JEREMIA 7:18 - Hawa Naga Bible 2001

¹⁸ Nosaz rulx rueq janx kuex htuimx vtueq, miqwaz rulx rueq wvr jauk ruiux, yalxjuik rulx rueq raungmungx hokhvmx nyuiuz ngoz yaq htaungc tishox muex nawk kuy tvkoc wanx kuex nyvt vtueq shuz yaq. Tsuingshiq rueq ngvy thuinz tvpiauc muq tvkoc vganc tishox htenc muex svpiq tix maq shomc shvy kuq yaq.

ASII LAKDAP Bible (BSI)

¹⁸ Noserekong riika chin riichom thamtlo. Maiqwere riika wacha kra chaqtlo. Kiimaq jechakre riika winsii ka wa na kotlo, raüta jechak nyung phra kaü tsangshiq raq Ramungtan Hokhamnyung ngutlaq kriima kuqtlo. Kiimaq tsangshiq raq ngi tiichamchao miitu che ka sumla phra ahinti thun miimin tiibok kuqtlo.

JEREMIA 7:18 Referencias Cruzadas

1 HOKHVMX 14:9

Mnoz max nuex guimz lawc wvnc jix hez htauk nuex muinz mnoz yaq toq mvrax kuex yunghvlc rvtueq. Mnoz rueq ngaz kuex tvdux gay ruiux nawk palx tvkoc yac yuimx htenc kuex tvhungx vtueq ngvy thuinz tvkhaq phux.

1 HOKHVMX 16:2

“Mnoz kuex yvmx rvmuq miq yaungx vtuiux, yuq muinz mnoz kuex ngvy miqsaz Israel walaungx muex tvyaungc phaungx. Majuiuc kuex Jeroboam ikhoc mnoz mvrax yaq vtueq, ngvy miqsaz htenc kuex mvrax lvmx nuex shvlx laq toq. Tsuingshiq rueq shuimx yaq mvrax htenc rueq ngvy thuinz tvkhaq yaq,

Tvtsvmc 16:4

Vganc tishox htenc kvnvp naungc jix htenc kuex tsuingshiq shauk pumz nuex kuilc daz lvmx paunghvlc rvhumc wvnc tuex. Tsuingshiq rueq shomc nawk kuq yaq kvyuq ngaz kuex lomx mauk; tsuingshiq tishox htenc kuex ngaz rueq nawk palx mauk.

ISAIA 3:8

Rvtueq, Yerusalem kuex vphoc rvhumc yaq! Yuda kuex rul wvnc vtuex! Tsuingshiq rueq jungx yaq nuiyc shuimx yaq phvnx ruip saz kuex Yehowa rulc raz muq phvnx jvnc rvtueq; tsuingshiq rueq Tishox kuex raungx nuex dauz laz shummarc tueq.

ISAIA 57:6

Kvruex wawc lung poz vnyel htenc nuimshiq rueq lvmz vtueq miqmac tishox htenc muex tvyaungc nawk palx vshuinx. Nuimshiq rueq svpiq tix kuex shvy vtueq shomc kuq ruiux vruiy vwungx maq shomc kuy muex laq vshuinx. Vruex htenc lotlaz kuex ngaz rueq raungc raq yaq ngoz tueq haz tvmaung vshuinx?

ISAIA 65:11

“Yuq muinz ngaz gay shec jix ngvy vsawc kanx ngoz yaq Zion kuex wvlc guez raz tueq, Gad nuiyc Meni ngoz yaq kamc nuiyc vtsalx tishox htenc nawk palx yauk shuimc kuex nuimshiq tvkoc pungpungx yaungx wvnc tuex.

ISAIA 65:3

Tsuingshiq kuex yvlc sac muq maq ngvy thuinz dvyx tvkhaq yaq. Tsuingshiq rueq vsawc sunc htenc nuex yac yuimx muex shomc nawk kuq wuez ruiux, yac yuimx nawk juing shomrawx htenc nuex vhomc vtumc phvnx kuex jauk shomc kuq yaq.

