JEREMIA 51:41 - ASII LAKDAP Bible (BSI)

⁴¹ Tatiwe raq Bebilon mung miitu akha ngutlo: “Mangjong maiqse kunli raq shomra wantaq chela irka ümchaü re raq jiiwanto she! Bebilon chela thentaq kriika maiq mung thun maklii na phiiptsi jiiptsi she jakito!

Hawa Naga Bible 2001

⁴¹ Yehowa rueq Babelon nuex seng vtueq jungx tueq: “Wvmungx kawx rueq tvtsvmc kvmc yaq ghaqyungx kuex vhttak gay mrvhumc kueq! Babelon kuex miqphvnx htenc htumc nuex vkawc yawc juing muex yaungx wvnc vtuex!

JEREMIA 51:41 Referencias Cruzadas

2 KAÜWA WERAÜ 7:21

“Ara Shomjam kaü arka ümchaü maiqse raq pinthum shrengtlo. Shatmaq kra akhing na maiq loweatek arlam lea wanti ka kai awang mirwan. Raüta bom ka akha miwai, ‘Riita Tatiwe raq atin khan lang langtiq armung arka jam nguto tiithen baiqta? Kiimaq ara Shomjam armin jam nguto tiithen baiqta?’

ISAIA 13:19

Bebilon mung ka maiqmungtan thun wiita thaq tsomhea pinthum; arka tsang mungti tiitsakisea chang khushü. Shatmaq Ngi Tatiwe raq Sodom nai Gommora tiithenbaiqkang kiikha Bebilon mung ka mitiithen baiqha!

ISAIA 14:4

Ümtiikiiwa apaiq raq arshe klojiiq, raüla tsangshiq raq Bebilon hokhamwe ka akhiishe mislailii wan: “Abi pinthum hokhamwe ka deawato she! Apaiq raq maiq ka ji maq nishishi jumin jamsha wan lot mak she miraq!

JEREMIA 49:25

Chela ajong pinthum chojong chise maq siti irka ümchaü ka hiqmiq changkhü miishe jakito. Maiq min ahü siirai she.

JEREMIA 50:23

Bebilon mungti raq mangjong tlot li ka sintu maq abuk ikha wiita tiibun baiqto. Aphan aphu tonglong li she. Shatmaq ümchaü sanha, kra sintu po kaü kriika wiita she bunkito! Mangjong hiqraikhü na siti mangjong maiqse kunli raq Bebilon mungti then wan kra chhi raüta akii anyiili she sitlo.

JEREMIA 50:46

Ümtiikiiwa Bebilon ka thamwan jiiq, apaiq tham wan trang ka ramok wa ikha mangjong tlotli na hamli hiq ka atiikhai miraq. Kiimaq mung maiqse kiinyii hotrang ka mangjong tlotli raq mitai.”

JEREMIA 51:37

Kra mung ka hiqmiq changkhü miishe mijaki. Kiijaq rumngam phongli she misi wan. Kriika aliilot chang riimak miraq. Maklii jai na tiijang phat miraq. Kiijaq maiq ka simak she. Kiimaq kra mung ka chhiti maiqse kunli ka phiipraq mitsai.

EJEKIEL 27:35

“Khamjongkii binjü na siti maiqse angu wiita, ümmiisaq then wan kra chhi raüta kiinyiitlo. Tsang hokhambi min phiip raq tsai wanto. Tsang theaphi na ahai asong tiichhishat.

DANIEL 2:38

Apaiq raq ümniika ara mangjonghiq raikhü na maiqse sitlaq kra pengti, kiimaq rumnyamse, kiimaq peshap wushi wiita kra pengti ma shongto. Kra chaq maq alo khupo ka ümnaq riilaü.

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.

DANIEL 4:30

Kiitiikaq apaiq raq akha nguto, “Liilaq! Bebilon mung ka ümtinkhan jongwa! Ngi raq ara Bebilon mung nyungchong ma tei wan kang. Lata iningkun jong nai iphen rung jong hongla kra tiichhikuq tiikang. Kiimaq ikhushü jonglu nai imangchong tsa jonglu kra tiichhi tiikang,” nguta tiishom ra siqto.

TRI CHONGKE 28:37

Tatiwe raq ümniika ümra mung niiwa nyin shin baiq tlaq, kra mungti raq üm tsütsa ka tai raüta pinthum akiinyii miraq. Tsangshiq raq ümniika naikü sherü raütli mishum miisiq.