JEREMIA 17:5 - ASII LAKDAP Bible (BSI)

⁵ Tatiwe raq ngutlo, “Juwa iwokhong wa dongho raüta maiqse ma kamtlaq, raüta maiqse han-ngam hiqda ningkun ma kamtlaq, kriiti ka Ngi raq mitiishutbaiqha.

Hawa Naga Bible 2001

⁵ Yehowa rueq, “Ngvy kox wawc yek waungc jix miqsaz htenc nuiyc vthueyc rvyaq miq hungc vlaungc muex tvluimc yaq htenc kuex ngaz rueq mvrax tvgurc shaungx.

JEREMIA 17:5 Referencias Cruzadas

2 KAÜWA WERAÜ 16:12

Asa ka hokham jawan li maq rawii roqtsam ri wiitiikaü she angu rawii na ahok na thatsi tsibiti kop raüta akii ashii she chamchao wanto. Shatmaq apaiq ka Tatiwe wokhong na jang wan raüta apaiq jaq wa khrum jaü mak she riito. Shatmaq phumshra phaniili athatsi ka tliikitlo.

2 KAÜWA WERAÜ 32:8

Apaiq jaq niika maiqse ningkun li sitlo. Shatmaq nashiq rai ka Tatiwe, nashiq Shiikeawe asi. Apaiq raq nashiq mikhrum kuq kiimaq nashiq re ka mikhat kuq.” Mung maiqse ka tsang hokhamwe bom kra tai raüta tsaiji kongtam puqshi she jongto.

Tvtsvmc 18:21

Ngi raq Tatiwe thungtri ka lang wan kang; ngi ka i Shiikeawe wokhong wa juho mang dea.

Tvtsvmc 62:9

Maiqse ngutlaq ka wiita tsitsü hea tiikai ikha siisaq; ajong ala kiimaq wepuq wese wiita thiihü siisaq. Tsangshiq ka tok na shin raüla, tsangshiq ka chiiphüphüli shaqmii; tsangshiq ka miinan tsitsühea thaq niimin achii.

ISAIA 2:22

Maiqse han-ngam miika naq kamsiq rongkiq she. Tsangshiq thü ka asi shea?

ISAIA 20:5

Sudan mungti ma kamtsantsii thü raüta sitibi raüta Ejip mung jonglu tsaki raüta siti thun tsiim jüshushu tiishipot she miraq. Tsangshiq ran phan chang ka ahü she.

ISAIA 36:6

Ümniika Ejip mungti raq mikhrumkuq nguta kamtlaü kata. Kriika ümniima tingjang kü ka ümnyeathi ma tiija ikha miraq. Kriika angoq khoti mirki. Raüta asiiq raq ümjaq ka miramrat. Juwa Ejip mung hokhamwe puk na nyaptlaq kriiti ka kiikha micha phaq.”

ISAIA 59:15

Riikhaqli maq jaqshamti maiq ahü ngokha maq, jurwa ashut jaqsham kra thaqbaiq wan tlaq, kriiwe kiimin ashut kloti maiqse chuntsi kra ho raüta chamchao riihum wantlo.” Tatiwe raq arthun arka chhiito she. Kriikha na apaiq ka atsanbi sitlo. Jamkhano ngukla mung na tri tingting maq lang wanti maiq ahü.

JEREMIA 11:3

Ngi Tatiwe Israilnok Shiikeawe raq ara ngi tongshong tri raütu khakuq tiikang ara jinti loweatek ma manson mini nguta chongkuqlaq.

EJEKIEL 6:9

Kiijaq tsangshiq ka munglu shumwikong ma jaraüta mishong wan. Kiijaq tsangshiq raq Ngi ka tsan na mitiima. Kiimaq Ngi riidea tsangshiq ma mo ka tiihokang kiimaq tsangshiq ma jea tiingaü kang nguta misap. Jamkhano ngukla tsangshiq raq Ngi ma kammak miimbaiqthü raüta sumla phra thun kra shomnoqto. Kiimaq tsangshiq raq maiqphai asi pahea klo wanto kiimaq tsangshiq raq anun ashe jaqsham wanto kra ningkhan, tsangshiq ka thophi riiqphi she miraq.

Hosea 1:2

Tatiwe raq Israilnok ma Hosea lümaq aphashaq shaq bomphahotaq akhing na, apaiq raq Hosea ma akha nguto, “Kilaq. Laüta ümchak ka lamkikiq. Ümjamti nyung ka mephe-nyung ma mija. Kiimaq ümsetiim kiimin anyung kiikhiisii miraq. Kra niqriri sii hali Israilnok kiimin iwokhong na simak, ipuk wa ahin niishe dongkito,” nguta Hosea ma nguto.