JEREMIA 31:18 - ASII LAKDAP Bible (BSI)

¹⁸ “Ngi raq Israilnok ka tsanbitsi ma akha bomtlo tai tiikang, ‘Tatiwe naishiq ka rum ngamse tiipok hü ikha sitiikai, shatmaq ümniiraq naishiq ma ümnaq aming lang miitu shrinkuq laü. Naishiq ka sheawan nonglaq; naishiq ka ümwokhong na nyap wan miitu khekham sitiikai, Tatiwe, naishiq Shiikeawe.

Hawa Naga Bible 2001

¹⁸ “Ngaz rueq Israel miqsaz rvjungc yaq yonzyex tvruingc kuex tay tauk, ‘Yehowa lex, nuiyshiq kuex tsvy hvlc ngvmx saz ikhoc yaungx kaz vtix, yuq muinz nuiyshiq rueq phvnc tvkoc mnoz rueq tvluing kuq phux. Nuiyshiq kuex shvlx wvnc yek koq; nuiyshiq kuex Yehowa nuiyshiq Tishox kox nuex yek tvkoc tvyoalc yoalx rvtiq.

JEREMIA 31:18 Referencias Cruzadas

YOBA 5:17

Kechu jonghea juwa Shiikeawe raq tran tsii tlaq! Apaiq raq ümniika sontam haüla naqthaikiq.

Tvtsvmc 118:18

Apaiq raq ngi ma mo ka tsihea tiihoto, shatmaq apaiq raq ngi ka tiitsaimak riito.

Tvtsvmc 119:67

Kongkhu niika ümniiraq ngi mitsat sonhaü shaq na, ngi ka lamjiq na kiholili riikang, shatmaq ümchaü sanha ümbomtsi wokhong na sitiikang.

Tvtsvmc 119:75

Ngi raq asapha ümniiraq kha photlaü ka tingting, Tatiwe lei, kiimaq ümniiraq ngi ma mo tiiholaü ka ngi tsapkap laüta tiiholaü.

Tvtsvmc 31:15

Ngi ka wranaiqshe ümwokhong na; ngi ka ijaqtinok jaqwa tiichhiikuq laq, ngi tiichamchaoti maklii wa tiichhii kuqlaq.

Tvtsvmc 32:9

Kumrang ikha riimakla kumshot kaü ikha tsiihü naqja rongkiq, tsangshiq ka jinpo tiikaq raüta nai ngamkhü shinket maq hitraütiitiq tiikhum chang.”

Tvtsvmc 80:19

Naishiq ka tiijang shea wan nonglaq, Tati Ajong Pinthum Shiikeawe lei, Naishiq ma ümtiihang mangchan tiichhilaq; raüla naishiq ma hansang miraq.

Tvtsvmc 80:3

Naishiq ka shea wan nonglaq! O Shiikeawe lei! Naishiq ma ümtiihang mangchan tiichhilaq, raüla naishiq ka mitiichhii wan!

Tvtsvmc 80:7

Naishiq ka naimung na hali tiijang shea wan nonglaq, Ningkun Ajong Shiikeawe lei! Naishiq ma ümtiihang mangchan tiichhilaq, raüla naishiq ka mitiichhii wan!

Tvtsvmc 85:4

Manna jamkho arong awin sikai kiikha tiisi wan nonglaq, O Shiikeawe naishiq chhiitiwe lei, laüta naishiq ma ümtsan ka naq tiibikiq she!

Tvtsvmc 94:12

Tatiwe lei, ümniiraq trantsiitlaüti ma peohea, ümniiraq ju miiwa ümtri shrin tlaüti ma!

TAKSU LAK 26:3

Kumrang ka atiikhum ma, raü sintsang maq tsat chang, kumtoq ka atiikhum ma anü na, jinpo tiikaq chang. Ikiikhiisii angiti tiitsii miika, sintsang maq tsat chang.

TAKSU LAK 29:1

Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

TAKSU LAK 3:11

Ise lei, Tatiwe raq, ümniima tsiichong tsat son phaüla, ni tiitsii laüta tiitsang tailaq, laüta honlam shat riilaq.

