JEREMIA 30:5 - ASII LAKDAP Bible (BSI)

⁵ “Ngi raq maiq aphiip ajiip aho trang tai tiikang, haisitsi ma hoqsii trangtlo hansang bom ka riimak.

Hawa Naga Bible 2001

⁵ “Ngaz rueq vhiz kawc yawc guyc kuex tay tauk, kvruex guyc yaq kuex nomic guyc sez rvmuq.

JEREMIA 30:5 Referencias Cruzadas

ISAIA 5:30

Ümtiikiiwa kra ranaiq akhing she saüjiiq, raüla tsangshiq ka Israilnok khuthaq na khamjong chum blun wan tlaq ikha amok dung dung mihok wan. Liimanta, armung ara! Ranyaq tangtang kiimaq pitlang pitthea akhing she saü wato! Rawüli ka ranyaq wa riishe pangbaiq wanto.

ISAIA 59:11

Naishiq ka ahang ahun li. Laita akii anyiili sitiikai. Naishiq ka Shiikeawe raq maiq jaq khon mong na ji maq nishishi haihü raüta tiichamchaotlaq kiiwa tiichhiikuq wantlo haüjaq nguta thenge tiikai. Shatmaq jamlai khrum lam min chhimai.

JEREMIA 12:12

Rumnyangkhi kumtsaiphii thun kra hamli na, rekong tsiiqtum thun tsoqsea kai kito. Ngi raq armung ka tiithumpak khatkai re tiikikang; jumin hansang maq silot mak she.

JEREMIA 25:36

Namshiq ka gushgu hoqtrang ronglaq. Lanta namtsai tsi ma agi asiishe hoq trang ronglaq. Jamkhano ngukla Tatiwe raq apaiq tsankhiq tsi ma nammung ka tiithenbaiqto she. Raüta nammung hansang maq asi rai han wa ka hiqmiq changkhü miishe tiija baiqto.

JEREMIA 30:4

Tatiwe raq Israilnok mungti nai Juda mungti ma akha ngutlo:

JEREMIA 46:5

“Shatmaq Ngi raq jamlai wa chhitiikang?” nguta Tatiwe raq waito. “Tsangshiq ka akiinyii raüta jai na jang rang jang wanto. Tsangshiq phenlabi thun ka tiinamtok khat baiqto; tsang haisitsi ma phiip raq tsai wanto, raüta tsitsü panthit jutrangto, kiimaq tsangjai nü na liimak she.

JEREMIA 6:22

Tatiwe raq nguto, “Maiq ka shekhu nü mung wa misaüho. Maiq mung ashi ningkun jonghea riimtinok kiimaq luhea na sitinok ka arkhat miitu rechap shuntlo.

JEREMIA 6:26

Tatiwe raq asenginok ma akha ngutlo, “Namshiq ka wunthaü riinaü khea sam ronglaq. Lanta tapkhu ka namkhum na nyat lantea maaho manyi sironglaq. Namse seshilaq laq se maiqwe se tsaiki raüjaq jamkho hoqtlan ikha hoqsiq ronglaq. Jamkhano ngukla namshiq khatkaiti re saüho tlaq kriika tiihanghiiq miilishe misaüki. Raüta namshiq ka mikhat wan.

JEREMIA 8:16

Nashiq khatkaiti renok ümchaü Dan chela niishe saüto. Nashiq raq tsangshiq kumrangkong khü thutrang ka taitiikai she. Tsangshiq kumrang kong thun kra hoqtrang raüla ramok rachhai watrang ikha na mung wiita atiikhai banban she tiikhai wantlo. Nashiq jaqtinok ka na mung ara shiithen baiqkai she saükito. Namung na jamlai phan wa sitlaq kra wiita thumthum she mitiithen baiq wan. Nashiq chela thun kiimaq kiijaq siti mungmaiqse thun thum thum she mishthen baiq wan.”

JEREMIA 8:19

Taironglaq! mung tlot li raq, Ngi raq inok ita aho anyi trang taitiikang; “Riita Jajon chela na Tatiwe ka ahü shea? Jajon riimti hokhamwe ka kiijaq ahü she shea?” Kiijiishe tsangshiq, Tatiwe, tsangshiq hokhamwe raq tretlo, “Namshiq ngi ka sumla phra thun noq lantea, itsan ka jaram wa tiikhiq lan? Kiimaq athü ahü pongmungti sumla phra thun noq lantea, itsan jaram wa tiikhiq lan?”

JEREMIA 9:19

Taironglaq Jajon chela na maaho trang kra, “Nashiq thenkai she! Nashiq ka miqchup jea ngaükai she! Nashiq raq na mung ka miimthü chang she; nashiq jam thun wiitashe runbaiqto.”

AMO LUIK DVP (AMOS) 8:10

Kra akhing na namshiq peo poi shinge ka, maalap maaho majü ma miklai baiq ha. Maaho jümii namkhu loktam silanta, wunthaü riinaü samhong samlanta, ase sekhuq laqlaqse tsaiki raüjaq, anyungwe hoqsii tlaq ikha, mitiihoq pha. Kra thum wan ka jamlai ranaiq maq thichang min riimak she.

HABAKUK 1:10

Tsangshiq raq nokhinti ka, shummii shaqshaq riitlo. Tsangshiq raq munghin hokhambi nai welabi ka, ji maq nishishi li riitlo. Tsangshiq raq chela peruk ka, weahü wiqhü miili watlo. Peruk jai na hiqphong raüta, chela mong na nyap wan raüta, chela kra jii wantlo.

HABAKUK 1:6

Jamkhano ngukla, ngi raq Bebilon mung ma, mangjong hiq lang wan miitu, ningkun she kuq tiikang. Tsangshiq ka ratho chiqhawe ikha, mangjong hiq hamli wa maiqmung thun ka, milongliiq wan. Raüta maiqmung thun ka mijam sha wan.