JEREMIA 39:5 - ASII LAKDAP Bible (BSI)

⁵ Shatmaq Bebilon mungti phenlabi raq Jedekia ka joho raüta, Jeriko chela tho na hiqthung tan kiiwa lohoto. Raüta lapto. Raütiishe tsangshiq raq apaiq ka Hokhamwe Nebukadnejar phana shea wanto. Kra akhing na apaiq ka Ribla chela na riito. Ribla chela ka Hamath chela wang na riito. Kiijaq Nebukadnejar raq Jedekia kha ka pho raüta, tiishutto.

Hawa Naga Bible 2001

⁵ Yuq muinz Babelon nolaungx bix rueq tsuinghez kuex yurc vtueq Yerikho ghaq hep tvnx wawc Zedekia kuex lvp gay tueq. Tsuinghez rueq Hamat mungx wawc Ribla ghaqyungx nuex httax yaq Babelon Hokhvmx Nebukhadnezar kox nuex piq kuex shvlx wvnc tueq, kvkaq Nebukhadnezar rueq piq kuex htvp htaz phox tueq.

JEREMIA 39:5 Referencias Cruzadas

2 SAMUEL 8:9

Hamath mung Hokhamwe Toi raq Dawit raq Hadadejer phenlabi thun wiita she tangto nguta tsütsa taito.

2 HOKHVMX 17:24

Asiria mung ajong hokhamwe raq mungmaiqse ka Bebilon chela, Kuth chela, Iwa chela, Hamath chela, kiimaq Shepharwaim chela thun wa tsuqho raüta Israil mungti munglu shumwi ma tsuq wantaq kriiti sichang Samaria wang na chela thun kiijiishe tiishong wanto. Tsangshiq raq arthun chela ara jiiwan raütiishe shong wanto.

2 HOKHVMX 23:33

Apaiq hokham jaqsham ka Ejip mung Hokhamwe Neko raq apaiq ka Hamath wang na Ribla chela wa lapho raüta munglu shumwi ma khawantaq kiijaq thumto. Raüta Neko raq Juda mung jaq wa tijong tsiiq kampho 3,400 kilogram, kiimaq chaq ka kilogram roqtsamri blai jaüto.

2 HOKHVMX 25:6

Jedekia ka Hokhamwe Nebukadnejar phaniishe shea wanto. Kiitiikaq Nebukadnejar ka Ribla chela na riito. Kiijaq Nebukadnejar raq Jedekia kha ka pho raüta, apaiq ka tiishutto.

2 KAÜWA WERAÜ 33:11

Kra ningkhan she Tatiwe raq Asiria mungti phentubi ka tsangshiq phen phung kra sheaho raüta Juda mung ka tiikhatto. Tsangshiq raq Manase ka lapto. Raüta adü na jinkom kharii maq khato. Kiimaq jinraü kharii maq banto. Raüta apaiq ka Bebilon mung na shumwi ma shea wanto.

ISAIA 22:3

Ümsengi welabi thun ka tlotli aju riito kiimaq tsangshiq raq liqsin kiishi min mihiip shaq wiili re raq laphoto.

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 24:8

“Kiimaq Juda mung Hokhamwe Jedekia, kiimaq mung welabi apaiq rai pongtibi thun kra, kiimaq Jerusalemti mungmaiqse ahinti thun kra, ümchuwa armung na sitlaqtibi riimakla Ejip mung na laühotiiti thun kriika, Ngi, Tatiwe raq, ara abi bihea langlang asea maimak phupmuptsi akha miliiha.

JEREMIA 38:18

Shatmaq ümniiraq ümkhum ka tsangshiq ma kiinong kuq maü raüla, ara chela ka Bebilon mungti jaq khon mong niishe mikuqbaiq. Krai mren tsangshiq raq arka wa maq michaqbaiq. Kiimaq ümniimin tsangshiq jaqkhon mong wa lunlot maü mirhaü.”

