JEREMIA 25:16 - ASII LAKDAP Bible (BSI)

¹⁶ Ümtiikiiwa tsangshiq raq ara baknyang jiiq, raüla tsangshiq ka angok angikong ikhlishe tiihit mrotli she miphe trang wan. Tsangshiq sung atsii ka ahü she miraq. Jamkhano ngukla Ngi raq tsangshiq khatkaiti re pahea tiikilata mitiikhat ha.”

Hawa Naga Bible 2001

¹⁶ Tsuingshiq rueq kawk kvwawc nuingx ruiux yuq, tsuingshiq kox nuex ngaz rueq tvkaz tauk ralx rvlungc vtueq, tsuingshiq kuex rullez ngaklez maq phuinglez phamlez kaz wvnc tuex,” ngoz tueq jungx tueq.

JEREMIA 25:16 Referencias Cruzadas

JEREMIA 13:12

Tati Shiikeawe raq ngi ma chongto, “Jeremia, Israilnok ma chonglaq che tsabumtek na che ka ama tuptup mithiilaq. Kra ngu raüla tsangshiq raq mitre che tsabum ngutlaq ka che thümiili raq.

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

JEREMIA 25:27

Kiijiishe Tatiwe raq ngi ma chongto, “Mungmaiqse ma chongkuqlaq, Ngi Tati, Ningkun Ajongwe, Israilnok Shiikeawe raq, tsangshiq ma che ka phetaktak, chok wantlii baknyang ronglaq, che raq pherai raüta, tsangshiq ka hiq na küram liira, aphai agoqtrang liishe, atiido min lot mak baknyang ronglaq nguta tsangshiq ma aming kuq tiikang. Jamkhano ngukla Ngi raq tsangshiq khuthaq na re dong jonghea tiisaüho tiikang.

JEREMIA 45:5

Ümniiriika ümnaq miitu pong na raitlii raüta liikuq raüjaq ahea chang ngutiisha tiima tlaü? Kriika naq tiimara kiq. Ngi raq mangjong maiqse kunli khuthaq na chamchao rathaiq mitiisaü wanha. Shatmaq ümnaq riiwe kla ümmiisaq ka thummak maq, ümniika ümriiba niili kihaü jiimin, lun wan ruq milun haü. Arka Ngi, Tatiwe raq ngutiikang.”

JEREMIA 48:26

Tatiwe raq nguto, “Mob ka che ma tiichok laq, jamkhano ngukla apaiq raq ikiq khiito. Mob ka apaiq phai raitaq kriithaq kiijaq akap atsea miküliisiq laq. Kiimaq maiq raq apaiq ka chhi raüta minai küsiq.

JEREMIA 51:39

Tsangshiq ka shakaq kong sha? Ahea. Ngi raq tsangshiq miitu phaqsea poi jonghea mitiijeha. Lata tsangshiq ka che maq mitiichokha kiimaq mitiichochiha. Raüta tsangshiq ka akon makaiq she mibum wan. Kriika samki nong mak she miraq.

JEREMIA 51:7

Bebilon mung ka ijaq na chaq khap ikha shamkang. Lata mangjong maiqse tlotli ma che ka phetak tiibak nyang kang. Maiq mung raq maiqmiimii che khap ka bak nyangto. Raüta tsangshiq ka chok rai raüta chephe maakaiq chhaq sunghü tsiihü she riito.

AJONJÜ 3:15

Apaiq raq ngi ma akhap akhiq chamchao phaqsea kuq raüta tiikaiditlo.

AJONJÜ 4:21

Edom mungti lei, kiimaq Uj mungti lei, namshiq ka naisiq rong laq, Chochisiq ronglaq tangtlan khan khan. Namshiq chamchao rahiq akhing minla, misaü wan she. Namshiq minla cheropwe ikha, naiqhü maq maiqthoda holanta michamchao han.

Obadia 1:16

Isengi raq akhapwiq chamchao kok nyangto, ihiqlam asii ba maq. Shatmaq kra tro na siti maiq mung tlotli raq, kriithaq na aheng khaphea chamchao kok minyang, Tsangshiq raq kra nyang raüta, wiita mithumki.

NAHUM 3:11

Ninewi lei ümnii min, kiikhiisii mimok chaq wan. Rewe makki wa ju laüta, atiipaü chang mirit haü. Shatmaq hum maü she mirhaü.

Revelation 14:10

kriiti raq, Shiikeawe tsankhiq che tsai henghea, Shiikeawe raq apaiq tsankhiq chekhap wa tsüm raüta tiije wantaq kiiwiishe mibak nyang! Maiqse ümchu riiwa, ara ngamthaiq kaü puk na nyap raüta sitaq, kriiti thun ka, ara nyiimwin walü nyai tlaq kiijaq mitiikhiim chaq, raüta asii rasetiim nai Skuse man na kai mitiichamchao wan.

Revelation 14:8

Kra jai na, rase anai ngojati raq tiijorot she hali, akha rüm chongto, “Apaiq ka miqto she! Ajong Chela Bebilon ka miqto she! Apaiq raq mangjong maiqse wiitarü ma ache maq tiiphe siq wanto. Apaiq sethoq ja ngarai che tsai maq wiitarü ka ngeasiqto she!”

Revelation 18:3

Apaiq sethoq sepii ngarai che tsai ka mangjong hiq wa maiqmung kunkun raq wushi kong kham chum na riiwe tlaq ikha baknyang wanto she. Mangjong hiq wa honyung hokham bi raq, apaiq rai sethoq sepii kiicham raüta siwanto. Apaiq tsiiq ma süramti mangjong hiq wa laopan bi thun kunkun ka, apaiq ngarai tsiiq tum kiiwa, wok phetak chhaq she phesiqto.”