JEREMIA 21:13 - ASII LAKDAP Bible (BSI)

¹³ Jerusalem lei, ümniika hiq thung tan na longkaü jonghea adii min luhea kaü ra na düwantlaq ikha ngatlaü. Shatmaq Ngi raq ümniika mikhat-ha. Ümniika lachong dokdok, ümnaq khatti maiq ka jumin ahü nguta tsütsit tlaü. Kiimaq ümperuk mong niika rewe nyapwalot mak nguta tsütsit tlaü.

Hawa Naga Bible 2001

¹³ Yerusalem lex, mnoz kuex tvnx nuex ngaungc yaq lung rauk ikhoc warc tvnx htenc htauk nuex johvlc jvp yaq. Yuq muinz ngaz rueq mnoz kuex khvt gay phaungx. Nuiyshiq kuex uraq muinz khvt lot muq, mpalx ruk htenc kuex uraq muinz tvbunx gay shuex rvmuq, ngoz tueq mnoz rueq ngoz shuiux.

JEREMIA 21:13 Referencias Cruzadas

Tvtsvmc 125:2

Jerusalem ka trotam maq pum thun raq ruktlaq ikha, Tatiwe raq asenginok ka trotam maq kom raüta ümchaü kiimaq pattup pat-sa kheshat.

DUNGWVNC 13:20

Israilnok raq lamjap wantaq Sukkoth hiq kiiwa tiido wanto. Raütiishe kumtsaiphii wang na saü wan ni ni na Etham hiq kiijiishe tsangshiq lamjap piitiip ka teito.

DUNGWVNC 13:8

Ümtiikiiwa poi ka phahotlan, kiitiikaq namsetiim ma chongkuq ronglaq, arka namshiq raq Ejip mung wa laü wan lan akhing na Tatiwe raq jamkho jaq shamkuqtaq kra miitu klo tiikai nguta chongkuq ronglaq.”

ISAIA 22:1

Arka Riisham bomchong chang hiqthung Tan tsütsa. Jamlai wa trang kongchatla? Kra chelati mungmaiqse ka tsangshiq kiitelong jam wukhu thung na thungtii raüta jamlai poi wa klorattla?

JEREMIA 17:3

Kiimaq rum na pum thun sitlaq kiijaq shomnoqtlo. Arthun ngarai kha na ngi raq namshiq tsiiq tum nyam tum thun totlan kra wiita namjaqtinok tiiki lata mitiihut wanha. Jamkhano ngukla nam mung hamli na namshiqnok raq ngarai pahea tangwan lan.

JEREMIA 21:5

Ngi raq iningkun wiita shoq lata, itsankhiq kriimaq, kiimaq itsankhiq moktlaq kriimaq, kiimaq itsankhiq sru waniitu nyaitlaq kriimaq ümniika mikhat-ha.

JEREMIA 49:16

Üm shiikong tsii raq ümniika lao baiqto. Ümniima nanok ka haitlo nguta tiimarai tlaü kriika riimak. Nanok ka ümniima haimak she. Ümniika pum na longraq khu na sitlaü. Diiluhea pum thun thaq na sitlaü. Ümniika liihawe sitlaq ikha pum chohea thaq na sihaü min, Tatiwe raq ümniika hiq na mitiideabaiq. Arka, Tatiwe raq toqtantlo.”

JEREMIA 50:31

“Bebilon lei, ümniika ashkong tamli. Arningkhan, Ngi, Rakaü Hiqwe Tatiwe Ningkun Ajongwe ka ümniima wesang! Ngi raq ümniima imo tiiho wan akhing ranaiq ka saü wato she.

JEREMIA 51:25

Bebilon lei, ümniika pumkaü jonghea ashi raq mangjonghiq tlotli tiithenbaiqti ikha. Shatmaq, Ngi, Tatiwe ka ümniima wesang. Ngi raq ümniika rangho lata, hiq na tiipili she misoq baiqha. Lata botkhulai rai mishot baiqha.

JEREMIA 7:4

‘Naishiq ka hansang! Arka Tatiwe Shomjam, Arka Tatiwe Shomjam!’ nguta laopha bomtsi chongtlaq kriima naqkam rongkiq she.

AJONJÜ 4:12

Mungkanghiq hokhambi thun raq, Jerusalem chela ka re raq mikhat baiq nguta, akam min kammak riito. Shatmaq rewe kumlao raq, Jerusalem chela kilü, limham limhok raüta nyap wanto.

EJEKIEL 13:8

Kra ningkhan Tati Rakaü Hiqwe raq tsangshiq ma akha ngutlo, “Namshiq bom chong ka arot, kiimaq namshiq riisham makchhi thun kiimin arot. Ngi ka namshiq ngengti.

EJEKIEL 21:3

Ngi, Tatiwe raq ngutiikang ara chongkuqlaq: Ngi ka namhiq ma re. Ngi raq inepja michatha. Lata namshiq wiitarü mijiipbaiqha, maiqheati kiimin abiti kiimin romshaq mijiip baiqha.

EJEKIEL 34:10

Ngi, Tati Rakaü Hiqwe raq toqtan tiikang, Ngi ka namshiq ma wesang she. Ngi raq i skukong ka namshiq wokhong wa anyea she mirhoha. Lata namshiq ka tsangshiq rümti ma ümtiikiimin shong wan mang she. Ngi raq namshiq ka maiqmii wokpo tiiphe miituli ka shong mang she. Ngi raq skusekong ka namshiq jaqkhon mong wa mitiichhii wan ha. Kiimaq namshiq ma tsangshiq ka ümtiikiimin tiikaq phaq mang she.

EJEKIEL 5:8

Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

NAHUM 2:13

“Liilaq, Ninewi lei! Ngi ka ümniima wesang jatiikang,” nguta Tati Ningkun Ajong Pinthumwe raq ngutlo. “Ümkumrang leng thun ka wiita wa maq michaq baiq ha. Üm phenlabi re na wiita mitsai. Lata ümniiraq maiq jaq wa tsiiq nai nyam arun haü thun kra ngi raq minyea wanha. Ümniiraq maiq mung thaq na tijong tsuq jaüti kiimwebi tiiwa tlaü kra bom ümchaü san jurmin taimak she miraq.”