JEREMIA 40:11 - ASII LAKDAP Bible (BSI)

¹¹ Kiimahali kra liipan bala siili, Israilnok Mob mung na, Ammon mung na, Edom mung na, kiimaq maiq mung ahin pahea na apin jin rai thun tlotli raq, Bebilon mung hokhamwe raq Israilnok aso atiichongki mungmaiqse thun ka, Juda mung na tiisi nongtlo nguta tsütsa ka taito. Kiimaq apaiq raq Gadalia ka tsangshiq thaq na wanghuptiwe ma shongto nguta tsütsa ka taito.

Hawa Naga Bible 2001

¹¹ Kvruex baunglaung, Babelon hokhvmx waz rueq Israel miqsaz wvyvmc kuex Yuda mungx nuex tvhttax ruiux, Gedalia kuex mungx walaungx tvyaungc tueq lvmz Moba mungx, Ammon mungx, Edom mungx nuiyc vganc mungx htenc nuex httaz jix Israel miqsaz lotlaz rueq tay wuez tueq.

JEREMIA 40:11 Referencias Cruzadas

RAPHA HIQWA LAK 36:8

Kra ningkhan Esau ka ku-akin tong long Edom mung niishe shonghoto.

ISAIA 11:14

Tsangnai wiita adam na pong raüta shenyap mung nü wa Philistain mung kra mikhat. Kiimaq shedong mung na sitinok kra khat raüta tsiiq nai nyam ka mirut wan. Tsangshiq raq Edom mungti nai Mob mungti kra mikhat. Raüta mitang. Kiimaq Ammon mungti ka tsangshiq puk na minyap wan.

ISAIA 16:4

Naishiq ka nam mung na siphai. Naishiq tsea baiq tankhantinok jaq wa naishiq ara tiikhup wongkuq ronglaq.” (Mungmaiqse tiichamchao nai mung shiithen wan kiimung ka athum mirki. Kiimaq naimung tiithen baiqti kiimin awashe mirwan.

JEREMIA 24:9

Ngi raq tsangshiq khuthaq na pinthum achonglot mai, chamchao sangrai mitiisaüha. Kra tsangshiq thenjen wan kra chhi raüta pongmungti thun pahea ka phiip raq mitsai. Maiqse raq tsangshiq ka pinthum aslailii she mirwan. Kiimaq tsangshiq ka slailii raüta naikü sherüli she miraq. Raüta, shummii shaqshaq mirwan. Kiimaq tsangshiqnok mang kra chong raüta, Ngi raq tsangshiq ka maiq mung ümtin niiwa tiipin baiq kang kiijaq maiq manson tiihap chang bomtsi miishe mitiija wan.

JEREMIA 41:10

Kra lot raütiishe apaiq raq hokham setiim jechaksere nai kiijaq Mijpa chela na siti mungmaiqse ajong phentuwe Nebujaradan raq Gedalia wokhong na atiisithü thun kra munglu shumwi ma lap wan raüta tsuq wanto. Raüta apaiq raq shumwikong ka shea wan raüta Ammon mung na walam nü kiiniishe wawanto.

JEREMIA 43:5

Krai mren she, Johanan nai phenlabi ajong alabi tlotli raq Juda mung na mungmaiqse ümchuwa abung akhii tiichongtaq kra Ejip mung na tsuqhoto. Tsangshiq rai Juda mungti pong mung pahea na atiinyin rai wa Juda mung na ajang wanti thun kriimin wiita Ejip mung na tsuqhoto.

JEREMIA 43:6

Maiqwere thun, jechakre thun, nosere thun, kiimaq hokhamwese jechaksere thun wiita tsuqhoto. Tsangshiq raq phentu ajongwe Nebujaradan raq Gedalia wokhong na mungmaiqse ümchuwa tiisithütaq kra kunkun, Barukh nai ngi miitaq nong nong wiita tsuqho raüta Ejip mung na laü hoto.

