JEREMIA 7:18 - ASII LAKDAP Bible (BSI)

¹⁸ Noserekong riika chin riichom thamtlo. Maiqwere riika wacha kra chaqtlo. Kiimaq jechakre riika winsii ka wa na kotlo, raüta jechak nyung phra kaü tsangshiq raq Ramungtan Hokhamnyung ngutlaq kriima kuqtlo. Kiimaq tsangshiq raq ngi tiichamchao miitu che ka sumla phra ahinti thun miimin tiibok kuqtlo.

Hawa Naga Bible 2001

¹⁸ Nosaz rulx rueq janx kuex htuimx vtueq, miqwaz rulx rueq wvr jauk ruiux, yalxjuik rulx rueq raungmungx hokhvmx nyuiuz ngoz yaq htaungc tishox muex nawk kuy tvkoc wanx kuex nyvt vtueq shuz yaq. Tsuingshiq rueq ngvy thuinz tvpiauc muq tvkoc vganc tishox htenc muex svpiq tix maq shomc shvy kuq yaq.

JEREMIA 7:18 Referencias Cruzadas

1 HOKHVMX 14:9

Ümniiriika ümniima kongkhu pat na ümchu riiwa mung peng wantaq, kriiti thun wiita thaq na ngarai jonghea she klo wan laü. Ümniiraq Ngi ka no na miimbaiq laü. Laüta sumla phra thun haiwanlaü kiimaq ashomnoqchang jin ngam sumla thun tiiq wan laüta itsankhiq henghea tiinyii wan laü.

1 HOKHVMX 16:2

“Ümniika manghü raahü maiqse riilaü. Shatmaq Ngi raq ümniika isenginok Israil mung khuthaq na tuwe jong ma shong wan kang. Shatmaq ümchaü ümniirii min Jeroboam raq ngarai tang wantaq kiikhiisü hali tang wan laü. Laüta isenginok ka ngarai thiikhobok niishe tiidea baiq laü. Tsangshiq ngarai raq itsankhiq she shaü wanto.

Tvtsvmc 16:4

Juwa laihin phra thun tijong hokai pintrang tlaq tsangshiq maiqmii khuthaq na chamchao holai pahea tiisaütlo. Ngi ka tsangshiq raq honglu thun takuqtlaq kiijaq lomdam mang; Ngi raq tsangshiq tiikea thun ka shomnoq mang.

ISAIA 3:8

Tengto. Jerusalem ka miqto she! Juda mung ka alang pit wan miiqmiiq she! Tsangshiq nübok maq bomtlaq kra nai tsangshiq jaq maq jamlai wa klotlaq kra wiita Tati makki na abi siisaq klotlo. Tsangshiq raq linham linhok raüta Shiikeawe apaiq ka shummiitlo.

ISAIA 57:6

Namshiq raq kiiwa longkaü kaünyea nyea thun kra lam lantea tisho kong nguta noqtlan. Namshiq raq che khap ka honglu na tsangshiq ma raü kuqtlan kiimaq rai awong honglu thun kuqtlan. Namshiq nga Ngi ka arthun klotlan arma chochitlo ngutiisha tiimatlan?

ISAIA 65:11

“Shatmaq namshiq jurwa Ngi miimbaiq lan, jurwa Ngi asii kin Jajon chela kra shipoq tlan, kiimaq kiim phra kaü Gad kiimaq ningthoi phra kaü Meni shomnoqtlanti miika pong lin miraq.

ISAIA 65:3

Tsangshiq ka tsanglaipo ahünok. Jeasi mak phan. Tsangshiq raq itsan kli tiikhiq wanto. Tsangshiq raq asii sonruk mong thun na thatsang ma honglu thun ka takuqto. Raüta thatsang berong-wacha thun na homseng honglu chaqtlo.

JEREMIA 1:16

Ngi raq isenginok ma mo mitiihoha. Jamkhano ngukla tsangshiq raq ngarai tangto. Tsangshiq raq Ngi ka miimbaiqto. Raüta laihin phra thun ma honglu takuqto. Kiimaq tsangshiq raq sumla phra pahea tiiqto. Raüta kriithun ka shomnoqto.

JEREMIA 11:17

“Ngi Ajong Pinthum Tatiwe raq, Israilnok nai Juda mungti ka pecham ikha chhijang wan kang. Shatmaq ümchaü sanha Ngi raq tsangshiq ka miqchup mishthen baiqha nguta tiiphiip tiikang. Arka tsangshiq maiqmii riili maiqmii thumphaq chang thiikho thütiije wanto. Jamkhano ngukla tsangshiq raq ashut klo wanto. Tsangshiq raq Baal phra ma honglu take wan kha na itsan tiikhiq wanto.”

