JEREMIA 4:11 - ASII LAKDAP Bible (BSI)

¹¹ Jerusalemti ma rahai haike henghea maiq akhiim ka kumtsaiphii rumnyangkhi binjü wa haiwan raüta, Jerusalem nü na hai wantlo nguta chiiriim raüta chongke akhing ka saü wanto she. Kra rahai ka nintatase tsamchhii pan wan lamlamli ka riimak.

Hawa Naga Bible 2001

¹¹ Kumtsvy tvnx wawc raungguil kalc kuex guil wvnc yaq lvmx Yerusalem ghaq wuinz muex tvtay kuy vkhing httuiuc wvnc yaq shex. Kvruex raungguil kuex tsvmz khuix tvpvnc lot yaq raungguil ikhoc dvyx rvmuq,

JEREMIA 4:11 Referencias Cruzadas

Tvtsvmc 11:6

Apaiq raq abi maiqsetiim khuthaq na wachan nyaihea watu nai nyiimwin waniitu ra wa tiisattlo; apaiq raq tsangshiq ka rahai keihea tiisaü raüta mo tiihotlo.

ISAIA 22:4

Ümchaü ka ngi naq tiibanbi kiq isenginok ümchuwa tsaitaq kra miitu makphai khüshang maajo hoqpha. Ngi ka naq tiijaiq rongkiq.

ISAIA 27:8

Tati raq asenginok ka pongmung na munglu shumwikong ma tiija raüta amo tiihoto. Apaiq raq tsangshiq ka shedong mung wa rathaiq bihea pinthum tiisaü raüta tsuq wanto.

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

JEREMIA 13:24

Tatiwe raq namshiq ka khaolüm bukjai tsamkü phong kra kumtsaiphii wang rahai ma jamkho tiipan baiqtlaq ikha, namshiq ka pongmung niishe mitiipan baiq.

JEREMIA 14:17

Tatiwe raq ngi ma ngi chamchao hoqsii tiikang kriika tsangshiq ma chonglaq nguta aming kuqto: “Imakphai sawa ka ranaiq rawa misalaq, ngi ka atsaq min tsaq mang she dea mihoqsiqha, jamkhano ngukla inok ita ka bunlak buncha bukto, raüta tsihea mo tiihoto.

JEREMIA 23:19

Apaiq tsankhiq ka rathaiq; rathaiq thaiqbiti wa tlaq kra abi kloti khuthaq na mithaiq wan.

JEREMIA 4:12

Tatiwe aming maq rahai saü wantlaq kriika kriithaq na henghea miraq! Jamkhano ngukla arka Tatiwe apaiq raq dongdii asenginok khuthaq na khapho rahai she tiisaühotlo.

JEREMIA 8:19

Taironglaq! mung tlot li raq, Ngi raq inok ita aho anyi trang taitiikang; “Riita Jajon chela na Tatiwe ka ahü shea? Jajon riimti hokhamwe ka kiijaq ahü she shea?” Kiijiishe tsangshiq, Tatiwe, tsangshiq hokhamwe raq tretlo, “Namshiq ngi ka sumla phra thun noq lantea, itsan ka jaram wa tiikhiq lan? Kiimaq athü ahü pongmungti sumla phra thun noq lantea, itsan jaram wa tiikhiq lan?”

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

JEREMIA 9:7

Arthun arkha na Ajong Pinthum Tatiwe raq ngutlo, “Ngi raq isenginok ka jin ikha wa na shulata michenha, lata tsangshiq ka mimaitai wanha. Isenginok raq abi klowanto; ngi raq tsangshiq ka jamkhiishe wa mirha?

AJONJÜ 2:11

Aho makphai raq bok raüta, imak wiita miiwanto. Itsan imongjii bunlak bun wanto, iphan imaq then wan kha na, rokngoq riingoq jonjü wan kang. Nosere nai pünyangtibi, chela lam na haü wanto.

