JEREMIA 4:27 - ASII LAKDAP Bible (BSI)

²⁷ (Tatiwe raq nguto, mangjong hiq tlotli ka, rumnyangkhi kumtsaiphii ma mijaki. Shatmaq apaiq raq klang maq tiimiqchup langlang kla tiithenbaiq mak miraq.)

Hawa Naga Bible 2001

²⁷ Ghaq lotlaz kuex yaruix rumz muex yaungx wvnc tuex, yuq muinz dup sauk bac wvnc tuex rvmuq lvmz Yehowa rueq jungx shec tueq.)

JEREMIA 4:27 Referencias Cruzadas

2 KAÜWA WERAÜ 36:21

Krai mren she Tatiwe raq shammiwe Jeremia lümaq riisham bomtsi akha tiithaitaq kriishe kupi wanto: “Armung arka rawii roqmiishi hiqmiq changkhü ma mitiija baiq wan, kriika Niitiitsak akhing lang wan mak tlea baiq wantaq kra tiinyi wan miitu miraq.”

NEHEMIA 9:31

Kiitin khan taü maq li jiimin, ümnaq tiihang wan mangchan tsii ka, jonghea kha maq, ümniiraq tsangshiq ka, thumpak lang lang, tiithum maü riilaü. Ümniika kaphap mang chan, kiimaq tiihang wan mangchan jonghea, rümti Shiikea!

ISAIA 17:6

Maiq ka re jaqsong abungse atsap seli she mitiichong, kiimaq Israil mung ka olip petsi chong atsi wiita apanlotwi she ikha miraq, achong mun na petsi po ka poshi ponai ra selishe tiipaq raqraq atiichong ikha miraq. Kiimaq akü achongji thotho kiijaq atiichong poshi shi se tiipaq raq raq ikhli she miraq. Arka Ngi Tati Israilnok Shiikeawe raq ngutiikang.”

ISAIA 24:1

Tatiwe raq mangjong hiq ka atiithen mirbaiq. Raüta hiqmiq changkhü ma mitiija. Apaiq raq hiq raikhü ka akap atsea miphebaiq. Raüta maiqse ka wiita barapse na minyinbaiq.

JEREMIA 18:16

Tsangshiq raq armung ka phiiptsi chang mung miishe tiijabaiqto, pattup pat-sa maiq thoda phong chang she miraq. Maiq ümchu riiwa wanlea lam maq chhijiiq; tsangshiq ka phiip raq atsai miraq; tsangshiq ka amaorai raüta tsangtok bai laqlaq miraq.

JEREMIA 25:11

Armung arka tlotli bashi min tam mak botkhulai rai mishot baiq wan. Wiita maiqphiip maiqjiip hiqmiq changkhü ma mitiijabaiq wan. Kiimaq Juda mung tro na siti maiq mung thun ka Bebilon hokhamwe tijong horaüta misi wan. Kriika rawii roq miishi na saüli miraq.

JEREMIA 30:11

Ngi ka namshiq phana mikiha lata namshiq ka mitiichhiiha. Ngi raq namshiq nyinbaiq kang mung thun kra mitiithen baiqha, shatmaq Ngi raq namshiq ka tiithenbaiq mang. Ngi raq namshiq ma mo tiihohü maq tiihang mang; shatmaq ümtiikiiwa Ngi raq namshiq ma mo mitiihokang, Ngi raq riikhaqli tri maq shinlata mo ka mitiihoha. Arka Ngi, Tatiwe raq toqtan tiikang.”

JEREMIA 4:20

Phanshi then wan jai, phanshi mithen wan; mung ka hiq maq hutse tiithenbaiqto she. Tiidongchhaq miili nashiq tombutiip thun ka tiithenbaiqto; khetuk chang thun ka bunlak buncha chaibaiqto.

JEREMIA 4:7

Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.

JEREMIA 44:6

Kra ningkhan she, Ngi raq itsankhiq walü tu maq Juda mung na chela thun kra kiimaq Jerusalem chela mong na chiiheawea lam thun kra wiita wa maq chaqbaiq kang. Krai mren, kra chela thun ka wakhiim wabun phongli she sitlo. Ümchaü niitaq saüli kriithun ka hiqmiq changkhü miishe jakito. Maiq maklii na phiiptsi jiiptsili she sitlo.

