JEREMIA 30:6 - ASII LAKDAP Bible (BSI)

⁶ Ümchaü min tsaq ronglaq lanta tiima ronglaq! Maiqwe ashi riika ase michiisha? Ikhiijiika Ngi raq maiqwere loweatek ka tsang jaq maq tsangwok po na kam raq raq, jechak nyung ase chii na phephiiqtlaq ikha ka jaro? Maiq loweatek ka tsang theaphi mut maq maq ka jaro?

Hawa Naga Bible 2001

⁶ Majuiuc kvruex tvthauk ruiux tvmaung shuiuz! Miqwaz rueq vsaz jawx yaq haz? Nox wuic khic thuiuz yaq nyuiuz ikhoc yvmx ngoz tueq lac miqwaz rulx rueq miqmac wuk kuex miqmac yauk maq htuinc wuez yaq kuex ngaz rueq khiz vshaungx? Miq tek vtueq yvmx ngoz tueq lac luiz lep lep rvkaz wuez tvnx?

JEREMIA 30:6 Referencias Cruzadas

Tvtsvmc 48:6

Kiijaq tsangshiq ka haisi kiimaq pinthum kiinyiito, jechak nyung asechii tsi ma chamchaotlaq ikha,

ISAIA 21:3

Riisham mak maq jamlai wa chhikang kiimaq riisham ni maq taikang kriithun raq ngi ka phiip ma tiitsai wanto. Kiimaq itsan mong na tsihea, jechak re asechii na atsi chamchaotlaq ikha tsito.

ISAIA 29:22

Arningkhan na ümchaü sanha, Tatiwe, Israilnok Shiikeawe, Abraham ka litkot chamchao akhing wa khup wongketiwe raq ngutlo, “Isenginok lei, namshiq ka ümchaü sanha khushü jampaqpaq ka siman she mirhan. Jeangaü lantea namtheaphi ka munjuk mijuk ka siman she mirhan.

JEREMIA 13:21

Ümniiraq jamlai she wa mingu haü, ümniiraq kongtibi khla nguta atiima haü nok raq nam mung ka khat raüta, namshiq ka jamsha wan raüjaq? Ümniika maiq nyung nowü chhi tsi ma hoqtlaq ikha mihoq haü.

JEREMIA 22:23

Ümniika maisak toqpum kham mong na bumsiq tlaü, kriika Lebanon pum wa alam wa; shatmaq ümniima chamchao akhing saü raüjaq, ümniika maiq mang ngam chan michamchao haü, maiqnyungre nowüchhi tsi hoqtlaq ikha mirhaü.

JEREMIA 4:31

Ngi raq maiq nyung no wüchhitsi ma hantlaq ikha aho taikang, ase chhikhu do akhing na siiraitlaq ikha. Kriika Jerusalem hotlo, atsitsü pit wan kiita ajaq wiinai ka ra na tiipii raüta ngutlo, “Ngi ha miqkang she! tsangshiq ka ngi tsea wa watlo!”

JEREMIA 48:41

Raüta Mob mung wa chela thun nai chela kiitelong ruk thun ka wiita khat raüta mijii wan. Kra ranaiq akhing na Mob mungti phenlabi thun ka jechak nyung asechii nowüchhi tsi dongho raüjaq kiinyii phephiiq tlaq ikha mihaisiq.

JEREMIA 49:22

Re raq Bojra chela ka liihawe raq pechong mun maq ajolulu raüta wu dophaq wan tlaq ikha mido phaq wan. Kra akhing na Edom mungti phenlabi ka jechakre nowüchhitsi na phela tlaq ikha ahai sitsi ma miphela.”

JEREMIA 49:24

Damaskas chelati ningkun ka ajom she. Raüta akiinyii tsi ma wiita she pintrangto. Tsangshiq ka jechakre nowü chhi tsi akhing na phetlaq ikha kai chamchaotlo.

JEREMIA 50:43

Bebilon mung hokhamwe raq tsütsa ka taito, kiimaq ajaq aji ka atiikhai rokrok maakito. Apaiq ka akii anyii phiip raq tsai wanto, jechak nyung nowüchhi tsi chamchao tlaq ikha.

JEREMIA 6:24

“Naishiq raq tsütsa ka taikaishe,” nguta Jerusalemti raq ngutlo. “Kra tailaita naishiq hok ajaq wiita nintata she tiikhaikito. Jechak nyung nowüchhi akhing na atsitsi ma phetlaq ikha kiinyii wankai.

DANIEL 5:6

Kra chhiraüta athea ka lütaitai she mutkito. Kiimaq apaiq ka, kai akii anyii phiip raq atsai she riito. Alakü ka tiikhai rokrok she riito.

Hosea 13:13

Israilnok chhun wan chang lamlu asi. Shatmaq tsangshiq angi maiqjiq. Nowüchhi akhing na, anyungwok mong wa rawüchhiki romak, anyung puk niili ngatlaq no ikha

Yoel 2:6

Kupchikong watrang chhiraüta, maiqse angu kunli phiipraq tsai wanto. Maiqse theaphi tapdali she riito.

NAHUM 2:10

Ninewi ka botkhulai rai shotto! maiq thun wiita pinto! Hiqmiq changkhü miishe jato! Tsaihü jihü phiipjiip wanto. Tsanghok tsangjaq tiikhai rokrok; rok-hü riihü tiimelot mak. Tsang theaphi na tapkhu da, munjuk mijuk!

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.