JEREMIA 39:9 - ASII LAKDAP Bible (BSI)

⁹ Atiisup niishe phentu ajong pinthumwe Nebujaradan raq, mungmaiqse kiijaq atiichongkiti thun kra munglu shumwi kong ma, maiq wiijamti Jerusalem ka apaiq jaq khon na tiishaü baiqtibi krai adam na Bebilon mung niishe tsuq wanto.

Hawa Naga Bible 2001

⁹ Tvsuip nuex nolaungx yungx waz Nebuzaradan rueq ghaqyungx nuex kvjungx yaq miq htenc nuiyc piq kox nuex yauk tenz vtueq vnyuip miq htenc tauk vdvmz nuex Babelon nuex lvp thuq wvnc tueq.

JEREMIA 39:9 Referencias Cruzadas

RAPHA HIQWA LAK 37:36

Kiimaq anü na, Midiannok raq Joseph ka Potiphar ma shabaiqto. Apaiq ka hokhamwe sengi siihiipbi phongwa weshi riito. Apaiq ka hokhamwe jam kheti phentuwe.

2 HOKHVMX 20:18

Ümsaü ümsetiim phong wa maiq wiijam ka Bebilon mung na munglu shumwi ma mitsuq wan. Raüta tsangshiq phong wa maiq wiijam ka ashoq wetiim ma mitiija baiq. Raüta Bebilon mung hokhamwe jam na jaqshamketi ma mitiija baiq wan.”

2 HOKHVMX 25:11

Kra raütiishe Nebujaradan raq kra chela na maiq abung atiichongthü thun kra, kiimaq phanrap jaqsham smati atiichong thun kra, kiimaq mungmaiqse ümchu riiwa Bebilonnok puk na nyap wantiiti thun kra Bebilon mung niishe tsuq wanto.

2 HOKHVMX 25:20

Raüta Nebujaradan raq tsangshiq thun ka tsuq wan raüta Bebilon mung hokhamwe Ribla chela na sitlaq kiijaq shea wanto.

ISAIA 5:13

Akha ngarai klo lantea sitlan ningkhan namshiq ka munglu shumwikong miishe pongmung na mitsuq wan. Namwelabi thun ka ram raq haü raüta mitsaiphaq. Kiimaq nyungwe nosekong ka khamnyangtsi raq mitsai wan.

JEREMIA 10:18

Tatiwe raq namshiq ka armung wa ado she mirbaiq; Apaiq raq namshiq ka weshi min tiichong mak maq tiinamtok mitiiq baiq. Arka Tatiwe raq ngutlo.

JEREMIA 16:13

Arningkhan na, Ngi raq namshiq ka armung arwa maiq mung ashi, namshiq maiqmii riimin sapman, kiimaq namtitiim riimin sap mak mung kiiniishe miphong baiqha. Krai mren, kra mung kiijaq, laihin phra sumla thun kriishe ranaiq rawa mishomnoq wanhan. Kiimaq Ngi raq namshiq ma tiihang mangchan tiichhikuq mang she mirha.’”

JEREMIA 24:8

“Kiimaq Juda mung Hokhamwe Jedekia, kiimaq mung welabi apaiq rai pongtibi thun kra, kiimaq Jerusalemti mungmaiqse ahinti thun kra, ümchuwa armung na sitlaqtibi riimakla Ejip mung na laühotiiti thun kriika, Ngi, Tatiwe raq, ara abi bihea langlang asea maimak phupmuptsi akha miliiha.

JEREMIA 38:19

Shatmaq hokhamwe raq treto, “Ngi ka namungti Bebilon mungti rai pong wantaq kriima haitiikang. Jursap ngi ka tsangshiq jaq khon na moke baiq wan min moraq miraq. Raüta tsangshiq raq ngi ka tsat raüta pinthum motiicham chao wan moraq miraq.”

JEREMIA 40:1

Phentu ajongwe Nebujaradan raq ngi ka Rama chela maq kharü mong wa diibaiq jai, Tatiwe raq ngi ma chongto. Ngi ka kiijaq kharü maq kha raüta, Jerusalem wa maiq thun krai kiimaq Juda mung wa mungmaiqse munglu shumwi kong Bebilon na shea wan miitu tsuq wantaq kriiti rai tsuq wan damto.

JEREMIA 40:7

Juda mungti ajong alabi wiijam kiimaq phenlabi wiijam riika Bebilon hokhamwe puk na nyap mak dea. Tsangshiq raq Bebilon hokhamwe raq Gedalia ka Juda mung peng wan miitu wanghuptiwe ma shongto. Raüta Bebilon mung na tsuq wan mak dea mungmaiqse ümchu wa tiichong kitaq miitsan thaq niimin miitsan pinthumti thun kra peng miitu arang kuqto nguta tsütsa ka taito.

JEREMIA 52:26

Nebujaradan raq tsangshiq ka Bebilon hokhamwe phana shea wanto. Kiitiikaq apaiq ka Ribla chela na riito.

JEREMIA 52:27

Ribla chela ka Hamath wang na. Kiijaq hokhamwe raq tsangshiq ka atiibuk riito. Raütiishe tsangshiq ka tiijiipbaiqto. Akha Juda mungti ka Bebilon mung na munglu shumwi ma tsuq wanto.

DANIEL 2:14

Kiijiishe Daniel ka maiq thun tseabaiq miitu aming kuqtiiqwe, hokhamwe kheti phentu ajongwe Ariokh phana wato. Raüta abomtsi ka aheawiq tiima raüta,

LEWI 26:33

Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.

TRI CHONGKE 4:27

Tatiwe raq namshiq ka pong mung thun na wiita miwan baiq. Kra mung thun na namshiq ka maiq atsapko li she mitiichong han.