JEREMIA 38:23

Kiijiishe ngi raq tiitsuq akha ngukang, “Namnyung tiim thun kiimaq namsetiim thun ka wiitarü Bebilon mungti jaq khon na mikiinong kuq baiq. Raüta tsangshiq raq mishea wan. Kiimaq ümniimin tsangshiq jaq khon mong wa lun lot maü mirhaü. Bebilon mungti hokhamwe raq ümniika munglu shumwi ma mishea wan. Raüta ara chela ka wa miishe michaq baiq. Raüta botkhulai rai mishotbaiq.”

JEREMIA 4:12

Tatiwe aming maq rahai saü wantlaq kriika kriithaq na henghea miraq! Jamkhano ngukla arka Tatiwe apaiq raq dongdii asenginok khuthaq na khapho rahai she tiisaühotlo.

JEREMIA 44:30

Ngi raq Juda mung Hokhamwe Jedekia ka jamkho apaiq tseabaiq tan khanti Bebilon mung Hokhamwe Nebukadnejar jaq khon mong na kiinong kuqbaiq kang ikiikhiisii hali, Ngi raq Ejip mung Hokhamwe Hophra kiimin ajaqtinok apaiq tseabaiq tan khantinok jaq khon mong na mikuq baiqha.”

JEREMIA 49:23

Tatiwe raq Damaskas chela miitu akha nguto, “Hamath chelati nai Arpad chelati raq tsütsa abi tai raüta kai chapatlo. Tsangshiq tsan na akii anyiili she khamjong chum tso blun wantlaq ikha tiikaü miilap sitlo. Tsangshiq ka tsan asang maq silot mak.

AJONJÜ 1:3

Juda mungti ümchaü maiqdi maiqmakong she, tsangmung wa pongmung na tsuq wanto, Tsangshiq pongmung niishe sitlo, Tsangshiq hiqhü rahü she, Tsangshiq komtam chiqse rewe phong li she, Ajuchang lam ahü she.

AJONJÜ 4:20

Tsangshiq raq nashiq tsitsü raüchong laphoto, Tatiwe raq ashong na hokhamwe laphoto, nashiq khup wongketi, nashiq kamsea chang laphoto.

EJEKIEL 23:24

Tsangshiq raq ümniika shekhu nü maq mikhat phaho. Phenlabi phong ka pahea misheaho. Kumrang leng na chaoti phenlabi ka pahea misheaho, kiimaq hupsam hoti leng thun min pahea milamho. Tsangshiq ka liiq kiimaq jinkhuphok thun sam raq raq misaüho. Raüta tsangshiq raq ümniika tiikomtam maq mikom wan. Ngi raq ümniika tsangshiq jaqkhon mong na mikuqbaiqha. Tsangshiq raq ümniika tsangshiq thung tri maq ümkha ka mipho.

HABAKUK 1:7

Tsangshiq sham na lüma phiiptsi jiiptsi. Tsangshiq ningkun tri raü kli, tsangshiq tri. Ajiq alam tsangshiq raq thithi.

WEAWEA 13:21

Krai mren, siwebi ka shekhu nü nü wang kiina wa wanto. Raüta mung ka shemai nü na Jin rumnyangkhi wang maq sipha wan raüta, shekhu nü wang na Hamath Pumchit tho na Rehab wang binjü na saüli siwanto.

JOSHUA 13:5

kiimaq riita, Gebalnok hiq wang kra; kiimaq riita, shedong nü mung wa, Lebanon mung tlotli wa, Harmon Pum wang wa Baalgad chela kra hamli maq riita, Hamath Pumchit na saüli.

JOSHUA 4:13

Tatiwe khaki na rewebi rekhat ma khekham maiq hingroqblai tinkhan, raq Jeriko tho na hiqthungtan kra jin wanto.

JOSHUA 5:10

Israilnok ka Jeriko chela tho na Gilgal tan na lamjap piitiip sitlaq bala, kra jipi lü wa raroqshiri rablai raji na, Tiichhiiwan Poi kloto.

PHOWEBI 3:3

Riita kra mung na tiichong kitaq maiqmung thun ka Philistainnok chela biingi, Kanannok phan tlotli, Sidonnok, kiimaq Lebanon pum thun na siti Baal Harmnon Pum maq phawan raüta Hamath Kinchit na saüli siwanti thun ka riito.