EJEKIEL 25:12

Tati Rakaü Hiqwe raq nguto, “Edom mungti raq Juda mungti khuthaq na phuk henghea lamto. Kra phuk lamtaq kha na Edom mungti ka pattup miitu ashut.

EJEKIEL 25:2

“Maiqse lei, Ammon mungti ka tiinamtok tamlaq.

EJEKIEL 25:6

“Tati Rakaü Hiqwe raq akha ngutlo: Ümniika ümjaq phi ka phok laüta adoqhaha chojong chise chochisiq laü. Ümniiraq Israil mung ka thophi riiqphi saisi laü.

EJEKIEL 25:8

Tati Rakaü Hiqwe raq nguto, “Mob raq Juda mung kiimin nanok mung ahinti ikhiisiili nguta nguto. Kriikha na,

EJEKIEL 34:6

Kra ningkhan i skusekong ka ku akin thun na kiimaq pum thun na wiita momiikito. Tsangshiq ka mangjong tlotli na wiita tiipin baiqto. Kiimaq tsangshiq ritkot kaiti maiq ka jumin ahü. Kiimaq jurmin tsangshiq riichom ritkaiti ka ahü.

EJEKIEL 35:15

Kriika itachong isengi Israilnok thenkai chhi laüta, ümniika ümtin khan wa chochi laü, kra niq riri siihali, mangjong maiqse kiimin ümnaq thenkai kra chhi raüta michochi. Tengteng, Seir wang wa pum thun kra kiimaq Edom mung ka tlotli hiqmiq changkhü miishe mitiijabaiq. Kiijiishetiq, maiq wiitarü raq, Ngi ardea Tatiwe nguta misap.”

EJEKIEL 35:5

“Ümniika Israil ma miitut wantlii wesang. Kiimaq asenginok ka apaiq then wan ranaiq akhing na, apaiq ngarai khapho atiithum ranaiq na re ma tiijiipbaiq laü.

EJEKIEL 5:12

Ümsengi mantsam wa, manshi rii ka chela mong na thadong raüta nai ramdong raüta mijiim. Kiimahali mantsam kiiwa manshi ka re raq chela kinphai na mijiipbaiq. Kiimaq mantsam kiiwa atiithum manshi rii kriika, Ngi raq rahai ma mitiipanbaiqha. Kiimaq tsangshiq ka re ma tiijo lata mitiijiip baiqha.

EJEKIEL 5:3

Khubin phanshi ra ka atiichong riilaq. Laüta ümkheani thun kiijaq shat laüta thülaq.

WEAWEA 22:1

Israilnok ka laü wanto. Raüta tsangshiq lamjap piitiip ka Mob mung hiq thung tan na, Jordan rai maq shedong nü na kiimaq Jeriko chela maq khariire na teito.

WEAWEA 25:1

Ümtiikiiwa Israilnok ka Akasia tan na piitiip hai raüta sitaq, maiqwere ka kiijaq siti Mob mungti sheare rai haingahoto.

WEAWEA 25:2

Ara jechak nyungre raq tsangshiq ka tsangshiqnok raq Mob phra shomnoq poi ma ataa ngam kra phaqsea dam miitu tiiheato. Israilnok raq kra thatsang poi phaqsea kra lomdamto kiimaq Peor hiq wa Baal phra ka shomnoqto.

1 SAMUEL 11:1

Arjai maq jipi lüshitin sijai na, Ammon mungti Hokhamwe Nahash raq asengi sreabi shea raüta Gilead wang wa Jabesh chela kra akhat ma trotam maq komto. Kriikha niishe Jabesh chelati Nahash ma nguto, “Naishiq ka ümtongshong maq tiihamlaq. Laüta ümniika naitijongwe ma jalaq. Laüta naishiq ka penglaq.”

1 SAMUEL 12:12

Shatmaq namshiq raq Ammonnok hokhamwe Nahash raq namshiq khatwa kra chhi lanta, namshiq raq Tatiwe ka, namshiq hokham riimak nguta shipoq lan. Lanta ngi nangnga, ‘Naishiq rümti hokham weshi shongke ratlo,’ nguta ngulan.