JEREMIA 48:10 - ASII LAKDAP Bible (BSI)

¹⁰ (Juwe riiwa Tatiwe jaqsham ka tsantsii kuq raüta shammak kriiwe ma man sonlaq! Juwe riiwa maiq ka kholam kholiiq raüta sebaiq mak kriiwe ma man sonlaq!)

Hawa Naga Bible 2001

¹⁰ (Yehowa yauk shuimc kuex thuinz vmungx lotlaz maq shuimx muq waz mvnhttonc mrvhumc kueq! Yaung maq miq thvt khvmc muq waz kuex mvnhttonc mrvhumc kueq!)

JEREMIA 48:10 Referencias Cruzadas

1 HOKHVMX 20:39

Krai mren, hokhamwe ka kra lam maq alea wan chhito. Kiijiishe shammiwe raq apaiq ma riimto. Raüta akha nguto, “Chaü lei, ngi ka rekhat rea akhing na, phenla weshi raq rewa shumwi weshi lap raüta ngi phana shea wanto. Raüta, ngi nangnga, ‘Arwe ara samhea kheshat riiliijo; Apaiq kla tiiju haüla, apaiq miisaq rii ka ümmiisaq mikuq haü; riimakla ümniiraq kampho ngam hingtsam maq midok haü’ nguta chong thüto.

1 HOKHVMX 20:40

Shatmaq ngi ka laihin jaqsham na mochiirai shon kra shumwiwe ka juhoto.” Kiijiishe hokhamwe raq treto, “Ümniiraq ümkhupo na mat kha ka tanlaü she kata. Krai mren ümniiraq kra mat kha ka dokchang dongdii she kata.”

1 HOKHVMX 20:42

Kiijiishe shammiwe raq hokhamwe ma nguto, “Arka Tatiwe bomtsi: ‘Ngi raq atseabaiq chang nguta aming akuqha we kra ümniiraq tiijubaiq laü. Kriikha na ümchaü sanha apaiq rii na üm miisaq kriishe mikuq haü. Kiimaq ümsengi phen phung ka apaiq phen phung tiijubaiq lan kriikha na wiita she mijiipbaiq wan.’”

2 HOKHVMX 13:19

Kra ningkhan Elisha ka akhiq riito. Kiimaq apaiq raq hokhamwe ma nguto, “Ümniiraq jangbiingi riimakla jangtrok hiiphaü chang wa. Kra nguhaü ka ümniiraq Sirianok ka tiithumpak tanghaü changwa. Shatmaq ümchaü ka ümniiraq tsangshiq ka laktsam li mitang haü.”

JEREMIA 11:3

Ngi Tatiwe Israilnok Shiikeawe raq ara ngi tongshong tri raütu khakuq tiikang ara jinti loweatek ma manson mini nguta chongkuqlaq.

JEREMIA 47:6

Namshiq hoq trangtlan, ‘Tatiwe nepja! Ümtincho na saüli wa maiq ka mijiipbaiq haü? Ümhiqmong niishe jap wa nongkiq, laüta kiijaq silaq kiimaq ümnii tiitsak ngalaq!’

JEREMIA 47:7

Shatmaq apaiq nii ka jamkho mitiitsak, Ngi raq apaiq ma jaqsham asi kuqkang? Ngi raq apaiq ma Ashkelon chela ka khat laq nguta aming kuqkang, kiimaq khamjong chum kii na siti maiq hiq thun ka khat laq nguta aming kuqkang.”

JEREMIA 50:25

Ngi raq rekhat chang ko aliq ja apiq ümchuwa thükang kra hiqshong kilü ka linkang she. Itsankhiq tsi ma kra thun tiidong lamkang she. Jamkhano ngukla, Ngi, Tati Rakaü Hiqwe Ningkun Ajongwe raq Bebilon mung na jaqsham chang asi.

JEREMIA 50:27

Tsangshiq phenlabi thun ka tiisiirai jiipbaiq ronglaq! Hihut jiipbaiq ronglaq! Bebilon mungti ka miqto she! Tsangshiq ma mo tiiho ranaiq ka saüto she!”

JOSHUA 10:19

Shatmaq, namshiq ka kiijaq naqkhing rongkiq. Namshiq ka rekong jai ka joruq jo ronglaq. Tsangshiq ka tsangshiq chela thun kiina naq tiisaü rongkiq! Tatiwe namshiq Shiikeawe raq tsangshiq ka namshiq ma tiitangkuqto she.”

PHOWEBI 5:23

“Meroj chelati khuthaq na manson laq,” nguta Tatiwe rase raq ngutlo, “Sonlaq, manson laq! Meroj chela na siti ma. Tsangshiq ka Tatiwe khrumkai kimak riito, phenlabi ma jaraüta apaiq miitu, rekhat kai kimak dea riito.”

1 SAMUEL 15:3

Kilaq laüta Amalakaiqnok ka khatkikiq. Laüta tsangshiq hupsam thun ka wiita hiq maq hutse miqchup shiithen baiqkikiq. Jamlai phan min naq tiichongkiq. Maiqwere, jechakre, nosere, kiimaq noshiisetiim thun kiimin, thumthum jiipbaiqkikiq. Kiimaq jam nyamse minsaü chhechhi, skusekong, kumtsong kong thun, kiimaq kumtoq kong thun wiita laimiq jiipbaiq kikiq.”

1 SAMUEL 15:9

Shatmaq Saul nai asengi raq Agag ka tsatbaiq mak dea maq atrali thüto. Kiimahali ahea pinthum skukong kiimaq minsaü kong kiimaq minsaü setiim ahea pinthum thun kiimaq ahea pinthum skusetiim thun kiimaq jamlai phan wa ahea awa angu thun kriika tsatbaiq mak dea riito; tsangshiq riika ümchuwa athii arii ahü phan thun kriika wiita tiithen baiqto.