JEREMIA 31:18 - Hawa Naga Bible 2001

¹⁸ “Ngaz rueq Israel miqsaz rvjungc yaq yonzyex tvruingc kuex tay tauk, ‘Yehowa lex, nuiyshiq kuex tsvy hvlc ngvmx saz ikhoc yaungx kaz vtix, yuq muinz nuiyshiq rueq phvnc tvkoc mnoz rueq tvluing kuq phux. Nuiyshiq kuex shvlx wvnc yek koq; nuiyshiq kuex Yehowa nuiyshiq Tishox kox nuex yek tvkoc tvyoalc yoalx rvtiq.

ASII LAKDAP Bible (BSI)

¹⁸ “Ngi raq Israilnok ka tsanbitsi ma akha bomtlo tai tiikang, ‘Tatiwe naishiq ka rum ngamse tiipok hü ikha sitiikai, shatmaq ümniiraq naishiq ma ümnaq aming lang miitu shrinkuq laü. Naishiq ka sheawan nonglaq; naishiq ka ümwokhong na nyap wan miitu khekham sitiikai, Tatiwe, naishiq Shiikeawe.

JEREMIA 31:18 Referencias Cruzadas

YOBA 5:17

Tishox rueq tvtharc rvhumc jix waz kuex thuinhvlx yaq! Vpiq rueq mnoz muex tvtharc ruiux yuq nauk khaq kaz.

Tvtsvmc 118:18

Vpiq rueq ngaz kuex songhvlc maq murx tvgurc phuex, yuq muinz vpiq rueq ngaz kuex tvthueyc gay muq.

Tvtsvmc 119:67

Mnoz rueq ngaz muex murx max tvgurc nuex doc muinz, ngaz kuex lvmx yaq nuex kaz wvnc tauk, yuq muinz majuiuc kuex mkvjaz ngaz rueq phvnx vshaungx.

Tvtsvmc 119:75

Yehowa lex, mnoz rueq phox vshuiux lvmx kuex tsuingrux yaq ngaz rueq tuiuz vshaungx, mnoz tvmtuing ningkhvnc nuex ngaz muex murx tvgurc vphux.

Tvtsvmc 31:15

Ngaz kuex mkaq muinz m-yauk nuex httax yaq; ngaz muex guirguenz yaq jix nuiyc ngvy ralx hez yauk wawc ngaz kuex palc wvnc koq.

Tvtsvmc 32:9

Kvjaz tay tvkoc ruiuz pumz nuiyc ruiuz pvnc htenc maq nvrc juing mvre nuiyc loze htenc ikhoc vngaz muex nauk yaungx kaz,” ngoz tueq jungx tueq.

Tvtsvmc 80:19

Yehowa Tvphaungc Tvsuip Tishox lex, nuiyshiq kuex tvyez shvlx wvnc yek koq. Mnoz rueq menjenc thuinz kuex nuiyshiq muex tvkhic kuq koq, ngoz ruiux nuiyshiq palc wvnc rvhumc tix.

Tvtsvmc 80:3

O Tishox lex, nuiyshiq kuex tvyez shvlx wvnc yek koq! Mnoz rueq menjenc thuinz kuex tvkhic kuq koq, ngoz ruiux nuiyshiq palc wvnc rvhumc tix!

Tvtsvmc 80:7

Tvphaungc Tvsuip Tishox lex, Nuiyshiq kuex tvyez shvlx wvnc yek koq! mnoz rueq menjenc thuinz kuex nuiyshiq muex tvkhic kuq koq, ngoz ruiux nuiyshiq palc wvnc rvhumc tix!

Tvtsvmc 85:4

Nuiyshiq palc wvnc jix O Tishox lex, nuiyshiq kuex kungkhux wawc ikhoc tvyez shvlx wvnc koq, nuiyshiq lawc roc muq muex nauk yaungx kaz!

Tvtsvmc 94:12

Yehowa lex, mnoz rueq tvhonc tvtharc shuiux nuiyc mtvrac rvhumc lvp wvnc jix waz kuex pinhtumc thuinhvlx yaq!

