JEREMIA 48:11 - ASII LAKDAP Bible (BSI)

¹¹ Tatiwe raq nguto, “Mob ka pattup khusang maq sito. Kiimaq jangshi ra min pongmung na munglu shumwi ma tsuq wan mak. Mob mung ka che pükhaü na ato ikha. Jurmin tiimeshi mak dongdii. Piikhaü ashi wa ashi na jangshi min tiidong mak dongdii. Kriikha na asum ka ümtiikiimin tiibi mak dea. Anyang ma sumhea.

Hawa Naga Bible 2001

¹¹ Yehowa rueq, Moba kuex mkaq muinz kuiyqshuik httax lvp vtueq mkaq muinz mungx ganc nuex thuq lvy rvhumc muq doc. Moba mungx kuex baungshiz nuex vhvlx waq vtvhtuing htawc taq svpiq tix ikhoc yaungx vtueq, tsongbumx vshiz maq vshiz nuex mkaq muinz tvyenc htawc rac muq. Kvruex sumc vkvmc kuex mkaq muinz moz kaz bac kaz muq hvlc hvlc dvyx httax yaq.

JEREMIA 48:11 Referencias Cruzadas

Tvtsvmc 123:4

Naishiq ka rahiq luheashe chiithe maiqse thoda maq phongtsok haihü wanto she, kiimaq shiikong miilong maiqse raq naishiq ka ji maq nishishi haihii wanto.

Tvtsvmc 55:19

Shiikeawe ka rathupse miiphü mung pengtiwe, apaiq raq ibom ka mitai raüta tsangshiq ka mitang; jamkhano ngukla tsangshiq raq tsantsii klai mak akiq khiitlo, kiimaq tsangshiq ka apaiq ma haimak.

TAKSU LAK 1:32

Taksu tsii ritmak, tamtang maiqse ka tsailam mirhum. Jamkhano ngukla tsangshiq raq, nyan phaqchi shipoqto. Angi nolakong ka athen mirki, tsangshiq tsii ahü kha maq.

ISAIA 16:6

Juda mungti raq akha ngutlo, “Naishiq raq Mob mungti ka kai kumrong kumraq hea nguta tsütsa taiwan kai. Naishiq raq asaphai tsangshiq ka shiikonghea pinthum. Kiimaq khünganok. Shatmaq tsangshiqnok tiitsakirai tlaq kriika shaqmii, banbok miili.”

ISAIA 24:3

Hiq ka wiita bunlak buncha mitiithenbaiq. Raüta miqchup mitiithenbaiq. Tatiwe raq ngutlo. Arka mihong wan dongdii.

ISAIA 25:6

Arjaq Jajon Pum na Tati Ajong Pinthumwe raq mangjong wa maiq mung thun tlotli ma phaqsea poi jonghea miklo. Kra phaqsea poi ka pinthum asum akam phaqsea. Kiimaq che min sumhea pinthum.

JEREMIA 22:21

Namshiq arong awin silanji na Tatiwe raq namshiq ma chongkuqto, shatmaq namshiq raq taiman tlea lan. Namrilung wiili kriili klowan lan ihata; namshiq raq Tatiwe bom taiman tlea lan.

JEREMIA 48:12

“Arningkhan na, ümchaü sanha, Ngi raq maiq tiikilata Mob mung ka che ham liitak kiiwa khu raüta hamlii takshi na khubaiq tlaq ikha, mitiikhu baiqha. Tsangshiq ka kiraüta che hamlii tak thun kra araü she mirbaiq. Raüta hamlii tak thun kriimin wiitashe mitiibun bukbaiq.

JEREMIA 48:29

Mob ka kai shiikongtlo! Ngi raq tsangshiqnok ka pinthum shiikonghea, khüngahea, kiimaq tiishomrahea pinthum nguta taikang. Tsangshiq raq maiqmii jonglu tiitsaki kli saptlo.

JEREMIA 51:34

Bebilon hokhamwe raq Jerusalem ka tiibunbaiqto, raüta wiita phaq baiqto. Apaiq raq chela ka hamlii tsabum wa hupsam tiidongbaiqtlaq ikha tiidongbaiqto; ngorokaü raq ikha apaiq raq jokbaiqto, Apaiq raq aroro tiithumpak runto, kiimaq kriiwa chantlaq ka wiita wanbaiqto.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

NAHUM 2:2

(Jamkhiiwa ngukla, Tatiwe raq Israil khushü ka, man na re raq mitiibun shaq pat wa, khushü ka mitiijong kuq nong.)

JEPHANIA 1:12

“Kra akhing na, ngi raq lemtem sham lata, Jerusalem mirit kiha. Ngi raq ongkangshe nguta siwantibi, kiimaq kamto maq sitibi ma mo mitiihoha. Tsangshiq raq maiqmii nai maiqmii akha tiingotlo, ‘Tatiwe riika ahea min ngumak abi min ngumak tiina.’

JEKERIA 1:15

Kiimaq ngi ka maiq mung thun polokhiq sitlaqti miitu, itsankhiq maimai riimak sitlo. Jamkhano ngukla, ngi raq isenginok ma itsankhiq ka ashkhing lata ninwan kangla, tsangshiq raq isenginok ka pinthum tiichamchao wantlo.