JEREMIA 4:30 - ASII LAKDAP Bible (BSI)

³⁰ Jerusalem lei, ümniika miqlaü she! Jam nguto kheashii miirii maq tiimiikhiiq tlaü? Jam nguto longseng laktum lak tlaü, laüta ümmak na rong maq nyat tlaü? Ümkhum tiitsomrom rattlaü ka atuli! Ümkongtiwetiim raq ümniika miimbaiqto she, kiimaq tsangshiq raq ümniika atseabaiq tantlo.

Hawa Naga Bible 2001

³⁰ Yerusalem lex, mnoz kuex vphoc rvhumc tuiux! Mnoz rueq yvmx ngoz tueq lac vshawx kuex svmx vshuiux? Yvmx ngoz tueq lac lungsex htenc maq kvmarc ruiux mmuik kuex nyvt vshuiux? Mnoz rueq mshauk pumz kuex yvmx muinz vguez nuex kvsvp rax vtuiux! Mnoz rueq lungwawx vshuiux jix rueq mnoz tvdux gay ruiux mnoz kuex thvy gay roc yaq.

JEREMIA 4:30 Referencias Cruzadas

2 HOKHVMX 9:30

Jehu ka Jejreel chela niishe saüto. Jejebel raq jamlai mra wa pintaq thun ka wiita ataiwishe riito. Raüta apaiq ka amakpo na atiimiikhiiq chang kiimaq tiijut jiito. Raüta akhu ka aheawiq thaito. Kiimaq hokham jam rathongti khok na chap raüta kitanpu maq chii heawea lam nü na liishat riito.

TAKSU LAK 6:25

Tsangshiq shamhea chhi laüta, naq rang rankiq, Tsangshiq maklii achhai lüplüp thiikho na, naq thap wakiq.

TAKSU LAK 7:10

Kiimaq kriinyung ka apaiq rai riihumto; Apaiq ka mephe-nyung ikha tiimiito. Kiimaq atsan na phanshira tiijeshat riito.

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

ISAIA 20:6

Kra akhing she saüwa raüla, Philistain mung na sammoktra chum wang na sitibi raq akha mingu, ‘Liironglaq nashiq ka Asiria mung ajong hokhamwe jaqkhon wa mitiikhup wongkuq nguta ranphan wankainok ka jamkho jakita! Nashiq ka jamkhiishewa milun rong i?’”

ISAIA 33:14

Ngaraibuli sitlaq Jajon chelati ka haisitsi ma atiikhairokrok she sitlo. Tsangshiq raq ngutlo, “Shiikeawe raq khapho ka pattup pat-sa walü nyai raitlaq raüta khiimtlaq ikha. Nashiq phong wa maiq weshi ra ka ara wamong wa milun lot rong i shea?”

JEREMIA 13:21

Ümniiraq jamlai she wa mingu haü, ümniiraq kongtibi khla nguta atiima haü nok raq nam mung ka khat raüta, namshiq ka jamsha wan raüjaq? Ümniika maiq nyung nowü chhi tsi ma hoqtlaq ikha mihoq haü.

JEREMIA 22:23

Ümniika maisak toqpum kham mong na bumsiq tlaü, kriika Lebanon pum wa alam wa; shatmaq ümniima chamchao akhing saü raüjaq, ümniika maiq mang ngam chan michamchao haü, maiqnyungre nowüchhi tsi hoqtlaq ikha mirhaü.

JEREMIA 30:14

Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.

JEREMIA 5:31

Shammibi raq arot akiq kriili chongtlo. Ramwebi raq mung ka shammibi aming kra phan phan pengtlo. Kiimaq isenginok raq tsangshiq kiq ka khii wan tsü mak. Shatmaq arthun ara athum riiwantlaq kiijaq tsangshiq raq jamlai she wa miraq?”

AJONJÜ 1:19

“Ngi rai reraüshiti mung thun tiihea kang, shatmaq tsangshiq raq ngi laobaiqto. Ramwebi nai shiilangbi, tsang ramtsi ma chela mong na, phaqsea rit lam maq atsitsü thumto.

AJONJÜ 1:2

Jerusalem mantinyung ikha waruwaru jonjütlo, amakphai sa atheaphi na rajun ikha. Kongtichü weshi ra riimin, apaiq tiijaiq wamak she. Pongmung hokhambi reraüshiti raq tiishaübaiqto, Kiithun wiita ümchaü apaiq ngengti siisaq.

AJONJÜ 4:17

Nashiq raq maktsi jaqtsi liikai, khrumtiwe walü, shatmaq atuli, Mung ashi raq mikhrum kuq nguta nashiq raq kheratkai ka atuli. Tsangshiq raq khrumkuqlot kak.

EJEKIEL 28:13

Ümniika Shiikeawe sonruk Eden na silaü. Kiimaq ümkhum na phan phan jem longseng laktum thun: rubi longseng kiimaq diamond longseng, topaj longseng, beril longseng, karnelian longseng, kiimaq jespar longseng; saphir longseng, emarel longseng, kiimaq garnet longseng laktum thun laklaü. Ümjaq na khum tiitsom chang hupsam thun ka chaq maq alo thun riito. Kriithun ka ümnaq miitu ümnaq phansang wan ranaiq aklo wan.

EJEKIEL 28:9

Riita ümtiikiiwa tsangshiq ka ümnaq tseakai kitlaq akhing na, ümniika ratiwe tiina nguta tsütsit ruqli shea mirhaü? Ümtiikiiwa ümnaq tseakaiti matwebi rai riihumtlaü, kiitiikaq ümniika maiqse ma mija haü, ra wa maiq ka riimak.

Obadia 1:7

Ümkongtinok thun raq, ümnaq laobaiqto. Tsangshiq raq ümniika ümmung wa jobaiqto she. Ümniirai wehea mungti raq, ümchaü ümnaq longto. Raüta ümniika tangto. Raüta ümhiqshong jiiwanto. Ümniirai dung pinshi na seati raq, Ümnaq tiidea chang thiikho thuto, Tsangshiq raq ümnaq ngutlo, ‘Apaiq khonglaq phaqchi ira ümbano?’

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

Revelation 17:13

Ara hokham weroqshi ara kiimung ka ashi li miraq. Tsangshiq raq tsangshiq ningkun nai tsangshiq raq arang ho tlaq kra, ngamthaiq kaü ma mikiinong kuq baiq. Raüta, tsangshiq ka kra ngamthaiq kaü jaqkhong maq mung misiq.

Revelation 17:2

Mangjong hiq wa honyung hokham bi ka, arnyung rai sethoq sepii kiicham raüta siwanto. Kiimaq, mangjong hiq wa maiqse angu ka, apaiq sethoq ja ngarai che tsai kra baknyang raüta phepii siq wanto.”

Revelation 17:4

Kra jechakl nyung raq samtlaq khea rong ka, awai nai ashii rong arshot, kiimaq ashii rong maq ataq miirii. Kiimaq apaiq ka chaq laktum, niti, jaqsin, kiimin huru longseng, longchhai laktum thun maq achhai anyii tiimiikhiiqto. Apaiq jaq niika chaq kok ashi sham raü riito. Kra mong niika sethoq sepii jaqsham che tsai, kai ashe ashi, apaiq sethoq sepii jawantaq ngarai raq ama riito.