JEREMIA 21:14 - ASII LAKDAP Bible (BSI)

¹⁴ Shatmaq ümniiraq jamlai wa ashut klolaü kriikha na Ngi raq ümniima mo mitiihoha. Ngi raq ümhokham jam ka wa maq michaqha. Krai mren wa raq kra jam ka trotam maq bunlak mikhiimbaiq. Arka Ngi, Tatiwe raq toqtan tiikang.”

Hawa Naga Bible 2001

¹⁴ Yuq muinz mnoz rueq shuimx wvnc toq rulc rv-ngvlc ngaz rueq mnoz muex murx tvgurc phaungx. Mhoc kuex wvr maq jauk gay shaungx, kvmaq wvr kvraq tvroz tuimz kuex khamc gay shuex. Ngaz, Yehowa rueq jungx vshaungx.”

JEREMIA 21:14 Referencias Cruzadas

2 KAÜWA WERAÜ 36:19

Apaiq raq Shomjam kiimaq chela ka among na hokhambi jam thun kra kiimaq kiijaq tsiiq anyam ümchuwa sitlaq kra thun nongnong maq wa maq chaqbaiqto. Raüta kra chela tro ruk kiimin wiita tiibun buk baiqto.

TAKSU LAK 1:31

Kra ningkhan ümniiraq jamlai phan lapchang wa, kra phan kli milap wan haü, Ümniiraq jamlai jaq wa sham laü, kra tsingo ka phaqsiq laütli she mibii haü.

TAKSU LAK 12:14

Ümnü maq jamlai wa bomtlaü, kiimaq ümjaq maq jamlai wa shamtlaü, kra khan khan poksi milap haü. Ümnii ma thektlaq poksi kra milap haü.

ISAIA 10:12

Shatmaq Tatiwe raq ngutlo, “Ngi raq Jajon Pum na nai Jerusalem na jamlai jaq wa shamtiikang arshe lotha jiila, Ngi raq Asiria mungwa ajong hokhamwe ma, apaiq ümtinkhanwa jaqrap jirap phephiiqtlaq kiimaq kai shiikongtlaq kra miitu imo mitiihoha.”

ISAIA 10:16

Ajong Pinthum Tatiwe raq tha tiidong raüta ümchaü wok phetaktak siti kiima mo mitiiho. Tsangshiq khum na wa raq khiim wan tlaq ikha khiim wan ruq mikhiim.

ISAIA 24:21

Akhing ashi misaü wan, raüla Tatiwe raq ra na siti ningkun hotibi nai mangjong hiq na hokhambi ma mo mitiiho.

ISAIA 37:24

Ümniiraq ümjaqshisetiim tiiki laüta ümkumrang leng phong ningkun maq ümniiraq Lebanon pum kaütiim diiluhea thun ka wiitashe khat wan laüta jiiwan laü nguta ikhaki na jarap jirap tiitsaki tiichong tlaü. Ümniiraq kra binjü wa maisak pero achong diiluhea pinthum thun nai pinthum ahea awa sidar pechong thun ka daqbaiq wan laü nguta tiishom rasiq tlaü. Kiimaq ümniika bintang jüngi tsaühea mong na phoili she nyap wan laü nguta tiitsaki tlaü.

JEREMIA 11:16

Ngi raq akhing ashi na tsangshiq ka ajaq anüm alei olip chong ashi ikha nguta ngukang. Atsi ango tsomhea ama riito; shatmaq ümchaü sanha, ramok wa trang ikha, ahok aho latiishe, Ngi raq ajaq nüm thun ka wa miishe michaqha. Kiimaq akü ako thun ka wiita she mingoqbaiqha.

JEREMIA 11:22

Kriikha niishe Ajong Pinthum Tatiwe raq nguto, “Ngi raq tsangshiq ma mo mitiihoha! Tsangshiqnok jerobi ka redong akhing na mitsai. Tsangsetiim nosere kong ka ram raq mijiim.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

JEREMIA 17:27

Shatmaq tsangshiq raq Ngi aming ka lang raa dongdii. Raüta Asii Niitiitsak Ranaiq ka asii ranaiq tri maq lang raa dongdii. Tsangshiq raq kra ranaiq na Jerusalem chela kilamchong thun lam maq hupsam ho raüta khum raamak. Tsangshiq raq kra bom ka tlea raüla, Ngi raq Jerusalem chela kilamchong thun ka wa maq michaq baiqha. Wa raq Jerusalem chela mong wa hokham jam thun ka mikhiimbaiq. Kra wa nyai wantlaq kriika juwe riimin tiimatbaiq lot mak she miraq.”