ISAIA 1:5

Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 51:20

Lam awea lamshok tek na, ümsenginok ka alangpit tsi raq küram liiraq bumkito; tsangshiq ka chhingise maiqchiiq na aminrai ikha. Tsangshiq raq Shiikeawe tsankhiq sintsang heng ka saptoshe.

ISAIA 53:7

“Apaiq ka notshot haihü wanto, shatmaq apaiq raq kaiqshak miili nin wanto; apaiq raq bom poshi min bom mak riito. Skuranse ataa phaho ma hitho tlaq ikha, skuse abin sima hithotlaq ikha, apaiq raq bom poshi min bom mak riito.

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

ISAIA 9:13

Ajong Pinthum Tati raq Israilnok ka tsatto. Shatmaq tsangshiq mra ka tiidiimak dea. Tsangshiq ka apaiq wokhong na jang wan mak dea.

JEREMIA 17:14

Tatiwe ngi tsi ara tiihealaq. Raüla phintsaqtsaq she miheakiha. Ngi tiiwong kuqlaq. Raüla ngi ka minhap tiichhiije she miraq. Ngi raq ümniikli tiitsam tiikang!

JEREMIA 2:30

Ngi raq ümniima mo tiihokang. Shatmaq kriika ümniima jam achu min ahüli jatlo. Ngi raq ümniika trantsii la nguta tiima phala, ümniiraq ibom tai maü. Hangsi kaü ahok aho giwan tlaq ikha, ümniiraq üm shammibi tsatbaiq laü.

JEREMIA 3:25

Nashiq ka hiq na bum laita jeasitsi ma, na jea ngaü tiikai homa kriimaq tiipang laitli she sichang. Nashiq pat wa nai natitiim pat wa maiq thun raq nashiq Tatiwe, nashiq Shiikeawe man na rilung wiilü ngarai tangphaq laitli siwankai. Nashiq raq apaiq aming thun ka lang wan maidea riikai.”

JEREMIA 31:6

Kriika tengto, akhing misaü wan, rawa kinkhetibi raq Ephraim wang kinthun maq, ‘Nashiq ka Jajon chela na nashiq Tatiwe, Na Shiikeawe phana kirong i’ ngutiishe miriim wan.”

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

AJONJÜ 5:21

O, Tatiwe lei, naishiq ümwokhong na, jangshi ri shea wan nong laq! Richüpat wa lüwa khushü ka, naishiq ma jangkuq nong laq.

EJEKIEL 20:43

Kiijiishetiq namshiq raq, namshiq raq ümtinkhan wa maiqjea asi klo wan lan thun kra namtsan mong na midong wan. Kiimaq namshiq raq maiqmii khum ka jamkho tiisheshi baiq wanlan, kriithun ka namtsan mong na midong wan. Namshiq ka maiqmii nai maiqmii kli she mitiitap tang han. Jamkhano ngukla namshiq raq atinkhan ashut klowan wan lan.

DANIEL 9:13

Mosheq raq awaiq thü Thungtri lakdap na chongtlaq kra phanphan dea, naishiq ma manson chamchao ka kuqlaü. Shatmaq ümchaü min, O, Tati naishiq Shiikeawe lei, naishiq ka naishiq ngarai lam phan wa ümwokhong na jang wan laita, ümnaq tiichochi wan ka tiima ra mai sitiikai. Kiimaq ümniiraq akuq haü tengteng bomtsi kra phan phan siwan mai riitiikai.

Hosea 10:11

“Israilnok ka minsaü saüshiikaü nithe atsin ikha riito. Khaolüm tsam phong niti riito. Shatmaq tsomhea adangkong na, phu tlak lata ahea jaqsham shrin wan kang. Juda miika wak hiq atsin tiithu wan kang. Israil ma wak ka phu maq tri wan kang.

