JEREMIA 39:8 - ASII LAKDAP Bible (BSI)

⁸ Kiimaq anü na Bebilon mungti phenlabi raq hokham jamkaü kra kiimaq mungmaiqse jam thun kra wa maq bunlak chaq baiqto. Raüta Jerusalem chela ruk thun kra wiita tiibun baiqto.

Hawa Naga Bible 2001

⁸ Kvruex baunglaung, Babelon miq htenc rueq hokhvmx hoc nuiyc mungx miqsaz yuimx htenc kuex jauk gay ruiux, Yerusalem ghaq palx ruk htenc kuex httak gay tueq.

JEREMIA 39:8 Referencias Cruzadas

2 HOKHVMX 25:8

Hokhamwe Nebukadnejar raq Bebilon mung lang wan li maq wiiroqshi ri wiitiikaü she angu na, kra rawii wa jipi lübiingi na kra jipi wa jiha ramiishi ranaiq na, Hokhamwe ma tsü chongketi kiimaq phentu ajongwe Nebujaradan ka Jerusalem chela mong na nyapto.

2 KAÜWA WERAÜ 36:19

Apaiq raq Shomjam kiimaq chela ka among na hokhambi jam thun kra kiimaq kiijaq tsiiq anyam ümchuwa sitlaq kra thun nongnong maq wa maq chaqbaiqto. Raüta kra chela tro ruk kiimin wiita tiibun buk baiqto.

NEHEMIA 1:3

Kiijiishe, tsangshiq raq, “Nashiq mungti, munglu shumwi ma tsuq wan mak deati, lun wantiiti thun ka, kai chamchao mong niili sitlo. Kiimaq pongmung maiqse raq pinthum jomniim shaqshaq shummiitlo. Jerusalem chela long peruk kriimin wiita bunkito. Kiimaq peruk kilam kilü thun kriimin wa maq chaq raüta, wiita tiithen baiqto,” nguta tsangshiq chongto.

Tvtsvmc 79:7

Tsangshiq raq ümsenginok jiipbaiqto; raüta tsangshiq raq üm mung ka tiithenbaiqto.

ISAIA 5:9

Ngi raq Ajong Pinthum Tati raq akha ngutlo taikang, “Arthun jamkaütiim ajong jong wiq siisaq, kiimaq tsomhea sitlaq jamkaütiim thun arka jammii she miriimki.

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 21:10

Ngi raq ara chela arka tiihang kuq mang she dongdii nguta khatan alot wishe. Shatmaq tiibunlak she mishthenbaiqha. Ara chela arka Bebilon mung hokhamwe jaqmong niishe mikuq baiq. Kiimaq apaiq raq arka wa miishe michaqbaiq. Raüta hiqrai mishotbaiq. Arka Ngi, Tatiwe raq chong tiikang.”

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

JEREMIA 34:2

Tatiwe, Israilnok Shiikeawe raq, ngi nangnga Juda mung Hokhamwe Jedekia phana kilaq, laüta akha chonglaq nguta thaüto, “Ngi, Tatiwe, raq ara chela ka Bebilon hokhamwe jaqkhon na mikiinong kuq baiqha. Krai mren, apaiq raq arka wa miishe michaqbaiq.

JEREMIA 34:22

Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”

JEREMIA 37:10

Bom shiiton ngu i, namshiq raq Bebilon mungti ka khat lanta tanghan jiimin, lanta tsangshiq ka asho ami atsi siisaq kli tsangshiq piitiip thun na bum raq raq kriili tiichong raü min, tsangshiq ka tiido nong raüta ara chela ka khat raüta wa maq hihut michaqbaiq. Raüta bot khulai rai mishotbaiq.”

JEREMIA 38:18

Shatmaq ümniiraq ümkhum ka tsangshiq ma kiinong kuq maü raüla, ara chela ka Bebilon mungti jaq khon mong niishe mikuqbaiq. Krai mren tsangshiq raq arka wa maq michaqbaiq. Kiimaq ümniimin tsangshiq jaqkhon mong wa lunlot maü mirhaü.”

JEREMIA 5:10

Ngi raq isenginok spiqro thun kra dabaiqkaiti rewe pahea mitiikiha. Shatmaq tiisiirai langlang kla tiijiipbaiq mang. Ngi raq akü ako thun kriili jambaiq ronglaq nguta michongha. Jamkhano ngukla kra kü thun ka ikü ka riimak.

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

AJONJÜ 1:10

Ajaqtinok raq atsiiq tum thun wiita tsuq wanto; Apaiq raq tsangshiq ka asii Shomjam mong na nyap wan chhito, Kiijaq Tatiwe raq pongmunti tiiwamak riito.

AJONJÜ 2:2

Tatiwe raq Juda mung wa, maiqhiq shong kunkun shiithenbaiqto. Kiimaq kra mung wa rewa tochang chela tro ruk thun, wiita robbaiqto. Apaiq raq kra mungtan thaq na, nai hokhambi khuthaq na, thoda maq phongto.

AJONJÜ 2:7

Tatiwe raq apaiq hongluke chang, berong-wacha nai, apaiq asii Shomjam kiimin jai maq nong baiqto. Apaiq raq rewe ma atuk thun, runbaiq miitu kiinong kuqto. Man na naishiq shomnoq chochi chang Jam na, tsangshiq raq tang raüta riiriiq wanto,

EJEKIEL 16:41

Tsangshiq raq ümjam thun kra wa maq michaqbaiq. Raüta maiq jechakre kong pahea ma ümniiraq mo hotlaü kra mitlii. Ngi raq ümniika mephe nyung ma tiija mang she mirha. Kiimaq ümkongtiwetiim ma kongphiq kuqtlaü kra tiikuq mang she mitiithaqha.

EJEKIEL 23:47

Kra mungmaiqse phong raq tsangnai ka long maq mitiiqbaiq laq. Raüta nepja maq milong wan laq. Raüta tsangsetiim ka mijiip baiqlaq. Raüta tsangshiq jam thun ka wa maq michaq baiqlaq.

EJEKIEL 33:21

Naishiq ka munglu shumwi ma jawan li maq wiiroqshi ri wiinai she angu na, kra rawii wa jipi lüroqshi na, kra jipi wa jiha rabiingi ranaiq na, Jerusalem wa lun raüta aju wan maiq weshi kra saü wato kiimaq ngi ma chela ka thento she nguta tsütsa ka chongto.

AMO LUIK DVP (AMOS) 2:5

Arningkhan ngi raq Juda mung na wa mitiisat ha. Jerusalem chela kiitelong peruk weshaü, wiita wa maq michaqha,” nguta Tatiwe raq chongtlo.

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki