JEREMIA 18:16 - ASII LAKDAP Bible (BSI)

¹⁶ Tsangshiq raq armung ka phiiptsi chang mung miishe tiijabaiqto, pattup pat-sa maiq thoda phong chang she miraq. Maiq ümchu riiwa wanlea lam maq chhijiiq; tsangshiq ka phiip raq atsai miraq; tsangshiq ka amaorai raüta tsangtok bai laqlaq miraq.

Hawa Naga Bible 2001

¹⁶ Tsuingshiq rueq vruex mungtan kuex kawc yawc kvkhuirc juing nuiyc pattup yomnamc juing baung tvyaungc gay tueq. Kvruex maq lvy jix lotlaz kuex tsuingshiq rueq khiz shuex kvmac vhuingc rvtuex; tsuingshiq kuex wangc wuez vtueq tsuingshiq khux htenc kuex buirc wuez shuex.

JEREMIA 18:16 Referencias Cruzadas

1 HOKHVMX 9:8

Raüta ara Shomjam kaü arka jamriimkaü athamki ikhli she hiqrai mishotbaiq. Kiimaq maiqse angu ümchu riiwa alea wan lam maq chhi wantlaq, kriiti ka akiinyii miraq kiimaq awangli she mirwan. Raüta, ‘Riita Tatiwe raq armung ara nai ara Shomjam arka atinkhan lang langtiq jam nguto tiithen jenbaiq wantiinya?’ nguta tsangshiq raq miwai wan.

2 KAÜWA WERAÜ 29:8

Arkha na Tatiwe ka Juda mungti ma nai Jerusalemti ma atsan khiqto. Kra ningkhan apaiq raq tsangshiq ma maklii jai na tophat chang tiithen jen baiq wanto. Apaiq raq tsangshiq tiithen baiqtaq kra chhi raüta maiqse angu kunli ahang ahun riiwanto kiimaq phiip raq tsaito. Arka namshiq raq aheawiq asap han kata.

Tvtsvmc 109:25

Maiq raq ngi chhiraüla ngi ma anailishe riitlo; tsang shummiitsi ma tokbai laqlaq riitlo.

Tvtsvmc 22:7

Maiq tarü ngi chhiti raq ngi ka riimshoto; tsangtili ka tiidong shun raüta bailaqlaq kiimaq tokpan laqpan raüta shummiito.

Tvtsvmc 44:14

Ümniiraq naishiq ka maiq mung thun makki na, saisi thoda moqseatinok miishe tiijabaiqlaü; tsangshiq raq tokbai laqlaq naishiq ka saisitlo.

ISAIA 37:22

Tatiwe raq apaiq achujaü tre akha nguto, “Jerusalem chela raq ümniika naikü sherüli liitlo, Sennacherib lei. Kiimaq ümniika shummiitlo.

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 19:8

Ngi raq ara chela na pinthum maiqse nübok maq chonglot mai chang khan, phiiptsi chang thenjen wan jaqsham mitiichhi kuqha. Krai mren maiq loweatek arlam maq lea wanti raq kra chhiraüta akiinyii mirwan kiimaq awang athangli mirwan.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 42:18

“Tati, Israilnok Shiikeawe raq ngutlo, ‘Ngi raq itsankhiq walüwa ikha hengtlaq kra Jerusalem na siti khuthaq na jamkho tlü chaq kang, namshiq ka Ejip mung na laüho han jiila, ngi raq namshiq khuthaq niimin kra mitlü chaqha. Namshiq ka maklii jai na tiijang phat phiiptsi jiiptsi mithen wan han. Maiqse raq namshiq thenjen wan kra chhi raüta slaislii thophi riiqphi mishummii wan. Kiimaq namshiq mang ka chong raüta maiqse raq manson shiiton ma mitiija wan. Namshiq ara hiqshong arka thongshi chhinong man she mirhan.’”

JEREMIA 44:12

Riita arningkhan na, Juda mung na maiq ümchuwa aso atiichongki thun raq ümchaü Ejip mung na laüho raa dongdii, raüta Ejip mung na shongkai raa nguta honglatlaqti thun ka, ahea na, Ngi riitiq miliiha. Tsangshiq ka tiithumpak laimiq mitiithum baiqha. Tsangshiq tarü kunli, ajong aran wiita kunli Ejip mung na mijiim. Redong akhing na riimakla ramdong raq mijiim. Tsangshiq thum wan kra chhi raüta maiqse makki na phiiptsi chang miraq. Maiqse angu raq tsangshiq ka shummii shaq shaq raüta milii. Kiimaq tsangshiq mang ka chong raüta maiq raq manson bom shiiton ashi miishe mitiija.

JEREMIA 48:27

Mob lei, ümtsan na tiitsang laq, ümniiraq Israilnok ka jamkho naiküsiq laü ira? Ümniiraq tsangshiq ka thiimeaq kong rai alap wan ikha haihii laü ihata.

JEREMIA 49:13

Ngi raq atiitum lata atoqtan wankun she. Bojra chela ka maklii jai na tiijangphat tiithen baiq raa dongdii. Kumtsaiphii miishe mitiijabaiqha. Maiqse raq kra chela ka thophi riiqphi lishe mislai. Kiimaq kra hiq mang ka chong raüta maiqse liipan na manson bomtsi ma mitiija. Kra tro binjü na maiqhiq shong thun ka pattup pat-sa miitu mithenki. Arka Ngi, Tatiwe raq toqtan tiikang.”