JEREMIA 46:28

Ngi ka namshiq phana mikikang, lata namshiq ka mikhup wongkuq kang. Ngi raq maiq mung thun ka wiita mitiithen baiqha, ngi raq namshiq nyinbaiq wan kang mung thun kra, shatmaq Ngi raq namshiq ka tiithenbaiq mang, Ngi raq namshiq ka mo tiihohü ka tiihang mang; shatmaq ümtiikiiwa Ngi raq namshiq ma mo tiihotiikang, Ngi raq riikhaqli athi latli mitiihoha. Arka Ngi, Tatiwe raq toqtan tiikang.”

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 5:18

Tatiwe raq ngutlo, “Li jiimin kra akhing niimin ngi raq isenginok ka tiithumpak lang lang ka tiithumbaiq mang mitha.

JEREMIA 7:34

Juda mung ka kumtsaiphii rumnyangkhi binjü miishe mijaki. Juda mung chela thun na nai Jerusalem chela chiihea wea lam thun na acho achi kiimaq apeo aleo ashi ange trang ka Ngi raq wiita mitiitsaq baiqha. Kiimaq maiq lam poi na chojong chise poi klo thun kiimin wiitashe mitiitsaq baiqha.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

AJONJÜ 2:7

Tatiwe raq apaiq hongluke chang, berong-wacha nai, apaiq asii Shomjam kiimin jai maq nong baiqto. Apaiq raq rewe ma atuk thun, runbaiq miitu kiinong kuqto. Man na naishiq shomnoq chochi chang Jam na, tsangshiq raq tang raüta riiriiq wanto,

EJEKIEL 11:13

Ngi raq kra shammi bom tiithai rea bala niili, Pelatia ka kiijaq chutli tsaikito. Kra chhilata ngi ka hiq na bum kitlii riilata, akha agi asiishe hoqkang. “Akhii wiq wiq ka naq riikiq, Tati Rakaü Hiqwe lei! Riita ümniiraq Israil mungti abung atiichong ka wiita sha mitsat baiq haü?”

EJEKIEL 20:17

“Shatmaq Ngi raq tsangshiq ma mangchan tiitsi wan kang. Kra ningkhan tsangshiq ka kumtsaiphii mung kiijiili ka jiipbaiq wan mangli nguta itsantsii ka tiijang tiiji riiwan nongkang.

EJEKIEL 33:28

Ngi raq mung ka hiqmiq changkhü ma mitiijabaiqha. Kiimaq tsangshiq raq ningkun jonghea hotiikai nguta ümtinkhan wa shiikong wantaq thun ka wiita athum she mirki. Kiimaq Israil mung wa pum thun ka rum nyamse ngamthaiq pahea sikha maq maiq khumkai maimak she miraq.

EJEKIEL 6:14

Tengteng, Ngi raq ijaq ka tiipii lata tsangmung ka mitiithenbaiqha. Ngi raq shemai nü kumtsaiphii wang kiimaq pha wan lata, Ribla chela kiina saüli botkhulai rai mishotbaiqha. Israilnok shongtlaq maiqhiq aweatek ka hiqshi tammang maq mitiithenbaiqha. Kra riiha jiitiq maiq loweatek raq Ngi ardea Tatiwe nguta misap wan.”

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

LEWI 26:44

Shatmaq, kiitinkhan taü miili jiimin, tsangshiq ka tsang jaqtinok mung na sishon na, Ngi raq tsangshiq ka klang maq baiqtlii lang lang kla tiishaübaiq mang. Riimakla tiithumpak kla tiithenbaiq mang. Kra riiha jiika Ngi raq tsangshiq rai i tongshong wan kang ka athum she mirki. Kiimaq Ngi ka Tatiwe tsangshiq Shiikeawe.

JEPHANIA 1:18

Tatiwe raq apaiq tsankhiq tiichhi tlaq akhing na, tsangshiq chaq nai kampho riimin, tsangshiq tiiwongkuq lot mak miraq. Apaiq tsankhiq wa raq, mangjong hiq raikhü ka, wiita wa raq mikhiimbaiq. Apaiq raq mungmaiqse wiita, tiihanghiiq miili mitiithumbaiq, mangjong hiq na siti wiita mitiithumbaiq.