JEREMIA 38:5 - ASII LAKDAP Bible (BSI)

⁵ Hokhamwe Jedekia raq treto, “Ahea na, ikhii jiiha. Namshiq raq apaiq ka jamkha riihowa dan tlan, kriika namtsam raq thi na. Ngi raq namshiq ka tiiwin mang.”

Hawa Naga Bible 2001

⁵ Hokhvmx Zedekia rueq, “Vhvlx pinhtumc, piq kuex nuimshiq rueq vroc ruez shuinz; ngaz rueq tvwanc lot mauk,” ngoz tueq tvralc tueq.

JEREMIA 38:5 Referencias Cruzadas

2 SAMUEL 19:22

Shatmaq Dawit raq Abishai nai aphu Joab ma nguto, “Namnai ma bom juro waita? Namnai raq ngi ma mra tiipinke shea tan tlan? Ngi tiina ümchaü Israil mung thaq na hokham. Krai mren, ümchaü ranaiq Israilnok mung wa ju miisaq min tiithum maimak.”

2 SAMUEL 3:39

Ngi ka Israil mung na Shiikeawe raq tsea raüta hokhamwe ma shongto. Li jiimin, ümchaü ranaiq ngi ma athü adake wanti khamlawe ashi ariwan ikha tiima tiikang. Ara Jeruiawe setiim arka ngi ma mat atsa niqke wantibi kong. Tati riitiq ara mat-saü tsase kong arma mo miitho kuq laq!”

TAKSU LAK 29:25

Maiq ma haisong tsii ka, maiqmii deawa chang thiikho; shatmaq jurwa Tatiwe ma, kamtlaq kriiti ka mitiichhiikuq.

JEREMIA 26:14

Kiimaq ngi riiwe kla, namshiq jaqkhon mong na kata! Namshiq raq jamlai klohan jiiwa ahea nguta thapthitlan kra phan phan klo rong liina.

JEREMIA 37:17

Kra jai miishe Hokhamwe Jedekia raq ngi ka tiisheakito. Raüta apaiq raq ahokham jam maq ahukse maq ngi ma akha waito, “Riita Tatiwe nü wa tsütsa asi sha?” “Asi” nguta ngi raq abom ka trekang. “Ümniika Bebilon mung hokhamwe jaq na mikiinong kuqbaiq.”

DANIEL 6:16

Krai mren she hokhamwe raq Daniel lapwa miitu aming kuqto. Raüta apaiq ka hangsikong khok mong kiijaq tiidea baiqto. Apaiq raq Daniel ma akha nguto, “Riita ümniika ümniiraq apaiq rai tiipumtlii laüta shomnoq tlaü Shiikeawe riitiq she dea mitiichhiikuq laq.”

DANIEL 6:17

Kra raütiishe, longkaü ashi maq kra khobok nüki ka sukbaiqto. Raüta kra longkaü pangchang thaq na, hokhamwe sil nai asengi aki miikiimbi sil kriimaq sanbaiqto. Krai mren, Daniel ka kra thiikhobok mong wa, maiq ahinti juwe riimin tiichhiikuq lot mak chang she longsha kilü ka sanbaiqto.

1 SAMUEL 15:24

“Tengto. Ngi raq ngarai tangkang dea,” nguta Saul raq treto. “Ngi raq Tatiwe aming nai ümniiraq tsii achongkuq haü ka tlea kang dea. Ngi ka isengibi ma haisi khamaq tsangshiq raq achongchong kra klo kang.

1 SAMUEL 29:9

“Tengto kra ngutlaü ka,” nguta Achish raq treto. “Ngi raq riiwe kla, ümniika rase ashi ikha iwokhong na sitiwe maiqshaq ashi ngutiidea tiima tiikang. Shatmaq hokhambi ahinti riishe ümniika naishiq rai rekhat kai dam maimak dongdii ngutiishe khiihoto.