JEREMIA 17:4 - ASII LAKDAP Bible (BSI)

⁴ Ngi raq namshiq ma akuqha nam mung kra namshiq raq athaqbaiq chang she miraq. Kiimaq namshiq raq namjaqtinok wokhong na silanta, namshiq raq jam man sap man mangtang ramangnok mung kiina silantiishe chiqse rewenok kriishe mishomnoq han. Jamkhano ngukla itsankhiq ka walü wa nyai tlaq ikha nyaitlo. Kra walü ka pattup pat-sa nyairuqli she minyai wan.”

Hawa Naga Bible 2001

⁴ Mmvrax ningkhvnc nuex nuimshiq muex ngaz rueq kuq phaungx mungtan kuex tuip gay shec shuinx. Ngvy thuinkhvy kuex wvr ikhoc ningkhvnc nuex pattup luic hvt luic vtueq, ngaz rueq nuimshiq kuex miqmac httuiuc muit shauk doc mungx nuex ralx muex shuimx lvmz kuq wuez shuinx,” ngoz tueq jungx tueq.

JEREMIA 17:4 Referencias Cruzadas

1 HOKHVMX 9:7

kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.

2 HOKHVMX 25:21

Ribla chela ka Hamath wang na riito. Kiijaq tsangshiq ka hokhamwe raq tiibukto. Raütiishe tiitsat baiqto. Ara chongtlaq akha Juda mungti ka tsangmung wa pongmung na munglu shumwikong ma tsuq wanto.

NEHEMIA 9:28

Raüta tsangshiq ma mungtsing maq, tiishongnga wanto. Kra riikiita tsangshiq raq ngarai tang nongto. Kriikha na ümniiraq, tsangshiq ka tsang jaqti ma hali, kiinong kuq baiq nong laü. Shatmaq tsangshiq raq maiqmii mra, tiidü wan raüta, ümman na hali hoqsii wan nongto. Krai mren, ümmangchan jonghea khong maq, ümniiraq tsangshiq achujaü ka, ramungtan maq tre kuq laü, tsangshiq ka tiithongkiki, chiqse rewe jaqkhon mong wa, dokda kuq wan nong laü.

ISAIA 14:3

Tatiwe raq Israilnok ka chamchao litkot walü mong wa kiimaq tsangshiq ka di ma tiija raüta ningkun maq jaq tiisham shiinüm shatlaq kriiwa mitiichhiikuq wan.

ISAIA 30:33

Man na rathup raphaji niiphü, ara Asiria mung hokhamwe ara chaq chang wacha ka jonghea hiq bashi na tiijethüje dongdii riito. Kra khobok kaü ka jonghea kiimaq tsaühea. Raüta chin ka pahea ratsan na saüli aphongthü wishe. Tatiwe raq atsitsü ka hea raüta walütu thun ka riijang wantlii mitiidong. Raüta kra chinphong kra mitiinyai chaq.

ISAIA 5:25

Tati ka asenginok ma atsankhiq. Kra ningkhan tsangshiq ma mo tiiho miitu ajaq ka ra na doshat she. Pum thun ka mitiikhai. Kiimaq maiq tsaitlaq maiqmaa phong ka chiihea wea lam thun kiijaq sinchiitsap ikha küramliira mirphong. Kiitinkhan taü miimin, Tati tsankhiq ka shimakli misi. Apaiq jaq ka ra na tiipiishat maq tsangshiq ka mitsat wan.

ISAIA 50:11

Namshiq wiitarü, jurwa nanok tseabaiq miitu thiikho thutlanti ka, namshiq maiqmii raq athuhan thiikho na dea lantea mithen han. Arka Tatiwe apaiq raq mitiihong wan; namshiq ka maklii jaina tiijangphat kharii mihumphaq han.

ISAIA 66:24

“Tsangshiq laü wan tlaq akhing na, ikiq khiitibi maiq maa phong kra michhi wan. Tsangshiq maa phong kra phaqti ajong phong ka atsai min tsai mak phan miraq. Kiimaq tsangshiq tiikhiim chaq chang walü nyaitlaq kriimin ümtiikiimin tiimat baiq mak she miraq. Tsangshiq maa phong kra maiqse maklii jaina tiijangphat maiqphai asi miraq.”

JEREMIA 12:7

Tatiwe raq ngutlo, “Ngi raq Israilnok ka miimbaiq kang she; ngi raq atsea wanhanok mung ka tiishaübaiq kang she. Ngi raq lungwiitiikangnok ka rewe jaq khon mong na kiinong kuqbaiq kang she.