JEREMIA 17:2

Namshiqnok raq phra kong ka berong-wacha thun kiijaq shomnoqtlo. Kiimaq jechak phrakaü Ashera miithiiphong ka hiqlampo thun kiijaq pechongtong aweatek na shongtlaq kra shomnoqtlo.

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 25:7

Shatmaq Tatiwe apaiq raq ngutlo, namshiq raq apaiq bomchong ka atlea riiwan lan. Apaiq bomchong ka taiwan rii na, namshiq raq sumla phra thun shomnoq wan, lanta apaiq tsan ka tiikhiq wan lan. Krai mren, namshiq maiqmii khum na apaiq mo kra howan lan.

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

JEREMIA 44:4

Ngi raq namshiq phana ijaqshisetiim shammibi riilü wantlii ibom tiichongkai tiikikang. Tsangshiq raq namshiq ma ara riiqkhiq ngi raq pinthum saisitiikang kra naq klo rongkiq nguta ümtinkhan wa chongkuqto.

JEREMIA 7:17

Tsangshiq raq Juda mung na chela thun na nai Jerusalem na chiihea lam thun kiijaq jamlai wa klotlaq kra chhimaü shea?

AJONJÜ 5:13

Naimungti jerojongbi ka, dikong ikha tsamthaüketi miishe tiija wanto. Nosere maiqwesere ka hohotsi riili she pat raüta chamchaotlo.

EJEKIEL 16:26

Ümniiraq ümjam thoti chiiti sethoq jong jati thun, Ejip mungti ka ümchang na adam tiikon wan laü. Kiimaq ümniiraq üm mephe ja kiicham wan laü kriimaq ngi ma itsan tiikhiq wan laü.

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

EJEKIEL 8:16

Krai mren, apaiq raq ngi ka Shomjam mong na wang mongti keathung khok kiiniishe shea wanto. Kra khok mong na asii silaitap khok na nyap wan chang kilamchong, berong-wacha nai maiqkhum chang lam wiithung abin ba heawea kiijaq, maiqwere roqnai ri webiingi tin asi riito. Tsangshiq ka asii siqlaitap tsaüwe khamchong kra jainong nü maq shung raüta, tsangtok ka hiq nü na kuraqraq maq, shedong nü nü kiina nyi raüta rashe dongtlaq kra shomnoq rea riito.

EJEKIEL 8:17

Raütiishe Tatiwe raq ngi ma nguto, “Maiqse lei, kra chhitlaü sha? Ara Juda mungti ka arthun maiqphai asi jaqsham thun arka miinan asham lamlam miili nai armung hamli na riitsea riita raq nyam wantaq kra riika tsangshiq ma mit-si li chhaq ka riimak. Tsangshiq ka ana kai raa dongdii, raüta arthun arka Shomjam na klo raa dongdii she jakito. Raüta tsangshiq raq itsan ka tiikhiq raa dongdii. Raüta itsan ka apapa tiikhiq chang kata. Liimaüta, tsangshiq raq pinthum maklii jai na tiijangphat abi jaqsham raüta ngi ka shummiitlo ahata!

1 Corinthians 10:22

Nashiq raq akhla klo hai jiila, nashiq raq Shiikeawe maklii kra tiishurea ma nguta klo ikhiishe mijaki. Nashiq ka Shiikeawe nam ma ajong ahong ala ka riimai.

TRI CHONGKE 32:16

Tsangshiq raq sumla phra noqto, Raüta Tatiwe mak tiishuto, tsangshiq raq abi klotaq kriiraq apaiq tsan tiikhiqto.

TRI CHONGKE 32:21

Tsangshiq sumla phra kong maq itsan tiikhiqto, tsangshiq shiikea kong ma imak tiishuto, phra kong ka riikhaqli shiikea kong riimak. Kriikha na Ngi raq maiq mung ashi kriima tsangshiq tsan ka mitiikhiqha; Ngi raq tsangshiq ka maiq mung ashi anginok ma tsangshiq mak mitiishuha.

TRI CHONGKE 4:19

Namshiq mak maq jamlai phan wa chhiha tlan, rashe kaü, jipi kaü, kiimaq raiqsaiq phong kra shomnoq maimak. Tatiwe namshiq Shiikeawe raq arthun arka maiq phan ahin thun raq mishom noq laq nguta tsangshiq ma kuqto.