JEREMIA 18:8 - ASII LAKDAP Bible (BSI)

⁸ shatmaq kra mungti ka tsangshiq raq abi klotlaq kra thaqbaiq raüla, Ngi raq tsangmung ka mitiithenbaiqha anguha kriiwa, tiithenbaiq mang she mirha.

Hawa Naga Bible 2001

⁸ ngaz rueq ngoz vshaungx miqphvnx kuex piq layx vbac wawc kvroz wvnc yek ruiux yuq, murx tvgurc tvkoc ngaz rueq jungx tauk, yuq muinz kvruex ngaz rueq ruez shaungx rvmuq.

JEREMIA 18:8 Referencias Cruzadas

2 KAÜWA WERAÜ 12:6

Kiijiishe hokhamwe nai welabi raq tsangshiq ka shutkai dea nguta tsangnü maq nguto. Kiimaq akhiishe nguto, “Tatiwe raq jamlai wa klo tlaq kriika riikhaq li tengto.”

Tvtsvmc 106:45

Tsangshiq tiiwong ma atongshong bomtsi tiimato, kiimaq alungwii tsii jonghea kha maq atsankhiq atiishi riiwanto.

Tvtsvmc 135:14

Tatiwe raq asenginok ka mitiichhiikuq; apaiq raq ajaqshisetiim ka mimangchan.

Tvtsvmc 90:13

Ümloqcho na saüli wa ümtsankhiq ka misi? Mangchanlaq, O Tatiwe lei, ümjaqshisetiim ka!

DUNGWVNC 32:12

Ejip mungti ma ümniiraq ümsenginok ka Ejip mungwa tsuq wan laüta pum thun na tiisii rai jiipbaiq wan miitu tsuq wanto nguta jaram tiingo wa? Naqkhiq kiq tsaq liishe. Üm tiima ka klai laq. Kiimaq ara phiiptsi chang chongthum mra ka ümsenginok thaq na naq tiisaükiq.

DUNGWVNC 32:14

Krai mren Tatiwe raq apaiq tiima tsantsii ka klaito. Kiimaq apaiq raq asenginok khuthaq na phiiptsi chang mitiithen baiqha nguta tiiphiip bomtaq kriika tiisaü mak riito.

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

JEREMIA 15:6

Namshiqnok raq Ngi tiishaübaiq lan; namshiq raq Ngi ka jainong maq shungthülan. Kriikha na Ngi raq ijaq ka tliisaq lata namshiq ka tiinamtok bukbaiq kang. Jamkhano ngukla Ngi ka itsankhiq ninwan raq aniishe.

JEREMIA 26:13

Namshiq chap nai nga kra klai raa dongdii. Kiimaq namshiq raq jamlai wa ashut klotlan kriika klai raa dongdii. Lanta namshiq Tatiwe namshiq Shiikeawe aming ka lang ratlo. Namshiq raq kra riihanla, apaiq raq atsan na namshiq ka mitiithenbaiqha nguta tiimatlaq kra aklai mirbaiq.

JEREMIA 26:19

Hokhamwe Hejekia raq nai Juda mungti mungmaiqse raq Mika ka tsat baiq mak dea riito. Kra rii na, Hejekia raq Tatiwe ka shrengto. Kiimaq apaiq tsan tiihea raüta khrum lap wan miitu khoti shiikut wanto. Kiimaq Tatiwe raq atsantsii ka klaito. Raüta apaiq raq tsangshiq khuthaq na chamchao sangrai mitiisaüha angu wiika tiisaü mak dea riito. Riita ümchaü nashiq ka nashiq maiqmii khuthaq na pinthum phiiptsi chang chamchao tiisaü wan dan tiikai ahata.”

JEREMIA 26:3

Jursap mungmaiqse raq ibomtsi kriiwa taijiiq riila. Raüta tsangshiq raq abi jaqshamtlaq kriilo thaq baiqjiiq riila. Tsangshiq raq kra thaqbaiq raü ka, Ngi riimin, tsangshiq raq ngarai pahea klotlaq kha na, tsangshiq ka atiithen mirbaiqha nguta toqtan tiikang kriika, tiithenbaiq mang, ngi tiima ka aklai mirha.”

