JEREMIA 4:4 - ASII LAKDAP Bible (BSI)

⁴ Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

Hawa Naga Bible 2001

⁴ Nuimshiq Yehowa ngoz vshuinx ngaz rulc nuimshiq rueq vtaq bomkhvrc kuex phvnx shuinz, Yuda miqsaz nuiyc Yerusalem jix lex, nuimshiq shauk pumz kuex ngaz muex lekuq kuit. Kvkhoc rvmuit ngoz ruiux kuex nuimshiq rueq vbac shuimx wvnc tuit ningkhvnc nuex ngvy thuinkhvy kuex wvr ikhoc luic tuex. Kvruex tvthuik gay jix vshiz muinz httax tuex rvmuq,” ngoz tueq.

JEREMIA 4:4 Referencias Cruzadas

2 KAÜWA WERAÜ 34:25

Tsangshiq ngi ka shipoq baiqto. Raüta tsangshiq raq laihin sumla phra kong miishe honglu thun ka takuqtlo. Kra ningkhan na tsangshiq ümchuwa jaqsham wantaq kra lümaq itsankhiq walü she tiishaü chaq baiqto. Itsankhiq walü ka Jerusalem khuthaq na nyaitlo. Kiimaq kra walü ka matki mak she miraq.

ISAIA 10:17

Shiikeawe, Israilnok ma rawüli kriika wa miishe mijaki. Israilnok asii Shiikeawe ka walütu kaü miishe mijaki. Raüta ranaiqshi liipan niili wiita tiihihut, kiida shukrü thun nai chokmun rü thun kriimin wiita hihut mikhiimbaiq.

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

ISAIA 51:17

Jerusalem lei, samtlo laq! Maiqmii tiidolaq laüta chaplaq! Ümniiraq moho chekhap ka baknyang laüshe kata! kriika Tatiwe raq atsankhiqtsi ma nyanglaq nguta akuq kata; ümniiraq baknyang laü, kriiraq tropkhop tlaü.

JEREMIA 15:14

Ngi raq tsangshiq ka tsangshiq raq jam min sap mak mung na, tsang jaqtinok shiililii jaq mitiishamha. Jamkhano ngukla itsankhiq ka walü wa ikha nyaitlo. Arka pattup pat-sa nyairuqli miraq.”

JEREMIA 21:5

Ngi raq iningkun wiita shoq lata, itsankhiq kriimaq, kiimaq itsankhiq moktlaq kriimaq, kiimaq itsankhiq sru waniitu nyaitlaq kriimaq ümniika mikhat-ha.

JEREMIA 23:19

Apaiq tsankhiq ka rathaiq; rathaiq thaiqbiti wa tlaq kra abi kloti khuthaq na mithaiq wan.

JEREMIA 36:7

Jursap tsangshiq raq Tatiwe jaq wa achulo jaü jiiq riila. Raüta tsangshiq ka abi kiimung lam phantlaq kriiwa aklai lo riiwan jiiq riila. Jamkhano ngukla Tatiwe raq arnok ka mishthenbaiqha she nguta atsankhiq henghea amok dungdung miishe tiiphiiptlo.”

JEREMIA 44:22

Ümchaü ranaiq na saüli, nam mung ka hiqmiq changkhü miishe jakito. Maiq ka kiijaq jumin simak she. Nammung ka maiqphiip maiqjiip changli she sitlo. Nam hiqshong namrahai mang kra chong raüta maiqse raq manson shiiton ke bomtsi miili she tiijatlo. Jamkhano ngukla Tatiwe raq namshiq raq abi kiimung tlan homa thun ka ninlot mak she riito.

JEREMIA 9:25

Tatiwe raq ngutlo, “Ngi raq Ejip mungti, Juda mungti, Edom mungti, Ammon mungti, Mob mungti kiimaq rumnyangkhi kumtsaiphii binjü na siti maiq thun ma mo tiiho miitu akhing ka saüwantlo she. Tsangshiq raq tsangshiq khu ka atoqse maq tap sito. Armung thun arka atho hanje siisaq. Shatmaq tsangshiq raq athohan tongshong liichum ka sapmak. Arthun mungti raq kiimaq Israilnok raq ngi raq akuqha itongshong tri ka langmak riito.”

AJONJÜ 4:11

Tatiwe raq apaiq tsankhiq walü ka, pinthum hengbi tiikhiim chaqto. Apaiq raq Jajon chela ka, wakchaq wa khan maq chaqbaiqto.

EJEKIEL 16:38

Ngi raq ümniika sethoq ja kha na nai maiq tsatbaiq laü mat kha na mitiishutbaiqha, kiimaq itsankhiq walüwa ikha hengtlaq kriimaq ümkha ka pholata ümniika mitsatbaiqha.