TAKSU LAK 26:3

Mvre kuex ruiypvnc pumz maq mnoz rueq thuit wungc rax, loze kuex duingx luek ruiuz tvkop kuy rax, kvkhoc vngauk vngaz jix muinz svnthuingx maq thuit wungc rax.

TAKSU LAK 29:1

Lauk wvruip ruip tvtharc koq yuq, yvmx muinz bvlvmx lawx muq waz kuex, raungnuiyq shiz rul wvnc ruiux yuq kvtenc lot muq shex rvtuex.

TAKSU LAK 3:11

Isaz lex, mnoz muex Yehowa rueq tvhonc tvtharc rvhumc ruiux yuq, kvruex vhvlx waq tay vtueq khvmc kuy ikhoc kvruex lvmz taq shuiuz.

ISAIA 1:5

Nuimshiq rueq yvmx ngoz tueq lac khawx lvlx wuez vshuinx? Nuimshiq rueq murx kuex janc vtueq gurc roc haz? Israel lex, mkhux nuex vmac htenc mvrc yaq, mthuinz vmungx nuiyc mthuinz nuex vthuiuz rvyaq.

ISAIA 51:20

Hungc vlaungc nulx wvnc ningkhvnc nuex mmiq htenc kuex lvmx heq tek nuex rul wvnc wuez vtuex; tsuingshiq kuex shvrvyx waz bix nuex vmanz khiyix ikhoc yaungx tuex. Tsuingshiq kuex Tishox thuinkhvy phuk yaq kuex rvhumc vtuex.

ISAIA 53:7

“Vpiq kuex vguirc vguenc rvhumc ruiux muinz thuinz tvyomx vtueq; vpiq kuex bomc poshiz muinz kvjak muq. Vthvy gay muex tulx laq yaq khelbuenx ikhoc muinz, vmulsulc jix khaungkac nuex kuiyqshuik httax yaq khelbuenx ikhoc, vpiq kuex bomc poshiz muinz kvjak muq.

ISAIA 63:16

Mnoz kuex nuiyshiq waz rvtoq. Nuiyshiq jix vwaz tamx Abraham nuiyc Yaku rueq doc muinz nuiyshiq kuex tuiuz muq, yuq muinz mnoz kuex Yehowa, nuiyshiq waz rvtoq, nuiyshiq kuex pattup tuimz guimz wvnc jix kuex mnoz dvyx rvtoq.

ISAIA 9:13

Israel miqsaz rueq tharc humc muq shauk doc; Tvphaungc Tvsuip Yehowa rueq tsuingshiq muex murx tvgurc koq muinz, tsuingshiq kuex vpiq kox nuex yek muq.

JEREMIA 17:14

Yehowa lex, ngaz muex tvhvlc kuq koq, kvkaq ngaz hvlx tvlanc hvlx kaz taungx; ngaz kuex palc wvnc koq, kvkaq ngaz kuex hunghtaungx laz kvwungx taungx. Mnoz kuex ngaz rueq tvtsvmc kvmc juing waz rvtoq!

JEREMIA 2:30

Ngaz rueq nuimshiq muex murx tvgurc ruiux muinz vbac; nuimshiq muex tvhonc tvtharc kuex nuimshiq rueq roc muit. Pinhtumc khaq yaq hangsic ikhoc nuimshiq rueq nuimshiq shvmmax bix kuex thvt gay wuez tuit.

JEREMIA 3:25

Naungshiq kuex yvlc svy thuiuz lez woalc vtueq muingc jungc bac rueq puingc wvnc vphuex. Naungshiq yalxrox pat maq majuiuc nuex httuiuc laz, naungshiq nuiyc naungshiq jix vwaz tamx rueq Yehowa naungshiq Tishox kuex mkaq muinz yaq vtueq khawx lvlx wvnc tiq; piq rueq nvrc bomc htenc muinz phvnx wuez miq,” ngoz tueq.

JEREMIA 31:6

Rvtueq, Ephraim kanx htenc htauk nuex bvmc yaq hez rueq, ‘Yehowa naungshiq Tishox httax yaq, Zion kanx nuex duiz waung ix,’ ngoz tueq ramc shuex vkhing httuiuc wvnc tuex,” ngoz tueq.