JEREMIA 36:3

Jursap Juda mungti raq, Ngi raq tsangmung tiithenbaiq wan chongtiikang kra tsangshiq raq tai raüla, tsangshiq tsan nai tsii abi thütlaq kriilo klai raü. Kra nguraü ka Ngi raq tsangshiq ajiq ümchuwa klotlaq kiimaq tsangshiq ngarai thun kra adii mirbaiqha.”

JEREMIA 42:10

‘Namshiq ka lungwii tsantsii maq armung niili la sihan jiila, ngi raq namshiq ka mitiijonglu wanha kiimaq ngi raq namshiq ka runbaiq mang. Ngi raq namshiq ka michhi jang wanha. Kiimaq namshiq ka phaibaiq mang. Ngi raq namshiq khuthaq na tiithen jen baiq wan kang kra miitu itsan ka kai bitlo.

EJEKIEL 18:21

“Kiimaq abi klotiwe raq, ngarai jaqsham thun thaqbaiq raüla, raüta itri raütu kra riikhaqli thü raüla, apaiq raq riikhaqli jaqsham raüta ahea jaqsham raüla, apaiq ka tsaimak miraq. Apaiq ka tengteng atra misi wan.

EJEKIEL 33:11

Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?

EJEKIEL 33:12

“Riita, ümchaü min maiqse lei, Israilnok ma akha chonglaq. Ümtiikiiwa maiqshaqwe raq ngarai klotlaq, raüla apaiq raq ahea jaqshamtaq kriiraq apaiq ka tiichhilot mak miraq. Kiimaq abiwe raq apaiq raq abi kiimungtlaq kra tsaqki raüla, apaiq ma mo ka tiihomak miraq. Kiimaq maiqshaqwe ashi raq, ngarai la tangho nong raüla, apaiq miisaq ka tiihangkuq mak miraq.

EJEKIEL 33:13

Ngi raq maiqshaqwe ma rilung mikuqha nguta kiqkham mikuqha min ajasham. Shatmaq apaiq raq manna athuk atsom siwantaq kriili hongli miraq nguta tiima raüta, ngarai she la tangho nong raüla, apaiq raq kongkhuji na ümchuwa ahea jaqsham wantaq thun kriika, Ngi raq itsan na thümang she milaq baiqha. Apaiq ngarai thun tangtlaq kriikha na apaiq ka mitsai.

EJEKIEL 33:14

Kiimaq Ngi raq maiq ashut klotiwe kiima apaiq ka atsai miraq nguta honlam tsü michong kuqha. Shatmaq apaiq raq ngarai ka tang mak she tsaqki raüla, raüta jamlai wa riikhaqli kiimaq ahea kra shamlamho raüla—

Hosea 11:8

“Ngi raq jamkho mimiimbaiq ha, O Ephraim lei? Ngi raq ümniika re jaq na jamkho mithaq baiq ha, O, Israilnok lei? Adma chela shiithen baiq kang ikha, namshiq jamkho mishthen ha? Jeboiim chela shiithen baiq kang ikha, namshiq ka jamkho mishthen baiq ha? Itsan mong na tsihea namshiq miitu! Namshiq ma ngi mangchan tsihea!

AMO LUIK DVP (AMOS) 5:15

Ashut lamphan shummii laq, Tingting lamphan lungwii laq. Rung maq tingting kha pho laq. Jursap, Tati raq, Joseph saüse aso atiichong ma, tiihang mangchan lo tiichhi jiiq.

Jona 4:2

Krai mren, apaiq raq akha achu jaüto, “Tatiwe ngi raq naimung maq mitiido wan shaq na, ümniiriika akha mangchan mitiichhi kuq haü nguta chongkang ihata? Kra ningkhan tiina, ngi ka Spen mung na juwan la nguta dankang ira! Ngi raq ümniika kaphap wanti Shiikeawe, kiimaq lungwii tsantsii jonghea rümtiwe, mokhiq min khiq maü phan, kiimaq mangchan tsantsii rangchong kiimaq atsa asha chang wiimin tsa sha maü maq senaino tiikhup wongke wanti.

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.