JEREMIA 8:22 - Hawa Naga Bible 2001

²² Gilead nuex phumz vwaq vguez shex haz? Kvyuq phumz tawk jix vguez shex haz? Yvmx ngoz tueq lac ngvy miqsaz htenc muex tvhvlc kuq muq rvtvnx?

ASII LAKDAP Bible (BSI)

²² Gilead wang na tsiq ka ahü shea? Kiijaq tsiqtoqti phumshra ka ahü ahü shea? Ikhiijiika isenginok tsisi ka jamto tiiheakuq mak?

JEREMIA 8:22 Referencias Cruzadas

RAPHA HIQWA LAK 37:25

Kvruex yimaq tsuinghez kuex ngaungc vtueq phuiuz vsvy phauk saq wuez yaq nuex, Gilead mungx maq Ejip mungx nuex kay jix Eshmael phvnx miq kungshiz kuex khiz tueq. Tsuingshiq kamel htenc htauk nuex vhomc vtumc phvnx basam tix nuiyc resin tix htenc kuex tvdaungc laq tueq.

RAPHA HIQWA LAK 43:11

Tsuingshiq waz rueq jungx kuq tueq kuex, “Kvkhoc ngoz ruiux yuq kuex vkhoc ruez shuinz, Kanaan mungx wawc dung yaq vhvlx pinhtumc phvnx basam thuey raungluingx, nyaq ngurx raungluingx, vhomc vtumc phvnx, pistachio thuey, mvkhoc thuey kuex honoc waz muex yauk noalc kuy muex gurx kuq laq shuinz.

JEREMIA 14:19

Yehowa lex, mnoz rueq Yuda mungx kuex tvdux gay tvlanc shec haz? Mnoz rueq Zion miqsaz haz shuiuc vshuiux? Nuiyshiq hvlx lot miq laz juing mnoz rueq yvmx ngoz tueq lac nuiyshiq tvthuiuz sac hvlc ruez vphux? Nuiyshiq rueq nomic lvmx kuex thuiyx vshix, yuq muinz vhvlx muex yaungx muq; nuiyshiq hvlc wvnc tvkoc tvluimc vshix, yuq muinz vhiz juing dvyx dung wvnc yaq.

JEREMIA 22:6

“Ngvy tvkoc, Yuda hokhvmx hoc kuex Gilead mungx nuiyc Lebanon kanx htenc ikhoc svp yaq; yuq muinz ngaz rueq ukhaq muinz httax muq ghaqkuiyq ghaqkhvmx baung muex tvyaungc shaungx.

JEREMIA 46:11

Ejip miqsaz htenc lex, Gilead nuex kaz vtueq phumz vwaq thuiyx shuinz! Mnoz phumz vwaq lotlaz kuex khuec guez lvmz hakhix tvkhic yaq; yvmx maq muinz mnoz kuex tvhvlc lot muq.

JEREMIA 51:8

Babelon mungx kuex huingc rvhek laz maq rul wvnc vtueq bac wvnc tueq! Kvruex tvkoc khoar wuez kuinz! Piq phiz vshuz mac kuex tvhvlc lot shuinx wuez raz tvnx, kvruex tvkoc phumz vwaq lvmz wvnc luit.

JEREMIA 6:7

Yuix dungc jungx maq yuix dung yaq ikhoc, Yerusalem ghaq maq vbac kuex dung hvt rvyaq. Ghaqyungx mungx nuex yauk laungc yalawx nuiyc tvbac tac kuex ngaz rueq tay vtueq; vthuiuz vsac nuiyc vmac vtsac htenc ngaz rueq khiz vshaungx.

JEREMIA 9:1

Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.

JEREMIA 9:11

Yehowa rueq, “Ngaz rueq Yerusalem kuex tvthuip tvkhvt tvbac gay ruiux, yaruix guyhex httaz juing muex tvyaungc shaungx; Yuda ghaqyungx htenc kuex kuiyqshuik kuiyq shix yaungx wvnc vtueq ukhaq muinz httax muq baung muex yaungx wvnc tuex,” ngoz tueq jungx tueq.

AJONJÜ 2:13

O Yerusalem lex, lungwawx vphaungx Yerusalem lex, ngaz rueq mkhoc jungc lot juing lac? Ngaz rueq mnoz muex mkhoc sitenc yatenc lot juing lac? Vkhoc kuilc daz kuex vshiz muinz rvhumc muq doc. Mnoz kuilc daz jamjaux kuex svmuktvrax ikhoc yunghvlc vhtaz lot miq; thuinz tvluimc juing httax lot muq.

EJEKIEL 27:17

Yuda nuiyc Israel mungx maq mtaungx vwawx htenc layc tvkoc nyensaz tsvmz, nyaq ngurx, olip puiz nuiyc vhomc vtumc phvnx ruip saz laq wuez tueq.

WEAWEA 32:1

Ruben phvnx nuiyc Gad phvnx nuex suiux vmanx paunghvlc httax yaq. Kvkaq tsuingshiq rueq Jazer mungx nuiyc Gilead mungx nuex remc juing ghaq vhvlx khiz vtueq,

Luke 8:43

Kvkaq wawc 12 tvguiy dungc jix nyuiuz shiz kuex piq rueq vlvp luz tsak vnyvmx htenc htumx laz maq phumz shuimc jix muex tvtsiq kv-phemc ruiux muinz tvhvlc kuq lot muq.