JEREMIA 31:9

Ngvy miqsaz htenc kuex vhtaq maq vkhoar yek wuez tuex; vjux thoz jix hez kuex ngaz rueq shvlx wvnc yek shaungx. Ngaz rueq yuix kawx lvmx maq kvhtuip kvluip vguez laz juing lvmx nyel jvt maq tsuingshiq kuex thuq wvnc shaungx. Ngaz kuex Israel muex vwaz rvtauk, Ephraim kuex isaz pekhux waz rvtueq,” ngoz tueq jungx tueq.

JEREMIA 5:3

Yehowa rueq vsuing tvmtuing httaz tvkoc lawc yaq. Vpiq rueq nuimshiq muex murx tvgurc tueq, yuq muinz nuimshiq rueq bvlvmx lawx muit; vpiq rueq nuimshiq kuex tvbunx gay tueq, yuq muinz tvhonc tvtharc kuex nuimshiq rueq lvlc gay tuit. Nuimshiq kuex lung htauk nuex muinz khux vtsanz ningkhvnc nuex tharc humc wuez muit.

AJONJÜ 5:21

Yehowa lex, nuiyshiq kuex mnoz kox nuex tvyez shvlx wvnc yek koq! Nuiyshiq kuex tvyez shvlx wvnc yek koq! Mvnnuex wawc nuiyshiq ngauz vngax kuex yez kuq koq.

EJEKIEL 20:43

Kvruex yimaq nuimshiq rueq shuimx wvnc tuit miqyvlc vsac phvnx lotlaz nuiyc nuimshiq shauk vgvnz htenc mkhoc lac tvshuy shac wvnc tuit kuex nuimshiq rueq rvwvl wvnc yek shuinx. Nuimshiq rueq shuimx wvnc tuit layx bac phvnx lotlaz kvraq nuimshiq shauk gvnz kuex tvshuy shac gay shuinx.

DANIEL 9:13

Moshe Tvrac nuex httax yaq murx lotlaz kuex nuiyshiq muex kuq phux. Yuq muinz majuiuc kuex, O Yehowa nuiyshiq Tishox lex, nuiyshiq mvrax htenc wawc kvroz wvnc vtueq mnoz tsuingrux lvmx kuex phvnx vshix ikhoc mnoz muex tvraungc raq vphix rvmuq.

Hosea 10:11

“Israel kuex tsvmz nuiuz tvkoc vtvyoalc taq manx pex pangx vshiz rulc rv-ngvlc yaq. Yuq muinz piq svp hvlc duingx htauk kvyuq kantaung tvdaungc vtueq yauk shuimc tvhungc tvkoc piq nuex kekox tvdaungc muex ngaz rueq htvp htaz taq tauk. Ngaz rueq Yuda muex tvhtuz ruiux Israel muex tv-nyet shaungx.

Hosea 4:16

Israel miqsaz htenc kuex kumrawx htenc ikhoc duingx tsanz wuez yaq. Ngaz rueq tsuingshiq kuex khelbuenx sahez ikhoc ghaq htungx httuingx ruix tvnx nuex yvmx khoc lac remx lot shaungx?

Hosea 5:15

“Ngvy miqsaz htenc rueq tsuingshiq mvrax htenc laung nuex kuilc daz rvhumc vtueq, ngvy kox nuex yek waungc vkhing nuex httuiuc laz ngaz rueq tsuingshiq kuex tuip gay shec shaungx. Tsuingshiq kuex kuilc daz rvhumc tuex nuex ngaz kuex laungc maq thuiyx wuez phuex.”

Jona 3:10

Tishox rueq tsuingshiq yvmx lac shuimx wvnc tvnx kuex khiz tueq; tsuingshiq rueq tsuingshiq layx vbac honc vyaungc htenc tuip gay tueq kuex khiz tueq. Kvkhoc rvtueq vpiq kuex vthuinz kvlayc wvnc ruiux vpiq rueq shuimx shaungx ngoz tueq jungx tueq rulc rv-ngvlc tsuingshiq muex murx tvgurc muq shex.