JEREMIA 49:17

Tatiwe raq nguto, “Edom mung ka hihut phiiptsi chang mitiibun baiq. Kra ningkhan maiq loweatek juwa kra lam maq lea wantlaq kriiti ka akii anyii miraq kiimaq phiipraq mitsai.

JEREMIA 50:13

Itsankhiq henghea kha maq Bebilon mung na maiq ka jumin simak she miraq. Kra mung ka wiita she mithenki. Krai mren maiq juwa wanlea lam maq khumti raq chhi raüta kai phiip raq mitsai. Kiimaq awang miraq.

JEREMIA 51:37

Kra mung ka hiqmiq changkhü miishe mijaki. Kiijaq rumngam phongli she misi wan. Kriika aliilot chang riimak miraq. Maklii jai na tiijang phat miraq. Kiijaq maiq ka simak she. Kiimaq kra mung ka chhiti maiqse kunli ka phiipraq mitsai.

JEREMIA 51:43

Chela thun ka wiita thento. Raüta maklii jai na tiijangphat maiqphiip maiqjiip sitlo. Raüta khamhü mung rumnyangkhi kumtsaiphii mung ikha maiq sikai min maimak kiimaq akhumkai dongdii min maimak she thento.

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

AJONJÜ 1:12

“Ngi ara liilaq,” nguta kriinyung hoqtlo, maiq wanleati achhichhi, “Ngi ma atinkhan chamchao tiisung kuqto, Arka maiq ahinti ju miimin tiisaü mak dea, Arka Tatiwe raq ngi ma, atsankhiq tsi ma tiisaüto.

EJEKIEL 12:19

Laüta Israil mung tlotli ma arka Tati Rakaü Hiqwe raq Jerusalem na ümchaü niitaq sishatti miitu maji binriim chongtlo nguta tsangshiq ma chonglaq. Tsangshiq ka dungsea lam maq atiikhai miraq kiimaq kham nyang lam miimin atiikhai raüta minyang. Tsangmung ka wiita hiqmiq changkhü miishe mitiijabaiq wan. Jamkhano ngukla kiijaq siti maiqse tarü kunli ka thungtri shiithen wanti siisaq.

EJEKIEL 27:36

Ümniika miqlaü she. Pattup miitu she miqlaü. Kiimaq mangjong tlotli na siti laopanbi thun phiip raq tsaitlo. Tsangshiq min ümnaq tsailaü kiikha mitsai rong i nguta phiipjiiptlo.”

EJEKIEL 36:3

“Ikhla riisham bom maq tiithailaq, laüta, Ngi, Tati Rakaü Hiqwe raq jamlai wa ngutiikang ara tiitai chongkuqlaq. Ümtiikiiwa, Israil mung tro na siti maiq mung thun raq Israil ka longtaq, raüta jiiwantaq kiimaq Israil mung wa pum thun wa tsiiq anyam thun ka tsuq wantaq, kra akhing na tsangshiq tarü raq Israil ka kai shummiito.

EJEKIEL 6:14

Tengteng, Ngi raq ijaq ka tiipii lata tsangmung ka mitiithenbaiqha. Ngi raq shemai nü kumtsaiphii wang kiimaq pha wan lata, Ribla chela kiina saüli botkhulai rai mishotbaiqha. Israilnok shongtlaq maiqhiq aweatek ka hiqshi tammang maq mitiithenbaiqha. Kra riiha jiitiq maiq loweatek raq Ngi ardea Tatiwe nguta misap wan.”

LEWI 26:32

Ngi raq nammung wa hiqshong rahai thun ka tiihihut mishthen baiqha. Kra ningkhan namjaqtinok nammung jii wanti ka raq kra hiqmiq changkhü ma atiijabaiq kra chhi raüta akiinyii li she miraq.

LEWI 26:43

Shatmaq, aphana, kra mungwa maiq thun ka kongkhu tiisiirai jobaiq chang. Kra riihaütiq hiqkhu rakhu thun raq niitiitsak rahiq tiinyili mihaisiq. Kiimaq tsangshiq raq Ngi raq akuqha thungtri raütu thun jin wan kha na nai kiimaq Ngi raq akuqha aming thun kra tlea wan kha na thumli tsangshiq kha tham kra kewan ratlo. Raüta chamchao homa kra howan ratlo.

Mikha 6:16

Ara chongtiikang sumrum wan thun ümniiraq mirhum haü, jamkhano ngukla, ümniiraq, Hokham Omri nai ase Hokham Ahab, raq ashut tri langwantaq kra phan wan laü. Ümniiraq tsangshiq ashut tri lam ka lang wan laü, Kriikha na ngi raq ümniika mishthen baiqha. Krai mren maiq tarü raq ümniika mishummii. Maiq barapseti raq ümniika misaisi wan.”

Matthew 27:39

Kiimaq, maiq kra lam maq lea wanti raq, Jesuq ka chhi raüta, tsangshiq raq apaiq ka thophi riiqphi, tokbai laqbaiq raüta slailiisiqto.

Mark 15:29

Kra akhing na mungmaiqse ka kra lam maq akhum ashiim wantibi riimin, alea wan lam maq, tsangshiq ka tokbai laqlaq raüta, “Aha! ümniisha Shomjam ka runbaiq laüta, ranaiqtsam liipan niili mihai ha nguta ngoti we ira!

TRI CHONGKE 28:59

apaiq raq ümkhuthaq na kiimaq ümsaü ümsetiim khuthaq na ahea chang phan riimak thabi tsi thun mitiisaü. Kiimaq phiiptsi chang thadong atsaq kai phan riimak kra mitiisaü.

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.