JEREMIA 8:22 - ASII LAKDAP Bible (BSI)

²² Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

Hawa Naga Bible 2001

²² Gilead nuex phumz vwaq vguez shex haz? Kvyuq phumz tawk jix vguez shex haz? Yvmx ngoz tueq lac ngvy miqsaz htenc muex tvhvlc kuq muq rvtvnx?

JEREMIA 8:22 Referencias Cruzadas

RAPHA HIQWA LAK 37:25

Raüta tsangshiq ka dungsea anga riito. Kra liipan na tiidong chhaq miili, tsangshiq raq Ishmailnok laopanbi kong ka Gilead wang maq aki Ejip mung nü na kaihoti kra chhito. Tsangshiq kumtsong kong raikhü niika süse tapan nai triinai hupsam hoho raüta aki riito.

RAPHA HIQWA LAK 43:11

Tsangwe jong raq tsangshiq ma nguto, “Riita kiikhiishe dongdii riichang she rakitaq jiika, namung na dongtlaq phan kriiwa ahea pinthum petsi wiqtsam kra namshiq thoila na miironglaq, lanta hoho ronglaq. Kiimaq kra wanghuptiwe ma kongphiq kuqho ronglaq: Trii nai wa phanshi, ngiq ngu phanshi, süse tapan, ahomwiq phan pistakio tsi, kiimaq Almon petsi thun kra hoho ronglaq.

JEREMIA 14:19

Tatiwe, riita ümniiraq Juda mung ka tiishaübaiqtlii dea shea tiishaübaiqlaü? Ümniiraq Jajon chelati ka shukhiq dea shea shuho laü? Ümniiraq naishiq ka tiinamtok langlang jam nguto tiiqbaiq laü? naishiq motsi ka ahea min healot mak she? Naishiq raq hansang singa miitu rit tiikai, shatmaq jamlai min ahea saümak; naishiq raq mung atsing mirwan ahiq nguta ran tiikai, shatmaq phiiptsi chang rahai kli saü wan ruqruq.

JEREMIA 22:6

“Ngi ma Juda mung hokhamta jam ka Gilead wang rum jamkho tsomsiqtlaq kiikha tsomhea. Kiimaq Lebanon pum ka jamkho tsomtlaq kiikha tsomhea. Shatmaq Ngi raq arka maiqsi maiqnga maimak hiqmiq changkhü ma mitiija baiqha.

JEREMIA 46:11

Ejip mungti lei, Gilead wang na warong laq, lanta phum ka rit wa rongkiq! Namshiq phum thun ka jamtai mak thiihü; namkhum ka jamlai riimin healot mak she.

JEREMIA 51:8

Bebilon ka tiihanghiiq miili dea wanto. Raüta tiisiirai she thento! Amaa hoq ronglaq! Apaiq mi thun kra phum ma tsiq rit ronglaq. Jursap tsiq maq phum raülo heaki jiiq riila

JEREMIA 6:7

Khappong chum raq akham ka khangriri hea thütlaq ikha, Jerusalem riimin abi kiimung ka anye siisaq thütlo. Ngi raq chela mong na jasam piqsii trang nai athen wan trang taitiikang. Atsi asi kiimaq ami atsi tam tong long kli ngi raq chhi tiikang.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

AJONJÜ 2:13

Itsan imong tsi chang Jerusalem lei, ngi raq ümniima jamlai wa michongha? Ngi raq ümniika jamkho mitiijaiq ha? Ümnaq chamchao akhiika, jumin chamchao mak dea. Ümnaq chamchao arka, sammoktra chum jong ikha jonghea, aran phan chang ahü she.

EJEKIEL 27:17

Juda nai Israil mungti raq ümhupsam bunwong, ngiq ngu, olip tai, kiimaq süse tapan maq klai raüta rito.

WEAWEA 32:1

Reuben phan nai Gad phan jaq niika jam nyamse kong pahea. Krai mren tsangshiq raq Jajer wang nai Gilead wang binjü ka nyamse rüm ma hiqshong ka thep chhito.

Luke 8:43

Kra maiqphong mong na, wiiroqshi ri wiinai she, tiijaidong tsi raq chamchao raiti, jechak nyung ashi min asi riito. Krii nyung raq ajaq na kampho lakshii ümchuwa sitlaq kriika taktot maq ma wiita sumto. Shatmaq, apaiq thatsi kriika jurmin tiihea kuqlot mak riito.