JEPHANIA 3:2

Kvruex ghaq kuex Yehowa kvjaz tay muq nuiyc vpiq tvrac kuex phvnx muq. Yehowa muex kvmx muq kvdvyx muinz rvmuq, piq tvkoc romc kuy thoz muq.

MALAKI 3:16

Kvruex yimaq Yehowa muex hiyaz jix htenc tsuingshiq vdvmz dvmz rvjungc phvnc wuez tueq kuex Yehowa rueq tay tvtsuingc vtueq tay tueq. Yehowa muex hiyaz vtueq tvtsanc nganc jix htenc muingc wvlc kuex vpiq khaungkac nuex luik dvp vshiz kvyuq wuiyq tvtsuingc taq tueq.

MALAKI 4:6

Piq rueq vwaz tamx nuiyc vsaz hez kuex vdvmz nuex tvtuimx yek shuex; kvkhoc rvmuq ngoz ruiux ngaz httuiuc kaz vtueq nuimshiq mungtan kuex tvbac gay shaungx,” ngoz tueq jungx tueq.

WEAWEA 2:18

Shalx nyuip kox Ephraim phvnx nuex seng yaq nganc dvmx hep kvyuq vgongx kuex tv-phvnc miqmac walaungx rulc jerak tec naungc kuex vkhoc ruec rax. Phvnx Walaungx Muingwvlc Ephraim Ammihud saz Elishama 40,500 Manase Pedazur saz Gamaliel 32,200 Benjamin Gideoni saz Abidan 35,400 Romshauk: - 108,100 Ephraim phvnx kuex lombot thuimx nuex kay rax.

Luke 1:17

Piq kuex Taungjix max nuex kay jix waz ningkhvnc nuex shvmmax Elia ikhoc hungc vlaungc httax vtueq yungx luz yaq. Piq rueq vwaz tamx nuiyc vsaz tamx kuex vdvmz nuex tvrungx raz kuq shuex, kvjaz tay phvnx muq jix kuex tsuingrux jix lvmx nuex shvlx tvyez wvnc shuex, Taungjix tvkoc tvyoalc yoalx yaungc muex vpiq miqsaz htenc kuex tvyoalc laz shuex,” ngoz tueq Zecharia muex jungx tueq.

Luke 15:20

Kvkhoc rvtueq piq kvtenc vtueq vwaz kox nuex yek waung wvnc tueq. “Vluz waq nuex piq waung yaq kuex vwaz rueq khiz lvp tueq rulc rv-ngvlc piq muex menjenc thuinz vmungx maq vyuz vbaz kaz vtueq vsaz duingx nuex rvwak ruiux htvlx nuex shup tueq.

Acts 3:26

Kvkhoc rvtueq nuimshiq layx bac lvmx htenc kuex tuip gay shec ruiux, ruimrix lvp wvnc tvkoc Tishox rueq vpiq Nvrc Waz kuex nuimshiq kox nuex vphaungc tvkaz tueq,” ngoz tueq Peter rueq jungphvnx kuq tueq.

Philippians 2:13

yvmx khoc lac ngoz ruiux lec Tishox kuex vpiq thuinroc kvmungx lvmx nuex tvtay tv-phvnc roc thuinz maq phvnc lot juing hungc nuimshiq rueq lvp wvnc muex vpiq kuex nuimshiq nuex kvjungc phvnc hung yaq.

Hebrews 12:5

Vsawc luik nuex Tishox rueq, “Isaz lex, Taungjix rueq tvhonc tvtharc yaq kuex tvtsuingc taq shuiuz, vpiq rueq mnoz muex httonx vtueq tvtharc ruiux yuq, thuinz nauk tvbac kaz.

Revelation 3:19

Ngaz rueq ngaz lungwawx vshaungx jix lotlaz muex tvhonc tvtharc vtueq murx tvgurc vshaungx. Kvkhoc rvtueq mnoz thuinz hungc tvyungc ruiux thuinz layc lvp shuiuz.