JEREMIA 22:1

Tatiwe raq ngi ma Juda mung hokhamwe, Dawit saüse phan jam na kilaq; Laüta hokhamwe ma, asengi ajongbi ma, kiimaq Jerusalemti ma Tatiwe raq jamlai wa chongtlaq kra tai ronglaq nguta thaüto. Tsütsa ka ara:

JEREMIA 22:7

Ngi raq ara tiithen baiqkai miitu re kong she tiiki tiikang. Tsangshiq tarü raq mang doraq chhaq maq kiraüta, maisak pe maq toqpum kham thun tsomhea ahai kra wiita midaqbaiq. Raüta wa niishe michaq baiq.

JEREMIA 32:19

Ümniiraq taksu pinthum jaqsham thun sürii tlaü. Laüta ajong pinthum jaqsham thun shamtlaü. Maiqse raq jamlai phan wa kloliitlaq kriika, ümniiraq wiita achhi haü siisaq. Krai mren, ümniiraq maiqse ka tsangshiq raq jamlai jaq wa shamtlaq kra phanphan poksi kuqtlaü.

JEREMIA 46:23

kiimaq rum wa pero jonghea jiipbaiqtlaq ikha. Tsangshiq ka awea lot chang riimak riito; tsangnok phenlabi ka kupchi longtlaq thaq na achan pahea riito.

JEREMIA 50:32

Üm mung ka shiikonghea. Ümchaü ka hok thaü lantiishe mikü raihan. Ümnaq doti ka maiq ahüshe miraq. Ngi raq üm chela thun ka wiita wa miishe michaq baiqha. Krai mren chela mong na jamlai wa sitlaq thun ka michup mithen wan.”

JEREMIA 52:13

Raüta apaiq raq Shomjam nai hokhamwe jam, kiimaq Jerusalem chela wa ajong alabi jam thun kra wiita wa maq chaqbaiqto.

JEREMIA 6:19

Tailaq, hiq lei! Tsangshiq raq ümchuwa ajiq kiimung wantaq kriikha na, Ngi raq tsangshiq ka miqchup mitiithen baiqha. Jamkhano ngukla tsangshiq raq, Ngi raq ashrinkuqha tri ka no na tsuqbaiqto kiimaq ibomchong lang wan mak riito.

JEREMIA 6:29

Ja tiiqchang jam na khi wa ka kai henghea nyaisiqtlo. Shatmaq wadaiq phong ka ajam ka jammak she, atsin kai kun she. Arningkhan isenginok ka wa na ümtinkhanli tiijo chaq raü min jamkam taichang riimak she. Jamkhano ngukla tsangshiq phong wa maiq abi maiqse kong atei arbaiq ka lambaiq wan mak shaqli.

JEREMIA 9:25

Tatiwe raq ngutlo, “Ngi raq Ejip mungti, Juda mungti, Edom mungti, Ammon mungti, Mob mungti kiimaq rumnyangkhi kumtsaiphii binjü na siti maiq thun ma mo tiiho miitu akhing ka saüwantlo she. Tsangshiq raq tsangshiq khu ka atoqse maq tap sito. Armung thun arka atho hanje siisaq. Shatmaq tsangshiq raq athohan tongshong liichum ka sapmak. Arthun mungti raq kiimaq Israilnok raq ngi raq akuqha itongshong tri ka langmak riito.”

AJONJÜ 2:3

Atsankhiq tsi ma Israilnok ningkun wiita, tiibun baiqto. Re raq naishiq khatwan kiita, Apaiq raq ajaq tiitam wanto. Atsankhiq wa naishiq thaq na, wakchaq walü wa ikha chaqto.

EJEKIEL 21:3

Ngi, Tatiwe raq ngutiikang ara chongkuqlaq: Ngi ka namhiq ma re. Ngi raq inepja michatha. Lata namshiq wiitarü mijiipbaiqha, maiqheati kiimin abiti kiimin romshaq mijiip baiqha.

Mikha 7:13

Shatmaq mangjong maiqse ngarai henghea kha maq, mangjong hiq ka hiq miq changkhü ikha mijaki.

JEKERIA 11:1

Lebanon lei, kilü thun ka dithü laq, Maisak pero wa maq tiikhiim chaq ma!