JEREMIA 51:57 - ASII LAKDAP Bible (BSI)

⁵⁷ Ngi raq amungtuwebi ma che mitiibak nyangha lata mitiipheha; taksubi, tuwebi, kiimaq phenlabi. Tsangshiq ka akon mirwan, kiimaq ümtiikiimin samkimak she miraq. Arka, Ngi hokhamwe raq ngutiikang, Ngi ka Tati Ningkun Ajongwe.

Hawa Naga Bible 2001

⁵⁷ Ngaz rueq kvruex mungx guimz lawc jix hez, taksux tharc miq, vyungx vlaungx bix nuiyc nolaungx bix htenc kuex joal maq tvpawc shaungx. Tsuingshiq kuex kvtsoalx rvlauk wvnc vtueq mkaq muinz kvsvmc muq shex. Ngaz, hokhvmx waz rueq jungx tauk, Ngaz kuex Tvphaungc Tvsuip Yehowa rvtauk.

JEREMIA 51:57 Referencias Cruzadas

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

ISAIA 44:25

Ngi raq maiqjaq liitikong ka maiqjiq ma tiijabaiqkang; along bom tiithai thun ka tiibibaiqkang. Taksma bomchong ka Ngi raq khiibaiqkang, lata tsangshiq nyan bomtsi ka banbok mii tiijabaiqkang.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

JEREMIA 13:13

Kiijiishe ümniiraq tsangshiq ma chongkuqlaq, Ngi, Tatiwe raq armungti ka che tiibak nyang lata wok phetaktak, che maq mitiichokha. Hokhambi thun, Dawit saüsetiim thun kra. Kiimaq ramwebi thun kra kiimaq shammibi thun kra kiimaq Jerusalemti thun kra che maq mitiipheha.

JEREMIA 25:27

Kiijiishe Tatiwe raq ngi ma chongto, “Mungmaiqse ma chongkuqlaq, Ngi Tati, Ningkun Ajongwe, Israilnok Shiikeawe raq, tsangshiq ma che ka phetaktak, chok wantlii baknyang ronglaq, che raq pherai raüta, tsangshiq ka hiq na küram liira, aphai agoqtrang liishe, atiido min lot mak baknyang ronglaq nguta tsangshiq ma aming kuq tiikang. Jamkhano ngukla Ngi raq tsangshiq khuthaq na re dong jonghea tiisaüho tiikang.

JEREMIA 46:18

Ngi, Tati Ningkun Ajongwe ka hokham. Ngi ka atra Shiikeawe. Tabor Pum ka pumthun tarü thaq na acho pinthum, kiimaq Karmel pum ka khamjong chum na thaq chohea, ikiikha ümnaq khatkaitiwe ningkun ka henghea miraq.

JEREMIA 48:15

Mob mungti nai chela thun ka wiita tiithenbaiqto she; asengi jerobi kuilang kuilabi wiita she jiipbaiqto. Ngi ahata hokhamwe, Tati Ningkun Ajongwe, krai ningkhan, Ngi raq toqtan tiikang.

JEREMIA 50:30

Arningkhan asengi jerobi ka chela mong na chiiheawea lam thun kiijaq mijiipbaiq. Kiimaq asengi phenlabi thun ka tiithumpak kra ranaiq akhing na mijiipbaiq wan. Arka Ngi, Tatiwe raq toqtan tiikang.

JEREMIA 51:39

Tsangshiq ka shakaq kong sha? Ahea. Ngi raq tsangshiq miitu phaqsea poi jonghea mitiijeha. Lata tsangshiq ka che maq mitiichokha kiimaq mitiichochiha. Raüta tsangshiq ka akon makaiq she mibum wan. Kriika samki nong mak she miraq.

EJEKIEL 20:33

“Tengteng. Ngi, Tati Rakaü Hiqwe atra Shiikeawe raq, namshiq ma honlam bom chongtiikang, Ngi raq itsankhiq walü nyai hengtlaq kriimaq namshiq ka ijaq khon mong na iningkun wiita maq mipeng wanha.

NAHUM 1:10

Shukrü tamsetiim nai tsamkü shin phong ikha, namshiq cherop kong ka, wiita wa maq michaq baiq!

NAHUM 3:18

Ajong Asiria hokhamwe lei, üm wanghupti thun tsaikito she, kiimaq ümwelabi ka pattup miitu konkito! Ümsengi mungmaiqse ka, pum thun na wiita pin wanto, tsangshiq jam na tiijang sheawanti, jumin ahü miraq.

MALAKI 1:14

Jurwa anyamse kong wa, ahea awa nyamse ashi honglu na mikuq ha nguta, ngi ma kiqkham keje she taü maq, ara arot akiq laopha hupsam wa laplu raüta, kuq tlaq, kriiti miika, imanson homa klishe misi! Jamkhano ngukla, ngi ka ajong pinthum hokhamwe. Kiimaq ra raq aham mangjong maiqse kunli raq ngi ma haisong tsantsii rümtlo.”

Revelation 18:9

Mangjong hiq wa honyung hokhambi, apaiq rai sethoq jawan damti, kiimaq apaiq rai sükha saqseng phaq wan damti thun raq, apaiq khiim wan walü nyaiwa nai wakhuk mong wa kra chhi raüta, maaho maanyi mihoq trang.