshiq maaho tre mang.

Hosea 13:2

Tsangshiq riika ümchaü min ngarai tang wan ruqli. Kampho ngam maq maiqse khutsai na tiima dongtlaq kra phan phan, maiqse raq ajaq maq sumla thun tiiq wan raüta noq wantlo. Sumla thun kra tiiq raüta, ‘Mungmaiqse loi, ara phrakaü thun arma honglu kuq ronglaq!’” nguta tsangshiq raq ngutlo. Liironglaq, tsangshiq raq, minsaü pongwe sumla thun kra shomnoq wantlo!

Hosea 4:16

Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.

John 5:40

Kiikhiitaü maq dongdii min, namshiq ka i puk na riikhaqli rilung lap wan miitu nyap wan ro man.

1 Thessalonians 5:21

Phanrap ahea abi ka, achen riiwan rong laq. Lanta, jamlai wa ahea, kra lang rong laq.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!

Revelation 2:25

Shatmaq, ngi misaüho shaq wiiwii, ümchaü jamlai mo kam tlan, kra jaqkhon pharang rang maq riiwiiq lanta sironglaq.