Hosea 4:16

Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

Hosea 5:15

“Ngi raq isenginok mimiimbaiqha, lata tsang ngarai miitu riitsi tsaitsiiq mitiichamchaoha, jursap, chamchaotsi ma tsangtsii lo chhijiiq riila, raüta ngi lo rit wan jiiq riila.”

Jona 3:10

Shiikeawe raq tsangshiq jaqsham ka chhito. Apaiq raq tsangshiq ngarai hon atsii mra tiidii wantaq kra chhiraüta san, apaiq raq kongkhu ji maq, tsangshiq ka ashthen mea nguta tiimataq kra, aklai she riito. Tsatmak she.

JEPHANIA 3:2

Chelati raq Tatiwe bom, taimak tleato. Kiimaq apaiq tsii chong sintsang min, taimak riito. Apaiq raq Tatiwe ma kammak riito, kiimaq apaiq khrum min jaümak riito.

MALAKI 3:16

Kiijiishe Tatiwe ma tiihai shat maq siti liipan na bom ka riichongto. Kiimaq Tatiwe riimin tsangshiq bom ka taito. Kiimaq tsangshiq raq jamlai wa chongtaq kra trekuqto. Raüta Tatiwe raq apaiq ma haisong tsantsii thüti, kiimaq apaiq shrengti miitu lakdam ashi na akha waiqthüto.

MALAKI 4:6

Apaiq raq awetiim ka asetiim rai adam na hali mitriitam wan nong. Kra riimak nguraü ka, ngi saüho lata, nammung ka shiithenbaiq chang mijaki.”

WEAWEA 2:18

Kiimaq shenyap nü siim niika, Ephraim phan alan khea chantlaq wokhong na siti weraü thun ka akong akong maq, maiqmiimii welabi wokhong na, tsangshiq piitiip thun ka akha mitei wan: Maiq phan aphan welawe maiqwea Ephraim phan wa Ammihud se Elishama 40,500 Manase phan wa Pedahjur se Gamaliel 32,200 Benjamin phan wa Gideoni se Abidan 35,400 Maiq tlotli ka 108,100 Ephraim phan alan khea chantlaq wokhong na siti weraü thun ka kongtsam ngoja na miwa.

Luke 1:17

Apaiq ka Tatiwe ma sinkhu na miki. Shammi Elija ikha apaiq ka kamasham na, achaq awaq miraq. Apaiq raq tapin aki, siwe sise ka ashram mirkuq wan. Apaiq raq lamjiq na akihotibi maiqse thun kra, tingting lamphan na hali mitrap ru shea wan nong. Apaiq raq Shiikeawe sengi ka Shiikeawe puk na nyap wan miitu, tsangshiq tsantsii kra mitiinin ja wan.”

Luke 15:20

Kra tiima wantaq krai mren, apaiq ka kra mung wa tiido wan raüta, awe phaniishe jang wanto.” “Apaiq ka jam maq luhea na awarai niili, awe raq apaiq ka chhito. Ase ka chhi raüta, awe tsan na ase miitu, kai mangchan tsito. Krai mren, awe ka juju kiraüta, ase ka akhuk na pomsaq pomhotlii riito. Raüta, ase theaphi na shupto.

Acts 3:26

Riita, ara chongtiikai arai mren, Shiikeawe raq Akoli se ka shongto. Raüta, apaiq ka namshiq phana kongkhu tiikito. Ara tiikitaq arka, namshiq ma achu shiiman kekai tiikito. Kiimaq namshiq ka maiqmii ngarai lamphan kra miimbaiq thü lanta, Shiikeawe wokhong na tiijang shea kai nong miitu tiikito.”

Philippians 2:13

Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.

Hebrews 12:5

Namshiq ma, Shiikeawe raq asetiim ma tsii chongke, tsaijido bomchong kuq tlo kriika, laq baiq man khata? Apaiq raq akha tsii chongkuqtlo, “I se lei, Tatiwe raq ümniima tsii chongke tsatson phaüla, ümphaq ümni ka tiitsii shat maq tiitsang tai laq. Kiimaq apaiq raq ümni ka thak raüla, tsaiji naq tran kiq.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.