JEREMIA 1:16

Ngvy miqsaz htenc tsuingshiq rueq mvrax yaq vtueq; ngaz tuip gay jix, vganc tishox htenc muex shomc nawk kuy muex shomc kuy jix, tsuingshiq rueq vguirx yac yuimx htenc muex nawk palx jix htenc kuex murx tvgurc shaungx.

JEREMIA 11:17

“Ngaz, Tvphaungc Tvsuip Yehowa rueq Israel nuiyc Yuda kuex khic taq tauk; yuq muinz majuiuc tsuingshiq kuex ngaz rueq vgvrx kuilc daz maq tvhiz sungx vshaungx. Tsuingshiq rueq vyaq yauk shuimc ningkhvnc nuex tsuingshiq rueq miqmac pumz laung nuex vruex tvdung tueq; tsuingshiq Bala tishox muex shomc nawk kuy shomc kuq vtueq ngvy thuinz tvkhaq yaq,” ngoz tueq jungx tueq.

JEREMIA 17:2

Ghaq luimx htenc nuex wuiljuit juit httax yaq pulx ruip rawx htenc hep nuex muinz, kankhux htenc nuex muinz, Ashera tishox nyuiuz tvkoc vtvjvp taq vyac htung htenc nuiyc shomrawx htenc nuex nuimshiq suiuz vsaz hez rueq nawk palx wuez yaq. Mnoz kuex miqmac mungtan wvlex nuex yaq wvnc toq mvrax htenc ningkhvnc nuex, nuimshiq tsak nyvmx nuiyc hup vsvmx htenc kuex nuimshiq ralx htenc muex ngaz rueq tvlvp tvlvmz wvnc shaungx.

JEREMIA 19:13

Yerusalem yuimx htenc, Yuda hokhvmx yuimx htenc, miqmac yuimx wux khux raungx nuex vhomc vtumc phvnx jauk vtueq ruiysuiyq htenc nuiyc vganc tishox htenc muex svpiq tix shvy vtueq shomc kuq yaq yuimx lotlaz kuex Tophet ikhoc sawc muq baung muex yaungx tuex,” ngoz tueq.

JEREMIA 25:7

Yuq muinz mnoz rueq piq kvjaz tay muq tvdux gay vshuiux kuex Yehowa vpiq pumz maq jungx tueq, kvkhoc ruec tvraung, mnoz rueq tvhungx vshuiux phara yac yuimx htenc maq vpiq thuinz tvkhaq vshuiux ningkhvnc nuex, mhtauk nuex vpiq rueq murx tv-httuiuc tueq.

JEREMIA 32:29

wvr nuex jauk gay shuex. Ngvy thuinz tvkhvy muex ngoz tueq, yuimx htenc htauk nuex Bala muex vhomc vtumc phvnx jauk ruiux, vganc tishox htenc muex svpiq tix shvy shomc kuq yaq yuimx htenc kvrulc vdvmz tsuingshiq rueq kvruex ghaqyungx kuex jauk gay shuex.

JEREMIA 44:4

Ngaz rueq shuiuc vshaungx vruex kvhiz juing yauk shuimc htenc kuex shuimx muq tvkoc nuimshiq muex jungphvnc kuy tvkoc ngvy nvrc waz hez shvmmax bix kuex nuimshiq kox nuex ngaz rueq yauk lox yauk lox tvkaz vshaungx.

JEREMIA 7:17

Yuda ghaqyungx htenc nuiyc Yerusalem wawc lvmx htenc nuex tsuingshiq rueq shuimx yaq kuex mnoz rueq khiz vshuiux haz?

AJONJÜ 5:13

Nuiyshiq yalxrox bix kuex dax ikhoc tsvmz htuiuz wuez yaq; miqwaz sahez muinz janx mvrx liq kuex ruiklez roplez gurx.

