JEREMIA 16:6 - ASII LAKDAP Bible (BSI)

⁶ Armung wa chiithe maiqse nai miitsan maiqse thun ka wiita mitsai. Shatmaq tsangshiq maaphong lapti maiq ka ahü miraq. Kiimaq tsang maa joti maiq ahü miraq. Maajo tsanbi tiichhi tsangshiq dü na tiimi hanti riimakla tsangkhu kra loktam maq si raüta maahoketi maiq jumin ahü she miraq.

Hawa Naga Bible 2001

⁶ Luiz waungx jix nuiyc htemc saz jix kuex vruex mungtan vyuq thueyc tuex, yuq muinz tsuingshiq kuex uraq muinz shuluip muq, tsuingshiq tvkoc khoarc jix vguez. Uraq muinz miqmac pumz kuex tvmac tsac shuex rvmuq, vyonz vyex tvkhic tvraung piq khux kuex sulx gay shuex rvmuq.

JEREMIA 16:6 Referencias Cruzadas

2 KAÜWA WERAÜ 36:17

Kra ningkhan Tatiwe raq tsangshiq tlong kai miitu Bebilon mung hokhamwe kriishe tiikito. Hokhamwe raq Juda mungti jerobi thun kra jiip baiqto. Shomjam mong wa taqtaq tsatbaiqto. Apaiq raq jumin tiihang wan mak she riito. Jero jiimin, nyungwe jiimin, maiqwe jiimin riimakla jechak nyung jiimin, atsiti jiimin, aheati jiimin tiihang mak riito. Shiikeawe raq tsangshiq ka wiitarü apaiq jaq khon mong niishe kiinong kuqbaiqto.

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

ISAIA 24:2

Maiqse angu kunli raq kra kharii mirhum. Ramwebi, kiimaq mungmaiqse, disetiim kiimaq atijongwetiim, hupsam ritibi kiimaq hupsam shatibi, atiinamketibi kiimaq anamtibi, chiitheti kiimaq miitsanbi.

JEREMIA 13:13

Kiijiishe ümniiraq tsangshiq ma chongkuqlaq, Ngi, Tatiwe raq armungti ka che tiibak nyang lata wok phetaktak, che maq mitiichokha. Hokhambi thun, Dawit saüsetiim thun kra. Kiimaq ramwebi thun kra kiimaq shammibi thun kra kiimaq Jerusalemti thun kra che maq mitiipheha.

JEREMIA 16:4

Tsangshiq ka thadong henghea phiiptsi chang dongtlaq kiina mijiim. Tsangshiq maajoti maiq jumin ahü miraq. Kiimaq tsangshiq maaphong kra lapsheti min ahü miraq. Tsang maaphong ka minsaü daiq phong wak na aphong ikha mirphong. Tsangshiq ka redong akhing na re raq mijiipbaiq, riimakla ramdong raq amang maq mijiim. Tsangshiq maaphong ka wushikong raq miphaq kiimaq rum wa ngam kong raq miphaq.

JEREMIA 41:5

maiq kongshi maiqwere roqtiichat ka Shekhem chela, Shilo chela, kiimaq Samaria chela maq aki saühoto. Tsangshiq ka tsang nübin thun sije, raüta tsangkhu tsangkhea ka achai raüta tiichai miiphai wunthaü riinaü sam raqraq, kiimaq tsangdü niimin ami atsi phan tiihan raüta saühoto. Tsangshiq ka rai awong thun, kiimaq honglu na kechang homseng thun ka Shomjam na kekai ma nguta hoho raüta saühoto.

JEREMIA 47:5

Gaja chela na siti ma aho ajü jonghea saüto, kiimaq Ashkelon chelati ka kaiqshak shak she. Philistain mungti chela ahinti raq ümtincho na saüli wa mihoqsiq?

JEREMIA 48:37

Tsangshiq wiitarü raq tsangkhu ka loktam sibaiqto. Raüta tsang nübin ka sibaiqto. Tsangshiq wiita raq tsang jaq na wiita tiimitsi hanto. Kiimaq maiq loweatek raq wunthaü riinaü khea sam raüta maaho majü jümiitlo.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

JEREMIA 8:2

Kra maiqrii phong ka riichom raüta hiqkho ashi na lapbaiq rii na, tsangshiq rok ariiq phong kriika hiqraikhü na weram werok, hiq tiipii ma khoti miphong baiq. Kra maiqrii phong ka riinyin riishin rashekii na, jipi li na kiimaq raiqsaiq liliimtlaq kiijaq mirphong rong, tsangshiq raq lungwii wantaq kiimaq shiikumpan wantaq kiimaq tsangshiq raq phan rap sham akai na lang liiwantaq kiimaq shomnoq wantaq kra khaki na miphong wan.

LEWI 19:27

Namkhupo siim tro na khu ka sibaiq maimak. Riimakla namkhubin ka tapbaiq maimak.

LEWI 19:28

Riimakla namkhum na awaiq angon waiqwe maimak. Riimakla maajo miitu namkhum na atsaü wiq Tlamhihi tiimikhat han min maimak. Ngi ka Tatiwe.

AMO LUIK DVP (AMOS) 6:11

Liironglaq, Tatiwe raq aming kuqtlo. Jamjong kaütiim thun ka bunlak buncha mibuk baiq. Jamransetiim thun ka apun min ahü mishthen baiq.

Matthew 9:23

Kra raütiishe Jesuq ka maiqla we jam kiiniishe saü wanto. Apaiq raq kiijaq majo kaitibi maiq wiijam ka ma lapkai tiijeme paimin toro tsüti nai kiijaq nokmaiqse thungtii rai tlaq thun ka achhang ahang trang she lowanto.

TRI CHONGKE 14:1

Mosheq raq Israilnok ma nguto, “Namshiq ka Tatiwe namshiq Shiikeawe senginok. Kra ningkhan pongnok phan maiqse raq maaho majütlaq akhing na tsangshiq khum na tiimi hantlaq ikha kiimaq tsangshiq khakam wa khubin ka sibaiqtlaq ikha namshiq riika namkhum naq tiimihan rongkiq kiimaq nam khakam wa khubin ka naq sibaiq rongkiq.

Revelation 20:12

Kiimaq ngi raq maiqse ümchuwa atsai kaiwi ajong ala kiimaq wepuq wese thun ka kongshi niili ngacho khaki na chap raqraq chhikang. Mangjong maiqse raq jamlai wa sham wantaq kra awaiq thü lakdap thun ka linto. Raütiishe lakdap ashi, maiq atra sitlaqti thun mang awaiq thü kriishe linto. Maiq atsai arki thun ka tsangshiq raq jamlai wa sham wantaq thun kriika, kra lakdap thun na awaiq thü asi. Kra phanphan she tsangshiq kha ka pho kuqto.

Revelation 6:15

Kiijiishe, ara mangjong hiq na honyung hokham bi, mungtubi, kiimaq phentu ajong ala bi, chiithe lüwa ajong ala bi, kiimaq maiqse angu sephii nojii hiq ma hutse, di ama kiimaq aki miikiim wiita, chongkhong longsha mong na, kiimaq ku akin takiq na niishe tiipaü wanto chhikang.