JEREMIA 18:23 - ASII LAKDAP Bible (BSI)

²³ Shatmaq, Tatiwe, tsangshiq raq ngi tseabaiq miitu thiikho ümchu wa thutaq thun ka ümniiraq asap-haü. Tsangshiq raq abi klotlaq kra mra thun ka naqdii kuqkiq. Kiimaq tsangshiq ngarai bu ka naqdii kuqkiq. Tsangshiq ka re ma tiinamtok tiikhattlaq. Laüta ümtsankhiq bala tsangshiq ma mo tiiholaq.”

Hawa Naga Bible 2001

²³ Yuq muinz, Yehowa lex, ngvy thvy tvkoc tsuingshiq rueq kvmungx yaq lvmz lotlaz kuex mnoz rueq tuiuz yaq. Tsuingshiq layx bac yauk shuimc, rvmuq ngoz ruiux tsuingshiq mvrax kuex nauk dawc kuq kaz. Tsuingshiq kuex tvsumx tvdvy gay shuiuz; mthuinz khaq yaq baunglaung tsuingshiq kuex tvhonc tvtharc shuiuz.”

JEREMIA 18:23 Referencias Cruzadas

Tvtsvmc 119:126

Tati lei, ümnaq tiimeshi akhing ka saüto she, jamkhano ngukla maiqse raq ümtri jinbaiq wanto.

Tvtsvmc 35:4

Ngi tsea tankhantibi ka tangmak raüta jea mingaü phaqlaq! Ngi tiidea ma thiikho thetibi ka sunghü tsiihü tiimok miichaq tiimokbaiqlaq laüta jai na tiijang baiqlaq!

Tvtsvmc 56:8

Ümniiraq asap haü ngi ka ümtinkhanwa chamchao tiikang; ümniiraq imakphai satlaq kra raüpot thülaü. Kriithun ka üm lakdap na waiqthüje riimak shea?

Tvtsvmc 59:5

Tiidolaq, Tati Ajong Shiikeawe lei, laüta ngi khrumkai kira; ümniiraq ümmak maq liilaq, Israilnok Shiikeawe lei! Tiidolaq chaplaq laüta thatsang maiqse ma tiiholaq; Abi pinthum mung shaphaqtinok ma mangchan naq tiitsikiq!

ISAIA 10:3

Riita Shiikeawe raq namshiq ma mo tiihotlaq akhing na jamkho mijahan? Apaiq raq pongmungti luhea wa tsuqho raüta namshiq ka tiithen baiqtlaq akhing na jamlai she wa mirhan? Namshiq ka khrum jaüwa jupha niishe wa mijuhan? Namshiq tsiiq nai nyamtum phong ka ümbano mipaühan?

ISAIA 2:9

Maiq loweatek ma jea mitiingaü wan. Raüta tsang khushü ka mijamki. Tati lei, tsangshiq ngarai ka naqdii kuqkiq!

JEREMIA 11:23

Ngi raq Anathoth hiqti khuthaq na phiiptsi chang rahiq saü wan akhing ka tiihong kang she. Kra akhing she saüwa raüla, tsangshiq phong wa maiq ka ju min lunlot mak mijiim.”

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

JEREMIA 17:18

Ngi tiichamchaoti miili jea tiingaülaq. Shatmaq ngi tiiwongkuq laq, Tatiwe lei. Tsangshiq ka tiiphiipjiip laq. Shatmaq ngi ka naq tiikiinyiikiq. Tsangshiq khuthaq na chamchao rathaiq tiisaülaq. Laüta bunlak buncha ma tiija baiqlaq.

JEREMIA 17:4

Ngi raq namshiq ma akuqha nam mung kra namshiq raq athaqbaiq chang she miraq. Kiimaq namshiq raq namjaqtinok wokhong na silanta, namshiq raq jam man sap man mangtang ramangnok mung kiina silantiishe chiqse rewenok kriishe mishomnoq han. Jamkhano ngukla itsankhiq ka walü wa nyai tlaq ikha nyaitlo. Kra walü ka pattup pat-sa nyairuqli she minyai wan.”

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 26:11

Raütiishe ramwebi nai shammibi raq mungmaiqse ma akhiishe khatan bomtsi nguto, “Arwe ka tiitsailaq tseabaiq chang kha tangto. Jamkhano ngukla apaiq raq nashiq chela khuthaq na abi bomto. Namshiq raq maiqmii ni maq tailan kata.”

JEREMIA 26:8

Kiimaq Tatiwe raq ngi ma jamlai bom chongkuqlaq ngutiiwa aming kuqtaq, kriithun ka ngi raq chongkelot ri, tsangshiq raq ngi ka lap-hoto, raüta akhiishe gitranghoto, “Ümniiraq ara ashut bom laü kha na ümniika atsai chang!

JEREMIA 37:15

Krai mren, tsangshiq ka ngi ma kai khiqto. Raüta ngi ka atiitea riito. Kiimaq rung cherewe Jonathan jam khok na tiishaqbaiqto. Apaiq jam ka phaqtek rung ma atiijabaiq wishe riito.

JEREMIA 38:4

Kiijiishe ajong alabi thun ka hokhamwe phana wato. Raüta akha nguto, “Arwe arka atseabaiq ratlo. Apaiq raq akha bom raüta, chela na siti phenlabi tsaiji ka trantlo. Kiimaq apaiq raq ara chela na nokmaiqse abung tiichongtlaq loweatek tsaiji ka tranbaiqhoto. Apaiq raq mungmaiqse ka khrumkuq mak. Apaiq riika tsangshiq kli nansiqtlo.”

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 6:21

Arningkhan ngi raq arnok arka lam na tsangshiq tiithap thachang mithüha. Kiijaq tsangshiq ka mitiithaprai. Raüta akürai miraq. Siwe sise adam na mitsai. Krai mren siihali kongshiti thun nai jamthaq jamkiqti thun kiimin wiita dea raüta mitsai.”

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

AJONJÜ 3:60

Ngi ma chiqse rewe raq, ümtinkhan wa ngeng wantaq thun ka, ümniiraq asaphaü. Tsangshiq raq ngi tseabaiq miitu thiikho thuwantaq ka asap haü.

AJONJÜ 3:61

“O Tatiwe lei, tsangshiq raq ngi shummii wantaq ka ataihaü. Tsangshiq raq thiikho thutaq thun ka, wiita asap haü.

Luke 21:22

Kra matdong akhing kriika, Asii bomtsi na, ‘Atiichamchao wan Akhing,’ nguta chongtlaq kra bomtsi kra tiiku wan akhing rahiq she dea saü wanto nguta sap chang miraq.

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.