EJEKIEL 16:26

Mnoz kuex mnoz htokpawx jix phic vphaungx wuinz ngoz yaq Ejip miqsaz htenc rulc vdvmz nuex woalc vtueq, mehpex yauk shuimc ngoz yaq rvjuik yauk shuimc shuimx vtueq ngvy thuinz tvkhaq vphux.

EJEKIEL 20:28

Tsuingshiq muex kuq phaungx ngoz tueq bomkhvmc taq tauk mungtan nuex tsuingshiq kuex shvlx wvnc tauk. Tsuingshiq rueq johvlc ghaqluimx htenc nuiyc wuiljuit wuiljaungx pulx htenc kuex khiz vtueq, kvruex htenc lotlaz nuex shomc nawk kuy juing shomc kuq tueq. Tsuingshiq rueq kvruex yuq vhomc vtumc phvnx jauk shomc nawk kuy nuiyc svpiq tix shvy vtueq shomc kuy ningkhvnc nuex ngvy thuinz tvkhaq phuex.

EJEKIEL 8:16

Kvkhoc rvtueq vpiq rueq ngaz kuex Shomc Yuimx ruk mungx kox nuex shvlx wvnc phuex. Shomc Yuimx nuex nyuip waungc juing hep wawc ruk nuiyc shomrawx hvlwvl nuex miq waz rok nueyc rac waz bv-ngac tanc httax yaq. Tsuinghez rueq shomc yuimx kuex yix tvnungx shung ruiux, shaldungc kox nuex bumx vtueq shalx dung wvnc yaq kuex nawk wuez yaq.

EJEKIEL 8:17

Yehowa rueq ngaz muex, “Vthueyc rvyaq miq lex, kvkhoc ruez yaq kuex khiz toq haz? Kvruex Yuda miqsaz htenc kuex vruex yuq mnoz rueq khiz vshuiux tsuingshiq rueq shuimx yaq miqsuirc vsac yauk shuimc lotlaz nuiyc wvmungx tuimx nuex yauk laungc yalawx rvyaq kvmac doc muinz thuinz suing wuez yaq rvmuq. Tsuingshiq kuex vruex Shomc Yuimx mungx nuex kaz vtueq ngvy thuinz pinhtumc tvkhaq wuez yaq. Tsuingshiq rueq ngaz kuex rvlot yaq tanc khvnc maq wvlc guez waqguez mtanc lac yomnamc yaq nguinx kuex lawc shuiuz!

1 Corinthians 10:22

Rvmuq ngoz ruiux naungshiq rueq Taungjix muex khelric tvbac haz roc vshix? Naungshiq kuex vpiq htauk nuex muinz hungc vlaungc httaz hvlc haz?

TRI CHONGKE 32:16

Tsuingshiq rueq nawk palx yaq yac yuimx ningkhvnc nuex Yehowa muex tvshuiuc; tsuingshiq rueq layx bac shuimx kaz vtueq vpiq thuinz tvkhaq yaq.

TRI CHONGKE 32:21

Tsuingshiq yac yuimx htenc maq ngvy thuinz tvkhaq vtueq, vmuingc gurc tishox htenc rueq ngaz muex khunnyerx yaq, kvruex tishox htenc kuex tishox muik shauk rvmuq. Kvkhoc rvtueq vwvlc mvy muq miqphvnx kuex ngaz rueq shuimx vtueq tsuingshiq kuex tvkhaq shaungx; vngauk vngaz miqphvnx maq muinz tsuingshiq tvkhunx nyerx shaungx.

TRI CHONGKE 4:19

Raungx nuex kvkhic yaq, shalx, yapix nuiyc ruiysuiyq htenc kvmuinz nawk palx muit tvkoc laulawc rvhumc muit mruez kueq. Kvruex kuex vganc phvnx miqsaz lotlaz tvkoc Yehowa naungshiq Tishox rueq vkuq shec tueq.