JEREMIA 39:6 - ASII LAKDAP Bible (BSI)

⁶ Ribla chela maq Nebukadnejar raq Jedekia setiim ka Jedekia makki na jiipbaiqto. Kiimaq apaiq raq Juda mung wa ajong alabi thun kiimin kiijaq jiipbaiqto.

Hawa Naga Bible 2001

⁶ Piq rueq Ribla ghaq maq Zedekia saz miqwaz sahez kuex Zedekia rueq lawc yaq khaungkac nuex thvt gay tueq, Yuda mungx wawc vyungx vlaungx bix htenc muinz thvt gay tueq.

JEREMIA 39:6 Referencias Cruzadas

RAPHA HIQWA LAK 21:16

Raüta kriimaq mitar shishi tin khan loq na ngakito. Raüta apaiq nai apaiq ka akha tiingoto, “Ngi raq ise tsai wan ka liilot mang.” Raüta apaiq ka kiijaq nga raüta aho she riihoto.

RAPHA HIQWA LAK 44:34

Kra no ka ngi rai ahü miika, ngi ka iwe phana jamkho mijang wan ha? Ngi raq iwe rilung na akha miisaq thum chang akhing ka jam riim mo mininha,” nguta tiipaiq neato.

2 HOKHVMX 22:20

Krai mren, Ngi raq Jerusalem ma imo tiiho chang sitlaq kriika ümnaq tsaijai shetiq mitiisaüha. Ngi raq ümniika hansang maq tiisi latli mitiitsai kang.” Kiimaq kra maiqwetiim ka Hokhamwe Josia phana ara tsütsa ara soho raüta she janghoto.

2 HOKHVMX 25:7

Jedekia makki na asetiim ka sebaiqto. Raütiishe Nebukadnejar raq Jedekia makpo wiinai ka atlat riibaiqto. Raüta apaiq ka jinraü kharü maq khatto. Raüta Bebilon mung na sheawanto.

2 KAÜWA WERAÜ 34:28

Kiimaq ngi raq Jerusalem khuthaq imo tiiho chang chamchao tiisaü kriika ümrilung na tiisaü mang mirha. Kriika ümnaq tsaijai shetiq mitiisaüha. Ngi raq ümniika hansang ma tiisi lata ümpat ka mitiisungha.” Kra tsasoqkaitibi ka ara tsütsa ara lamwan raüta hokhamwe phana jang wanto.

ESTHAR 8:6

Ajongwe lei, riita ija, ngi raq iphan imaq, inok ibin ka thenjen wan, kiimaq ita iwii ka jiipbaiq wan ka jamriim mo mimin wan ha, kiimaq jam makmo milii ha?” nguta Esthar raq hokhamwe ma tiipaiqnea chongto.

ISAIA 13:16

Tsangshiq raq jamkha ijasiq liirattlaq liipan niili, tsangsetiim noshiisekong ka tiinamtok tiikhiqlaq mitiiqbaiq. Kiimaq tsangnyungre ka renok raq mihaihii baiq.”

ISAIA 34:12

Kra mung pengti hokhamjati maiq min ahü she miraq. Mungtubi thun ka kunli atsaikaiwi siisaq miraq.

JEREMIA 20:4

Tatiwe apaiq raq nguto, ‘Ngi raq ümniika ümniima nai ümkongtibi ma phiiptsi jiiptsi mitiijabaiqha. Kiimaq ümniiraq tsangshiq ka tsang jaqtinok raq nepja maq wiita ajiipbaiq wan kra michhihaü. Ngi raq Juda mungti kunli ka Bebilon mung hokhamwe jaqkhon mong niishe mikuq baiqha. Apaiq raq mungmaiqse wiijam ka munglu shumwi kong ma tsangmung na mitsuq wan. Kiimaq mungmaiqse wiijam ka re raq mijiipbaiq.

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 34:3

Ümniika lunlot maü. Re raq ümniika milap. Raüta apaiq ma mikiinong kuqbaiq. Ümniiraq apaiq ka mantut na chap laüta ümmak maq michhi haü. Laüta pumsii maq apaiq rai mirbom haü. Laütiishe ümniika Bebilon mung niishe miwa wanhaü.

JEREMIA 38:23

Kiijiishe ngi raq tiitsuq akha ngukang, “Namnyung tiim thun kiimaq namsetiim thun ka wiitarü Bebilon mungti jaq khon na mikiinong kuq baiq. Raüta tsangshiq raq mishea wan. Kiimaq ümniimin tsangshiq jaq khon mong wa lun lot maü mirhaü. Bebilon mungti hokhamwe raq ümniika munglu shumwi ma mishea wan. Raüta ara chela ka wa miishe michaq baiq. Raüta botkhulai rai mishotbaiq.”

JEREMIA 52:10

Ribla chela maq Nebukadnejar raq Jedekia setiim ka awe makki na tiisebaiqto. Kiimaq apaiq raq Jedekia sengi ajong alabi Juda mungti thun kriimin tiitsatbaiqto.

EJEKIEL 23:24

Tsangshiq raq ümniika shekhu nü maq mikhat phaho. Phenlabi phong ka pahea misheaho. Kumrang leng na chaoti phenlabi ka pahea misheaho, kiimaq hupsam hoti leng thun min pahea milamho. Tsangshiq ka liiq kiimaq jinkhuphok thun sam raq raq misaüho. Raüta tsangshiq raq ümniika tiikomtam maq mikom wan. Ngi raq ümniika tsangshiq jaqkhon mong na mikuqbaiqha. Tsangshiq raq ümniika tsangshiq thung tri maq ümkha ka mipho.

EJEKIEL 24:5

Sku kaü ka ahea pinthumti ngam kra lumlaq; tak takiq na chin ka apa phong chaqlaq. Laüta kham ka samhea tiiphomlaq; ngamrii thun nai angam thun kra lumlaq.”

JEPHANIA 1:8

Tatiwe raq ngutlo, “Kra maiqjiipbaiq ranaiq, ngi raq ajong alabi, hokhamwe setiim, kiimaq pongmungti thunglai langtibi thun, kriima imo mitiihoha.

TRI CHONGKE 28:34

Ümnaq tsaija chhunja chamchao tlaü kra riili she ümsung ümtsii kiimin amoshe mirki.