JEREMIA 3:23 - ASII LAKDAP Bible (BSI)

²³ Naishiq raq hiqlam thun thaq na thatsang wan kai. Kriiriika naishiq ma jamlailiip min ahü riito. Israilnok ma khrum kewanti ka Tatiwe, nashiq Shiikeawe riili khrum kuqtlo.

Hawa Naga Bible 2001

²³ Kankhux poz htenc nuex nuiyshiq yac yuimx nawk palx wvnc tiq, kvruex nuiyshiq muex romc kuq muq. Israel tvkoc romc kuy kuex nuiyshiq Tishox Yehowa kox wawc dvyx lvp lot shix.

JEREMIA 3:23 Referencias Cruzadas

Tvtsvmc 3:8

Rekhat ka Tatiwe raq tiitang kuqtlo, apaiq riitiq asenginok ka mishman kuqlaq.

Tvtsvmc 62:7

Ngi tiichhiiwan nai ikhushü tiijong luti Shiikeaweli; apaiq ka ngi tiiwongti nolajong; apaiq ka tiiwongtiip.

TAKSU LAK 21:31

Rekhat kai ma, kumrang kong ka mitiije haü sham; shatmaq rekhat tangketi ka, Tatiwe kli.

ISAIA 10:20

Akhing ashi misaü wan, kra akhing na, re jaqsong atiichong Israilnok ka, tsangshiq miqchup tiithenbaiqtinok mungti ma tlam raüta simak she miraq. Tsangshiq raq tsang tsantsii ka riikhaqli maq Tatiwe, Israilnok asii Shiikeawe miishe mikam wan.

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 43:11

“Shiikeawe ka, Ngi lamlam li dongdii, ümnaq tiichhiikelotti ka Ngi arli.

ISAIA 44:9

Sumla phra phong tiiqtibi ka thiihü. Kiimaq tisho kong tsangshiq raq pinthum shrengtlaq thun ka jam riichang min riimak atuli. Jurwa ara tisho phong ara noqtibi makchuk kiimaq tsiihü kong. Kiimaq tsangshiq ma jea mitiingaü.

ISAIA 45:15

Israilnok Shiikeawe, asenginok chhiiti, apaiq ka atiipaü raüta siti Shiikeawe.

ISAIA 45:17

Shatmaq Israil ka Tatiwe raq chhiikuqto, kiimaq apaiq raq rekhat tangtlaq kriika pattup misi wan; asenginok raq jea ngaü mak she miraq.’”

ISAIA 45:20

Tatiwe raq ngutlo, “Warongra adam na, maiq mung thun wiita, mungtan thenjai aso tiichonglanti thun; namshiq kha tiipho rung na chap ronglaq! Namshiq pe sumla phra kong rai arü ariiq khumlanti thun, kiimaq tisho kong raq tsangshiq chhiilot makti thun; tsangshiq ka jammin sapphaq mak!

ISAIA 63:1

“Edom mung wa Bojra chela maq waraitlaq ka juwa? Ara kheashii miirii sam raü arang ajong kiimaq ningkun ajong ho raüta warai tlaq ka juwa?” “Arka Tatiwe, ningkun jonghea hoti tiichhiiketi, apaiq raq rekhat tang kangshe nguta tsütsa tiitaikai kitlo.”

ISAIA 63:16

Ümniika naishiq ma awe jong. Naititiim Abraham nai Jakob raq naishiq mang ka sap mak. Shatmaq, ümniika naishiq Tatiwe ka, naishiq ma awe, naishiq ka wranaiqshe tiikhup wongke wantiwe.

JEREMIA 14:8

Ümniili she Israil mung tsantsii riiwiiq chang ka; ümnaq kli naishiq ajiim wan wa tiichhiiketi. Ümniika naimung na wanwe ikha jam nguto jaki laü? wanwe lamlea wanti ra wa shi se lamjap wanti ikha jam nguto jaki laü?

JEREMIA 17:14

Tatiwe ngi tsi ara tiihealaq. Raüla phintsaqtsaq she miheakiha. Ngi tiiwong kuqlaq. Raüla ngi ka minhap tiichhiije she miraq. Ngi raq ümniikli tiitsam tiikang!

JEREMIA 17:2

Namshiqnok raq phra kong ka berong-wacha thun kiijaq shomnoqtlo. Kiimaq jechak phrakaü Ashera miithiiphong ka hiqlampo thun kiijaq pechongtong aweatek na shongtlaq kra shomnoqtlo.

JEREMIA 3:6

Josia ka hokham jatlaq akhing Tatiwe raq ngi ma nguto, “Sethoq nyung Israil raq jamlai wa klotaq kra chhitlaü shea? Apaiq ka iwokhong wa ahin niishe juhoto. Raüta kin diilulu aweatek na, kiimaq pesang chong ajaq nüm hea chongjitek na, ngaraüta mephe-nyung ma jato.

JEREMIA 31:7

Tatiwe raq ngutlo, “Israilnok miitu chojong chise shinge ronglaq, maiq mung ajong pinthumti thun raq. Namshiq raq tiitsam shi ka shi ronglaq, ‘Tatiwe raq atiichong arkiti thun chhiiwanto she; jaina ümchuwa tiichong kitaq thun wiita chhiikuq wanto she.’

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

Hosea 1:7

Shatmaq ngi raq Juda mungti miika lungwiitsii mitiichhikuqha. Ngi tsangshiq Tati Shiikeawe raq tsangshiq ka mitiichhiikuq wanha. Shatmaq kra tiichhii wan jaqsham ka re tiidong lata jasam piqsii lata tiichhiike wan ka riimak. Ko aliq miika riimak. Kiimaq kumrang thaq chaoti sreabi kong lümiika riimak,” nguta Shiikeawe raq ngutlo.

John 4:22

Namshiq Samaria phan riika, riikhaqli maq juwa shomnoq tlan kriika sap man. Shatmaq, naishiq Jehudinok phan riika juwa shomnoq tiikai kriika asap hai. Ara jamkhano chongtiikang ngukla, Shiikeawe raq maiqse ka jamkho tiichhii tlaq, kra lam phan chongketi ka, naishiq Jehudinok phan lümaq chongkuqtlo.