JEREMIA 51:44 - ASII LAKDAP Bible (BSI)

⁴⁴ Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

Hawa Naga Bible 2001

⁴⁴ Ngaz rueq Babelon tishox ngoz yaq Bela muex murx tvgurc shaungx, piq rueq vguiuq hup vsvmx htenc kuex vtvyez kuy rvyek shaungx; miqphvnx htenc rueq mkaq muinz nawk palx shuex rvmuq shex. “Babelon ghaq palx ruk htenc rul kaz shex.

JEREMIA 51:44 Referencias Cruzadas

2 KAÜWA WERAÜ 36:7

Nebukadnejar raq Shomjam wa tsiiq nai nyam tum wiijam ka howanto. Raüta Bebilon mung na apaiq hokham jam na thüwanto.

YOBA 20:15

Ajiqwe riika apaiq raq tsiiq ahuk wan ka aphai baiq rea riitlo; Shiikeawe raq kra tsiiq ka ajang riiho nongtlo, awok mong wa dongdii min khot raüta lamhotlo.

ISAIA 2:2

Rawiichii akhing na Shomjam haitaq pum ka pumthun wiitarü thaq na diiluhea pinthum miraq, hiqlam wiita thaq na diilu pinthum miraq. Maiq mung pahea wa maiq apaiq phana kongta hushhu waraüta mirtam wan,

ISAIA 21:9

Tiidongchhaq miili, tsangshiq ka saü wanto! Maiq kong ka kumrang thaq na, wenai nai maq watlo, Kintsongtiwe raq tsütsa ka tiitai chongto. “Bebilon ka miqto she! Tsangshiq raq sumla phra phong noqtlaq thun ka tiisiirai thento she. Wiita hiqrai shotbaiqto.”

ISAIA 60:5

Ümniiraq ara michhihaü laüta chojongchise mirhaü; Ümniika chochisitsi ma adoqhaha midoqsiq haü. Maiqmung pahea wa tsiiqtum thun ka ümnii miishe mihokuq wan. Khamjong chum reko wa tsangshiq tsiiq tum ka ümjaq niishe misaü wan.

JEREMIA 50:15

Chela trotam maq rechap wan hünong tam rong laq! Ümchaü Bebilon mungti ka rewe jaq mong na nyap wato she. Chela tro ruk ka wiita tiibun baiqto she. Raüta siiqbaiqto she. Ngi raq Bebilon mungti khuthaq na iphuk she lamtiikang. Arningkhan namshiq phuk lam Bebilonnok ka khat ronglaq. Tsangshiq raq nanok jamkho haihiitaq kiikha tsangshiq kiimin haihii ronglaq.

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 51:18

Tsangshiq ka thiihü hiqtili maiqsai asi; Tatiwe ka saüho raüta tsangshiq kha mipho, raüta tsangshiq ka mitiithenbaiq.

JEREMIA 51:34

Bebilon hokhamwe raq Jerusalem ka tiibunbaiqto, raüta wiita phaq baiqto. Apaiq raq chela ka hamlii tsabum wa hupsam tiidongbaiqtlaq ikha tiidongbaiqto; ngorokaü raq ikha apaiq raq jokbaiqto, Apaiq raq aroro tiithumpak runto, kiimaq kriiwa chantlaq ka wiita wanbaiqto.

JEREMIA 51:47

Kiimaq arai mren, akhing misaü wan, Ngi raq Bebilon mungti sumla phra kong kha ka miphoha. Tsangmungti kunli ma jea mitiingaüha. Kiimaq asenginok mungmaiqse thun ka hiq maq hutse wiita mijiipbaiqha.

JEREMIA 51:53

Bebilon mungti ka ra na düwan raüta, kiitelong maq chela tro na jamlai riimin chhemak phan ruk hai raü min, Ngi raq kiijaq maiq tiiwa lata kra chela ka mishthen baiqha. Arka, Ngi, Tatiwe raq toqtan tiikang.”

JEREMIA 51:58

Ningkun ajong Bebilon ruk thun ka hiq na tiiphongtsok mitiibunbaiq, raüta ruk diiluhea ruk kilü thun wiita, wa maq hihut michaqbaiq. Maiq mung thun jaqsham ka atuli she mithumki, tsangshiq raq minshiiqtaq ka wa maq chaqbaiqto. Arka Ngi, Tati Ningkun Ajongwe raq toqtan tiikang.”

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

DANIEL 3:29

“Riita, arningkhan, ümchaü sanha, ngi raq aming kuq tiikang, ümra mungti riiwa, junok phan riiwa, lo junok phan bom riiwa, Shadrakh, Meishakh, kiimaq Abednego Shiikeawe ka shreng mak maq bomjiiq, kriiti ka ahok ajaq pongpan riipan, chaiham chaihea tseabaiq ratlo. Kiimaq apaiq jam ka botkhulai rai shotbaiq wantlii, shiithen baiq ratlo. Jamkhano ngukla, atinkhan tiikhup wongketi ahin shiikea phra ka ahü!”

DANIEL 4:1

Hokhamwe Nebukadnejar raq maiqmung thun ma, maiqphan thun ma, kiimaq maiq aphan bom thun, mangjong hiq na siti tlotli ma tsütsa ka akha tiiwanto: “Namshiq tarü ma khu asang mirlaq!

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.

DANIEL 5:19

Apaiq ka pinthum jonghea kha maq, mangjong hiq wa maiq mung thun, maiqphan thun, kiimaq maiq aphan aphan bomti thun tarü ka apaiq ma ahai rakrak kiimaq pinthum phiipkhiq siisaq sito. Apaiq raq juwa atseabaiq tiima tlaq, kriiti ka tsatbaiqto; kiimaq apaiq raq juwa atra tiisi lungwii tlaq, kriiti ka atra tiisi wanto. Apaiq raq juwa ashreng rotlaq, kriitika shreng wanto. Kiimaq apaiq raq ümriiti wa ashummii chang nguta tiima tlaq, kriiti ka shummii wanto.

DANIEL 5:26

Kra liichum ka ara: MENE, Shiikeawe raq ümmungtan rahiq ka weaje she. Raüta tiithum baiqto she;

DANIEL 5:31

Kiimaq Medi mungti hokhamwe Derias, apaiq ka kra akhing na arawii wiiroqtrok ri wiinai she kriiraq hokham ngachang ka jiiwanto, raüta mung ka lang wanto.