EJEKIEL 18:31

Namshiq raq ümchuwa abi klo wan lan thun kra wiita thaqbaiq ronglaq. Lanta namshiq maiqmii miitu khutsai anye kiimaq tsantsii anye she lap ronglaq. Namshiq Israilnok ka jam nguta tsairo wa?

EJEKIEL 20:33

“Tengteng. Ngi, Tati Rakaü Hiqwe atra Shiikeawe raq, namshiq ma honlam bom chongtiikang, Ngi raq itsankhiq walü nyai hengtlaq kriimaq namshiq ka ijaq khon mong na iningkun wiita maq mipeng wanha.

EJEKIEL 21:17

Ngi riimin ijaqphi ka miphokha. Kiimaq itsankhiq walü kiimin tiishili she mitsaq. Arka Ngi, Tatiwe raq toqtan tiikang.”

EJEKIEL 24:13

Jerusalem lei, ümsethoq jasha raq ümkhum ka tiishe shibaiqto. Ngi raq ümkhum ka tiisii hetseke shiikut kang. Li jiimin ümniika asheli riishat shat. Ümkhum na itsankhiq walü nyai heng kra ümniiraq kunli misap haü shaq wiiwii, ümniika ashe li she misihaü.

EJEKIEL 24:8

Ngi raq maiq tiijai ka kiijiili thübaiq kang. Kriika apaü ashan chang min ahü. Kra tiijai raüta kriika tsan akhiq maq phuklam chang she.”

EJEKIEL 44:7

Tsangshiq raq pong mungti atho hanhütibi kiimaq Ngi aming lang makti maiq phan ka, Shomjam na Ngi ma nyamse honglu na ataakuq ngampü nai ngam tiijai kuqtlaq akhing na Shomjam mong na tiiwa damtlo. Raüta wiita tiishe baiqto. Raüta isenginok raq Ngi raq tongshong raütu akhakuqha kra akha maiqphai asi jaqsham raüta tri raütu ka jin wanto.

EJEKIEL 6:12

Luhea na sitibi ka atsi raüta mijiim wan. Kiimaq ajeje na sitibi ka re raq mijiipbaiq wan. Juwa re jaq song tiichongtlaq kriiti ka ram raq mijiim wan. Tsangshiq raq itsankhiq walü heng tlaq kra misap.

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

LEWI 26:28

kiijiishe kla itsankhiq ka henghea she miraq. Kra ningkhan Ngi raq namshiq mo ka kongkhu lak na kra nam ma jang miishi achan henghea she mitiiho nongha.

LEWI 26:41

Tsangshiq raq Ngi ka wesang ralii ma tiija wanto. Kriikha na Ngi raq tsangshiq ka tsang jatinok mung na rewa munglu wanshawe ma tiija baiq wan kang. Atiisup niishe, ümtiikiiwa namsaü namsetiim pat na tsangshiq ka aran miishe jaraüta kiimaq tsangshiq ngarai kha nai tsangshiq raq ikiq khii wantaq kha ka thamkuq lottoshe angu niitiq,

AMO LUIK DVP (AMOS) 5:6

Tati phana waronglaq, lanta atra sironglaq. Riimakla apaiq raq Israil mung ka, wa maq achaq ikha bunlak michaq. Wa na Bethel chela wiita mikhiim, wachhiiketi maiq jumin ahü miraq.

JEPHANIA 2:2

Namshiq ka tsamchhii rahai raq pan wan tlaq ikha; mipan wan shaq na, Tatiwe tsankhiq wanii tu ka, namshiq khuthaq na misaü shaq na; apaiq tsankhiq amokdungdung saüho tlaq kra; namshiq thaq na misaüho shaq na, namtsii sam ronglaq.

Romans 2:25

Namshiq raq Thungtri ka riikhaqli maq lang lanta sitlan jiika, namshiq raq athohan tlan kiimin athii ka asi miraq. Shatmaq, Thungtri ka jin tlan jiila, namshiq raq athohan tlan kiimin, namshiq ka athohan hü maiq ikhli mijaki han.

TRI CHONGKE 10:16

Arningkhan, ümchaü armiiphat sanha, namshiq ka Tatiwe wokhong na phaq chii nichii maq apaiq bom tai lanta shong nga ronglaq. Kiimaq nilan miika naqja rongkiq she.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

TRI CHONGKE 32:22

Itsan khiq walü ka amok dung dung michaqha, lata mangjong hiq wa phanrap wiita wa maq michaq baiqha Kra walü ka wulum mung na misaü, kiimaq pum thun rang chong thun wiita mikhiim.

Colossians 2:11

Jesuq Khristo rai pumshi hanshi she sitlan kra lümaq, namshiq khum na athohan ka hantoshe. Kriika han-ngam athohan thungtri maq ahan wan ka riimak. Shatmaq, Khristo raq namshiq khum na atho hankuqto she. Krai mren namshiq ka maiqmii pumdong han-ngam ngarai ramho kharü mong wa adaa wankun she.