JEREMIA 15:14

Ngi raq tsangshiq ka tsangshiq raq jam min sap mak mung na, tsang jaqtinok shiililii jaq mitiishamha. Jamkhano ngukla itsankhiq ka walü wa ikha nyaitlo. Arka pattup pat-sa nyairuqli miraq.”

JEREMIA 16:13

Arningkhan na, Ngi raq namshiq ka armung arwa maiq mung ashi, namshiq maiqmii riimin sapman, kiimaq namtitiim riimin sap mak mung kiiniishe miphong baiqha. Krai mren, kra mung kiijaq, laihin phra sumla thun kriishe ranaiq rawa mishomnoq wanhan. Kiimaq Ngi raq namshiq ma tiihang mangchan tiichhikuq mang she mirha.’”

JEREMIA 18:23

Shatmaq, Tatiwe, tsangshiq raq ngi tseabaiq miitu thiikho ümchu wa thutaq thun ka ümniiraq asap-haü. Tsangshiq raq abi klotlaq kra mra thun ka naqdii kuqkiq. Kiimaq tsangshiq ngarai bu ka naqdii kuqkiq. Tsangshiq ka re ma tiinamtok tiikhattlaq. Laüta ümtsankhiq bala tsangshiq ma mo tiiholaq.”

JEREMIA 2:14

“Israil ka dise riimak; apaiq ka di nyungse ka riimak. Ikhiijiika ajaqtinok raq apaiq ka jamto khuirattla?

JEREMIA 22:28

Kiijiishe ngi raq ngukang, “Riita Hokhamwe Jehoiachin ka hamlii kolo bunki raüjaq rum na tiijobaiqtlaq ikha, maiq jurmin romak she ikhiidea sha? Arningkhan she dea sha apaiq nai asetiim ka pongmung na tsangshiq raq chhiha mak nai sap mak mung na munglu shumwi ma tsuq wan ta?”

JEREMIA 5:19

Ümtiikiiwa tsangshiq raq miwai riita Ngi raq tsangshiq ka akha jam khano tiithenbaiqkang nguta ümniima bom wai raüla, Jeremia lei tsangshiq ma chonglaq, tsangshiq raq ngi miimthü raüta, tsang mung maq pongmungti phra sumla thun shomnoq wantaq kiikha, ümchaü ka tsangshiq raq wanwe wokhong na siraüta tsangshiq jaqshi ma mija wan.”

JEREMIA 5:29

“Shatmaq, Ngi Tatiwe raq, tsangshiq ka arthun ashut klo wan kha na mo mitiihoha. Ngi raq armungti khuthaq na phuk milamha.

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

AJONJÜ 1:12

“Ngi ara liilaq,” nguta kriinyung hoqtlo, maiq wanleati achhichhi, “Ngi ma atinkhan chamchao tiisung kuqto, Arka maiq ahinti ju miimin tiisaü mak dea, Arka Tatiwe raq ngi ma, atsankhiq tsi ma tiisaüto.

AJONJÜ 5:2

Naishiq tachong hupsam ka, wanwe jaqkhon mong niishe; pongmungti raq naihiqshong jiiwanto, raüta naishiq jam na tsangshiq sitlo.

EJEKIEL 21:31

Ngi raq itsankhiq ka walütu ikha nyaitlaq kriimaq ümtiikiiwa namshiq ka mishechaqha, kiitiikaq namshiq raq itsankhiq heng kra misap han. Kiimaq Ngi raq namshiq ka maiqse jiipbaiq tsinheatinok jaq khon mong na mikiinong kuqbaiqha. Tsangshiq ka maiqjiipbaiq ma smanok.

EJEKIEL 7:24

Ngi raq maiq mung abi pinthum mung thun ka ajaq mishea wanha. Lata tsangshiq ma namshiq jam thun kra milikuqha. Namshiq raq phra sumla thun shomnoq wan chang hiqba thun kra ngi raq tsangshiq lümaq mitiishebaiq ha. Kra riihala namshiq phongwa srea nola jongbi kiimin ahok ajaq tiikhai rokrok, ningkun ahü she, tsang tsaiji wiita she midoq.

TRI CHONGKE 28:25

“Tatiwe raq ümniika ümjaqtinok ma tiikhat raüta mitiitang. Ümniiraq tsangshiq ka lamshi maq wa laüta mikhat haü. Shatmaq ümniika tsangshiq hai ma lamrap miishe miju haü. Kiimaq ümnaq thum rai laü kra chhi raüta, mangjong maiqse kunli ka phiip raq mitsai.