Biblia Todo Logo
La Biblia Online
- Anuncios -




JEREMIA 25:16 - Hawa Naga Bible 2001

16 Tsuingshiq rueq kawk kvwawc nuingx ruiux yuq, tsuingshiq kox nuex ngaz rueq tvkaz tauk ralx rvlungc vtueq, tsuingshiq kuex rullez ngaklez maq phuinglez phamlez kaz wvnc tuex,” ngoz tueq jungx tueq.

Ver Capítulo Copiar

ASII LAKDAP Bible (BSI)

16 Ümtiikiiwa tsangshiq raq ara baknyang jiiq, raüla tsangshiq ka angok angikong ikhlishe tiihit mrotli she miphe trang wan. Tsangshiq sung atsii ka ahü she miraq. Jamkhano ngukla Ngi raq tsangshiq khatkaiti re pahea tiikilata mitiikhat ha.”

Ver Capítulo Copiar




JEREMIA 25:16
16 Referencias Cruzadas  

Yehowa Tishox rueq ngaz muex jungx phuex, “Yeremia lex, tsongbumx juix tek nuex svpiq tix mvrc tueq ngoz tueq Israel miqsaz muex jungx shuiuz. Tsuingshiq rueq tsongbumx juix tek nuex svpiq tix mvrc tuex kuex nuiyshiq rueq tuiuz yaq, ngoz tueq tsuingshiq rueq tvralc wuez shuex.


Kvruex yimaq ngaz rueq tsongbumx juix htenc vshiz maq vshiz rvtungc yaq ikhoc nyuiuz waz nosaz ngoz mauk tvbunx gay shaungx. Yvmx khvnnyvnx thuinz, menjenc thuinz rueq muinz ngaz rueq tsuingshiq thvt shaungx kuex tvwanc tsic shuex rvmuq,” ngoz tueq.


Kvruex yimaq Yehowa rueq ngaz muex jungx phuex, “Ngaz, Tvphaungc Tvsuip Yehowa Israel Tishox rueq tsuingshiq kox nuex tvlaq tauk ralx rvlungc ningkhvnc nuex tsuingshiq rueq vnuingc vphaay raz tueq rul wvnc wuez ruiux kvtenc lot muq laz juing kvruex nuingc tvkoc ngaz rueq nvr tauk lvmz tsuingshiq muex jungx shuiuz.


Mnoz rueq mshauk pumz tvkoc htep lvp juing haz thuiyx vshuiux? Kvkhoc nauk thuiyx kaz. Ngaz rueq mungkawx miqsaz lotlaz htauk nuex vkuilc vdaz kuex tvdung shaungx, yuq muinz mnoz kuex mnoz kaz wvnc ruiux baung ruip saz nuex mrullungx kuex luenx wvnc tuiux. Ngaz Yehowa rueq jungx vshaungx.”


Yehowa rueq, “Moba rueq ngaz kuex khawc lvlc ningkhvnc nuex, piq kuex joal maq tvpawc gay shuinz. Moba kuex piq phaay nuex rv-nyek tuex, miq htenc rueq piq muex nueykuic wuez shuex.


Tsuingshiq kuex kvkax waz rvnphvnx haz rvyaq nguinx? Ngaz rueq tsuingshiq tvkoc phuiuz vsvy moalx vshiz tvhungx vtueq tsuingshiq kuex tvkoz kez shaungx. Tsuingshiq kuex kvtsoalx rvlauk wvnc vtueq mkaq muinz kvsvmc muq shex.


Babelon kuex ngvy yauk nuex shuimx vtueq mungkawx lotlaz tvpawc gay tauk kuimshawx kok ikhoc rvtueq. Miq phvnx htenc kuex kvyuq httax yaq svpiq tix kuex nuingx pawx wuez vtueq, tsuingshiq rueq htahtaz khuemx wuez yaq.


Vpiq rueq ngaz muex kuq phuex nuingc phuiuz svy juing lotlaz nuex kuilc daz juing tataz rvtueq.


Edom nuiyc Uza miqsaz lex, nueyx wuez kuinz; mnoz rueq lot shuiux tanc khvnc kokez kuiuz. Mnoz kuilc daz jamjaux kuex httuiuc wvnc yaq; mnoz kuex rullez ngaklez khuemx vtueq yvlc svy rvhumc tuiux.


Ngvy miqsaz htenc rueq ngvy vsawc ghaqluimx htauk maq vkhuip murx kok kuex nuingx gay wuez tueq. Yuq muinz tvroz wawc miqphvnx htenc lotlaz rueq khuip hvlc murx kok kuex nuingx wuez shuex; tsuingshiq rueq kvruex lotlaz nuingx gay ruiux moz wvnc tuex.


Ninewe lex, mnoz kuex mukmuk tuktuk joal pawx jix waz ikhoc rul wvnc tuiux! Mnoz kuex mralx hez yauk wawc yuz wvnc lvp laz juing hunglaungx wvnc tuiux.


Tishox thuinkhvy kok wawc pinhtumc thuinkhvy ngoz yaq svpiq tix kuex nuingx wuez shuex! Kvdvyx muinz rvmuq piq rueq vsawc raungkamx bix nuiyc Khelbuenx Saz htumc nuex kanz wvr maq tvkuilc daz guirguenc rvhumc tuex.


Kvmaq vnueyc ngoc yaungc raungkamx washiz kuex vphaungc wawc waz yix nuex kvhttungx httut dung kaz vtueq, “Babelon ghaqyungx rul bac wvnc vtuex! Rul bac wvnc vtuex! kvruex ghaqyungx rueq sahtok sapawx muex tvyaungc yaq svpiq tix kuex miqphvnx ruip rawx muex tvnuingc tueq!” ngoz tueq jungx tueq.


Yvmx khoc lac ngoz ruiux lec miqphvnx ruip rawx kuex kvruex ghaqyungx wawc sahtok sapawx lvmx phvnc ngoz yaq, vjuk pawc juing phvnx svpiq tix kuex nuingc khuec nuex rvtueq. Ghaq htauk wawc hokhvmx bix htenc muinz Babelon ghaqyungx rulc vroc nuex sahtok sapawx muex yaungx wvnc vtuex, mungkawx wawc taungshaungc taungrez jix htenc muinz, ghaqyungx kvruex wawc sahtok sapawx yaungc juing tsak vnyvmx kvruex ningkhvnc nuex rungwanx wvnc wuez vtuex,” ngoz tueq guyc wuez tueq.


Síguenos en:

Anuncios


Anuncios


¡Síguenos en WhatsApp! Síguenos