AJONJÜ 3:48

Iphan imaq then wan riihum kha maq, Imakphai ka rajun khamkai ikha.

AJONJÜ 4:10

Iphan imaq ma thenjen wantaq kriika, pinthum riitsitsaitsiiq, phiiptsi chang abi pinthum riito. Noshii nyungre raq dongdii min, tsangse noshiisetiim ka tsanglang pit tsi ma, tak na lumphaqto.

AJONJÜ 4:3

Ngamthaiq phan shekaü riimin, asetiim ka aheawiq pü raüta tiichhanchhitlo. Shatmaq, inok ita nyungre riika, wuthon kaü ngitlaq ikha, asetiim ka pinthum kiqlahiiphii maq, atsea ason li she riitlo.

AJONJÜ 4:6

Shiikeawe raq iphan imaq ka, Sodom chelati tiihanghiiq maq, tiithenbaiqtaq kriithaq na, tri atsin lin maq tsasha wanto. Raüta tiichamchaoto.

EJEKIEL 17:10

Tengto. Kriichong ka kiijaq chhito she. Shatmaq kra chong ka atra misi sha kiimaq mijonglu wan sha? Shedong mung nü wa rahai haike saü wantlaq kriiraq kra chong ka wiita mitiishin baiq riimak sha? Apaiq cham chang hiq ba kiijiili she mijung wan riimak sha?”

EJEKIEL 19:12

Shatmaq maiq atsankhiqti raq kra chong ka arang chong maq babaiqto, raüta hiq na phongbaiqto. Shedong rahai raq atsi thun ka tiishin baiqto. Akü ako thun ka wiita ngoqbaiqto; raüta shinkito kiimaq wa na chaqbaiqto.

Hosea 13:15

Israilnok ka sangphii rü ikha nümrai raü min, shedong mung kumtsaiphii rahai kehea mitiisaüha. Tsangshiq khamnyang rai thun wiita mitrübaiqha. Tsangshiq khamchum süphut mitiisübaiqha. Ahea awa phanrap thumthum mishthen baiqha.

Hosea 13:3

Atinkhan ngarai tang wan kha na, tsangshiq ka ranap bangkham ikha, rashekii raq mishin wan. Bangkham ka sangphii thaq na arok ikha, rashe kii wan raüjaq shinki tlaq ikha, weki raüta mimoki. Khaolüm nijai tsamchhii chiipbaiq tlaq ikha, rahai raq mipan wan. Wukhupong maq wakhuk mong wan tlaq ikha, rahai raq mipan wan.

Hosea 4:19

Tsangshiq ka rahai haijong riishe mipan wan, kiimaq tsangshiq raq sumla phra noq kha na, jeasi jonghea mingaü wan.

HABAKUK 1:11

Kra lot jai tsangshiq ka, rahai wa ikha wawan tlo. Tsangshiq raq mangjong maiq tri, ji maq nishishi jin wantlo. Raüta tsangshiq ka ashutwe ma jawan tlo. Jamkhano ngukla tsangshiq miika, tsangshiq ningkun tri kli, tsangshiq shiikea.”

HABAKUK 1:6

Jamkhano ngukla, ngi raq Bebilon mung ma, mangjong hiq lang wan miitu, ningkun she kuq tiikang. Tsangshiq ka ratho chiqhawe ikha, mangjong hiq hamli wa maiqmung thun ka, milongliiq wan. Raüta maiqmung thun ka mijam sha wan.

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Luke 3:17

Apaiq ka ümchaü, akhing na wankhü kaü doshat miishe khetlo. Kriimaq, tsam achhii chhii thun kriika wiita ajap mirbaiq. Raüta, tsam awongsiisii thun kriika, tum akhiiq mong niishe samhea wiq maq misaiq sam. Kiimaq tsam achhii chhii thun kriika, pattup pat-sa matki mak phan walü nyai rai wan tlaq kiijiishe miphong chaq baiq.”