JEREMIA 38:4 - ASII LAKDAP Bible (BSI)

⁴ Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

Hawa Naga Bible 2001

⁴ Kvruex yimaq vyungx vlaungx bix kuex hokhvmx waz kox nuex kaz vtueq, “Vruex waz kuex vthueyc aungx yaq. Piq rueq kvkhoc jungphvnc ningkhvnc nuex ghaqyungx wawc nolaungx bix hungc vlaungc kuex tvyomx yaq, piq kuex ghaqyungx vyuq kvjungx yaq miqsaz muex romc kuy tvkoc hunglaungx jix waz rvmuq, tsuinghez kuex tvthuiuz sac roc jix waz rvtueq,” ngoz tueq jungx tueq.

JEREMIA 38:4 Referencias Cruzadas

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

2 KAÜWA WERAÜ 24:21

Hokhamwe Joash riimin Jekeria tseabaiq miitu mattanti rai pongto. Krai mren hokhamwe aming maq mungmaiqse raq Jekeria ka Shomjam rinkea thung maq long maq tiiq raüta tsatbaiqto.

EJRA 4:12

“Naishiq raq Ajong Pinthum Hokhamwe ma bomtsi ara ümniima tiitaike wan rotiikai. Ümwokhong na siti Jehudinok ka tsangshiq sichang mung ahin maq Jerusalem niishe laüho wito. Raüta ümchaü sanha tsangshiq ka, man na redong akhing na atiithenbaiq, ara abi pinthum kiimaq hokhamwe wokhong na siro mak mungshukti chela, Jerusalem kra hali tiihea hai nong tlo. Tsangshiq raq chela tro na longperuk thun kra tiihea hai wanto she. Jaqsham ka jaqlo liipan niilishe mingut wan.

NEHEMIA 6:9

Tsangshiq raq arthun joja rat tlaq arka, naishiq ka tiihai chhai raüta, jaqsham kra tiithaq baiq haijaq nguta tan khanto. Kra ningkhan ngi raq akhli achu jaü kang, “Shatmaq, Shiikeawe lei, ümchaü ngi ma ningkunli shoqkuq laq!”

DUNGWVNC 5:4

Hokhamwe raq Mosheq nai Aron ma nguto, “Namnai raq mungmaiqse ka tsangshiq jaqsham wa jaram tiichiim sam wa? Kra dikong thun ka tsangshiq jaqsham chang kiina sheahotlo ronglaq!

JEREMIA 11:21

Anathoth chelati raq ngi ka atsea baiq chang nguta tankhanto. Krai mren tsangshiq raq ngi ma, ngi raq Tatiwe tsütsa ka chii riim lata chongkuq ruq riiha jiila, tsangshiq raq ngi ka mitsatbaiqhai nguta chongto.

JEREMIA 18:23

Shatmaq, Tatiwe, tsangshiq raq ngi tseabaiq miitu thiikho ümchu wa thutaq thun ka ümniiraq asap-haü. Tsangshiq raq abi klotlaq kra mra thun ka naqdii kuqkiq. Kiimaq tsangshiq ngarai bu ka naqdii kuqkiq. Tsangshiq ka re ma tiinamtok tiikhattlaq. Laüta ümtsankhiq bala tsangshiq ma mo tiiholaq.”

JEREMIA 26:11

Raütiishe ramwebi nai shammibi raq mungmaiqse ma akhiishe khatan bomtsi nguto, “Arwe ka tiitsailaq tseabaiq chang kha tangto. Jamkhano ngukla apaiq raq nashiq chela khuthaq na abi bomto. Namshiq raq maiqmii ni maq tailan kata.”

JEREMIA 29:7

Ngi raq namshiq ka ümra chela thun niiwa munglu shumwi kong ma tsuq wan kang, kriithun chela kiijaq silanta, namshiq sitlan chela thun kra tiijonglu wan miitu shamhea kaiwa sham lanta shongnga ronglaq. Tsangshiqnok miitu ijaq wa achu jaü kuq lili ronglaq. Jamkhano ngukla, tsangshiq ka chiithe lüwajong siraüla, namshiq kiimin chiithe lüwa ma mija han.

JEREMIA 38:16

Kra ningkhan, Hokhamwe Jedekia raq ngi ma ahukse maq akha kiqkham kuqto. “Ngi raq atra Shiikeawe man na, nashiq ma tsitsü ketiwe Shiikeawe man na, atiitum lata ngutiikang, ngi raq ümniika tsat baiq mang, riimakla ümnaq tseabaiq tankhantibi maiq jaq niimin kiinong kuqbaiq mang.”

JEREMIA 38:25

Riita ajong alabi raq ngi ka ümniirai riibomkang nguta thohe raüla, tsangshiq ka ümniiphana miki. Raüta nanai raq jamlai wa riibomkai kra miwai. Ümniiraq tsangshiq ma linham linhok chongkuq raüla, ümniika tsatbaiq mai mirhai nguta tsangshiq kiq mikhamkuq.

JEREMIA 43:3

Neria se Barukh raq ümniima naishiq ngeng raüta lule kloto. Kriika Bebilon mungti phenlabi raq naishiq ka tsangshiq wokhong na mithü laq. Raüta naishiq ka atsea mirbaiqlaq, riimakla naishiq min Bebilon mung na mitsuq wan laq nguta lule klotlo.”

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

AMO LUIK DVP (AMOS) 7:10

Kiijiishe Bethel chela wa ramwejongwe Amajia raq Hokhamwe Jeroboam ma Amos khuthaq na akha shokto: “Amos raq ümkhuthaq nai Israil nyungchong chela maq chap raüta, manson kiqsü bom abi pinthum pahea she sontam wanto. Israil mung ka apaiq shammi bomchong tiithai mai tlaq kriiraq amashe nyam wanto.

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

Acts 16:20

Raüta, tsangshiq raq tsangnai ka Roman siihiipbi khaki na sheaho raüta, tsangnai ka, “Arwetiim arka Jehudinok phan. Tsangshiq raq nashiq chela na mungmaiqse ka wiita she tiimrurang hoto.

Acts 17:6

Shatmaq, tsangshiq raq tsangnai ka hum mak dea riito. Kriikha miishe, jamchongti we Jason nai phunainotiim wiijamti ka krun krun she hit-ho raüta, kra chela hupkhang wanti welabi man na hithoto. Raüta, “Arwetiim raq barap binrii na mung wiita brak shaq baiq wanto! Raüta ümchaü ka nashiq chela niishe saü wato.

Acts 24:5

Naishiq raq arwe arka mungshuk shaqti pinthum haisi chang ashi chhi tiikai. Apaiq raq mangjong tlotli na, Jehudinok phan liipan na, tatso wiinyi pahea tiibrak shaq wantlo chhi tiikai. Kiimaq apaiq arka, Najareth hiqti we phung wa lamsheati wela ashi.

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.