JEREMIA 40:10 - ASII LAKDAP Bible (BSI)

¹⁰ Ngi ka Mijpa chela na misiha. Lata Bebilon mungti ka ajaq ki raüla, ngi ka namshiq khuthaq na kiimwe ma mijaha. Lanta petsi wiq tsam kra mirchomhan kiimaq spiqtai, petsi, olip tai thun kra tsamtiip na mithü han. Kiimaq hiqshong thun kiijaq namshiq raq aroro na shong nga lanta sironglaq.”

Hawa Naga Bible 2001

¹⁰ Ngvy pumz kuex vruex Mizpa ghaq vyuq httax vtueq Babelon miqsaz httuiuc kaz ruiux yuq nuimshiq kamx waz muex yaungx taungx. Yuq muinz nuimshiq rueq svpiq tix, pulx thuey nuiyc olip puiz htenc kuex tvjomx vtueq yoalc tvy mvy yaq, nuimshiq rueq guimz vshuinx ghaq htenc kvyuq nuimshiq httax lvp tuinx,” ngoz tueq jungx tueq.

JEREMIA 40:10 Referencias Cruzadas

2 SAMUEL 16:1

Dawit ka kra kinkhu maq ashaqpuq she wato angu na, lam na tiidongchhaq miili Jiba rai riihumto. Jiba ka Mephibosheth jaqshise. Apaiq ka kumtoq kaütiim kiima, winsiithop ka thopshinai, kiimaq phupmuptsi shin winsii thop ka thop shishi, kiimaq petsi pannye tu ka shishi, kiimaq ngamkhü tsabum kaü na che ka tsabum shi tup thiiho raüta kito.

1 HOKHVMX 10:8

Ümchaktiim ka kai kopan jonghea nyungre! Kiimaq ümjaqshisetiim kong wranaiqtek ümnaq shiiliti ka kopan jonghea kong siisaq. Tsangshiq raq ümnyan phaqchi chongkuq tlaü kra taisiqtlo!

TAKSU LAK 22:29

Ümniiraq howe minwe chhitlaü shea? Apaiq ka hokhamwe rai nga raüta jaq misham. Manghü rahüti rai ka simak.

TAKSU LAK 27:25

Sangphii shin aphong ka chumlaq, laüta kinsiim wak ram wa sangphii ka hanlaq, rawii miitu sang nye cham wan tlaq liipan na nyamse dung ma.

ISAIA 16:9

Ümchaü Ngi ka Sibna chela wa spiqtai miitu hoqsiq tiikang, Jajer chela spiqtai miitu hoqsiq tiikang. Imakphai ka Heshbon chelati nai Eleale chelati miitu trok tiikang. Jamkhano ngukla ümchaü tsangshiq raq tsamjut kai chang wak ahü she. Kra ningkhan mungmaiqse chochi chang jammin ahü she.

JEREMIA 35:19

Arningkhan, Ngi, Tati Ningkun Ajongwe, Israilnok Shiikeawe raq, ara kiqkham raüpot khakuq tiikang, Rechap se Jonadab raq Ngi shiikumpan wan miitu, alai maiqwe se ka pattup pat-sa hum wan ruq miraq.”

JEREMIA 39:10

Apaiq raq miitsan miijan pinthumti thun ka Juda mung niili tiichongbaiq thüto. Tsangshiq thun ka wak hü jamhüti kong siisaq riito. Kiimaq apaiq raq tsangshiq ma spiqtsiro thun nai wak ram thun kra likuq thüto.

JEREMIA 40:12

Krai mren, tsangshiq raq maiqmii sichang pong mung hiq shong thun na arnyin rai kiiwa tiido rang laü wanto. Raüta Juda mung niishe jang wanto. Tsangshiq ka Mijpa chela na Gedalia rai riihumwato. Kiimaq tsangshiq raq che kiimaq petsi wiqtsam pahea rongboq riichom romto.

JEREMIA 40:6

Ngi ka Gedalia rai Mijpa chela na sikai dam kihokang. Lata nokmaiqse armung na aso atiichong thüti kriiti rai sidam kang.

JEREMIA 43:5

Krai mren she, Johanan nai phenlabi ajong alabi tlotli raq Juda mung na mungmaiqse ümchuwa abung akhii tiichongtaq kra Ejip mung na tsuqhoto. Tsangshiq rai Juda mungti pong mung pahea na atiinyin rai wa Juda mung na ajang wanti thun kriimin wiita Ejip mung na tsuqhoto.

JEREMIA 48:32

Ngi ka Sibma chelati miitu ka Jajer chelati miitu thaq na apa mihoqha. Sibma chelati lei, namshiq ka spiq tsung, akü ako thun ka luhea na saüli Amaa khamjong chum kra tlea phok phok raüta, Jajer chela na saüli jongtlaq ikha sitlan. Shatmaq ümchaü ka ümtsi raju ji na tsitlaü kra nai spiqtsi thun ka tiithen baiqto she.

Mikha 7:1

Miqkang she! ahü miqkang she! Ngi ka ram raq ahaü apit wan, Petsiro na petsi ritkikang min ahüshe, Spiqtsiro niimin atsi ahü she. Waitsi asumwiq tsihea thun nai, phupmuptsi hea hea thun, rangran kang ka apansea wishe.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

TRI CHONGKE 1:38

Shatmaq ümnaq khrumti Nun se Joshua tsaiji kriili tiijong thüda kuqlaq. Apaiq raq Israilnok ka sheawan raüta kra mung ka mijii wan.’

TRI CHONGKE 16:13

“Ümniiraq bunwong ka buklot jai na kiimaq spiqtsi thun kra wiita tiikit lot jai na, Jolitiip Na Jap Poi ka ramiishi lang ronglaq.