JEREMIA 51:16 - ASII LAKDAP Bible (BSI)

¹⁶ Apaiq aming tai raüta ra khu thaq wa kham thun ka blun wanto; apaiq raq phum thun ka hiq tiisup thun wa tsuq wantlo. Apaiq raq rajun mong na rachhai ralüp tiidongtlo, kiimaq rahai ka atsamtiip wa tiidongtlo.

Hawa Naga Bible 2001

¹⁶ Vpiq rueq nvr bomc ningkhvnc nuex raungx htauk wawc yuix htenc thuirx tvruingx wvnc vtueq; ghaq tvsuip wawc phuemx htenc kuex tvkhuiuq gay tueq. Vpiq rueq raungyunc mungx nuex raungx tvlep ruiux vpiq tumz wawc raungguil kuex tvkaz tueq.

JEREMIA 51:16 Referencias Cruzadas

RAPHA HIQWA LAK 8:1

Shiikeawe raq Nowaq nai apaiq rai lai mong na nyamse thun sitlaq kra laqbaiq mak riito. Kiimaq apaiq raq ra tiihaito. Kiimaq jü ka riiwan wan she riiwanto.

YOBA 37:13

Shiikeawe raq mangjong hiq na ra tiijuntlo; apaiq raq tsangshiq ma sintsang tiiho ikha min riito, riimakla tsangshiq ma apaiq rorii tiichhike miitu.

YOBA 38:22

Ngi raq tsakhiiq tum phong nai rathaiq tsakhiiq tum phong tolata thü tiikang khok thun kra chhiwa laü shea?

YOBA 40:9

Ümningkun jong ka iningkun jong khan shea? Ümbom chong ka ibom chong ramok wa trang ikha mibom lot haü shea?

Tvtsvmc 104:7

Ümtiikiiwa ümniiraq kham ka sonkaüla, khamchum ka jutlo; tsangshiq raq ümnaq amingke trang tai raüta atam alam blak biicha küwantlo.

Tvtsvmc 135:7

Apaiq raq rathaiq phumda hiqsup rasup wa tsuq wantlo; raüta rachhai tiidong raüta rathaiq tiidongtlo, kiimaq apaiq raq atumtiip mong wa rahai tiidongtlo.

Tvtsvmc 147:18

Raütiishe apaiq raq aming kuqtlo, raüla tsak-hiiq ka ajam riikitlo; apaiq raq rahai tiisaütlo, raüta kham ka kihotlo.

Tvtsvmc 18:13

Kiijiishe Tatiwe ka maq amokdung dung she phok wanto; kiimaq Ratsan Ramong Nyang na Sitiwe bom kiishe taito.

Tvtsvmc 46:6

Maiq mung thun ka phiip raq tsaitlo, maiq mungtan thun tiikhai wanto; Shiikeawe mok wanto, kiimaq hiq ka sawanto.

Tvtsvmc 68:33

ra na chaotiwe ma, rathup rapha ra na chaotiwe ma shi ronglaq. Apaiq bom ka tai ronglaq tiihong lantea ramok wa ikha gitrang ronglaq.

Tvtsvmc 78:26

Apaiq raq shedong mung wa rahai tiisaüto, kiimaq apaiq ningkun maq shemai nü wa rahai ajong tiisaüto;

DUNGWVNC 10:13

Kiimaq Mosheq raq anyeakii ka ra nü na doto. Kiimaq Tatiwe raq shedong mung nü maq rahai tiisaü wanto. Raüta kra rahai ka kra mung na kra ranaiq minru kiimaq kra rawa minru tiihaito. Anap ranap niishe rahai raq kupchi kong ka tsuq wan raüta kra mung na phongto.

DUNGWVNC 10:19

Kiimaq Tatiwe raq shedong mung nü wa rahai kitlaq kriika henghea shenyap nü mung wa rahai miishe tiija baiqto. Kra rahai raq kupchi longtlaq kra rahai raq pan wan raüta, Suej Khamjong chum nong kiiniishe tsuq baiq wanto. Kiimaq Ejip mung na kupchi ka kaüshi min ahü siirai tsuq baiqto.

DUNGWVNC 14:21

Mosheq raq ajaq ka khamjong chum khuthaq tiithi kiijaq tiinyi raüta shamshat riito. Kiimaq Tatiwe raq khamjong chum wa kham ka rahai shedong nü wa henghea tiisaü raüta tsuq baiqto. Rahai ka rawa minru tingkhit haito. Raüta khamjong chum wa kham ka siimko nai ri na tsuqbaiqto. Raüta ahea wea na lam ikha shinriiqriiq lam ka tan kuqto. Kham ka atiikho riibaiqto.

EJEKIEL 10:5

Cherubim rakong thun phoktrang ka Shomjam keathung mong kiimii min tiitai shat she riito. Kra raphok trang ka Ningkun Ajong Shiikeawe bom raüjaq riinya trang tlaq ikha riito.

AMO LUIK DVP (AMOS) 9:7

Tatiwe raq ngutlo, “O Israilnok lei, ngi raq Sudan mung jamkho lungwii tiikang, kiikhiisii namshiq min lungwii tiikang. Ngi raq namshiq Israilnok ka Ejip mung wa tsuq wan lata, sheawan kang! Kiikhiisii Philistainnok kiimin Kret mung wa shea wan kang. Kiimaq Sirianok ka Kir mung wa sheawan kang.

Jona 1:4

Shatmaq, Tatiwe raq rathaiq henghea khamjong mong na tiisaüto. Raüta rathaiq heng riishe mokkiitu ka khamjong mong na khamtso wa raq kapbaiq namnam, pheram pherak akap atsea pherak wanto.

Jona 4:8

Ranap na rashe dong wan jai miishe, Shiikeawe raq kehea shedong nü rahai haike she tiihai wanto. Kra rakiitsi nai rahai haike haiwantaq kriiraq, Jona ka pitlang pitthea she khiimchaq wanto. Raüta rakiitsi ma Jona raq atsai riikiha jaq khoti ahea riichang nguta atsan mong na tiimato. Krai mren, “Ngi arka atsai lishe riikiha jaq khoti ahea riichang wa?” nguta jaüto.